Yotuwa 7:9 - Ala Wone Peenok Peebi Mbanak

⁹ Wone yi, it aakumi Kanan mendek inom, it aakumi o yime menggaarak inom, nen konenggo logomenggaarik, nit kup mbambinaninuk, o yime nen ninendage lek eerogo pinanugwi iinok, ta nen kat kendage tiyappege logogin o? Lek aret me, nonggop eerumunggun o, nogoba,” yinuk, yoreegerak.

Yotuwa 7:9 ပူးပေါင်းရင်းမြစ်များ

Ndawi 115:1

Kaliku ALA wae. Kat nen aret kiniki kunik ee'ninake, Kat nen mban ko'lu-kii'me liirogon eeppinanege, Eeke menggendak me, Nit ninendage tiyappakwi, nit wogoppakwi, Eekwi lek o. Ata, kat mban kendage tiyanak logowak nduk eeko ogoorik o.

Ndawi 48:10

Ala wae. Kendage yi o ndi o wiganinuk nagagi kwak, Kabok konembunuk, kendage tiyappagawi nogo ti, O irip-irip abok aret wiganinuk nage, Keenggi abe omaawi paga A'me nggelok eeppiige menggendak nogo Yi awi ndi awi ineenu arit nage, Eeke agaarik o.

Ndawi 79:9

Kat ninagap ndaka Ala wae. Kendage abu tiyanak wonage me, yeenggwa nira wage, Kendage tebek yukwak, Wondet eerogo pinanege logomenggendik, Ninomaluk lek eerogo pinanege, Eeru o.

Ndawi 83:4

“It aakumi Iterali inendage ki logukwak, lek eerogo piigwi, Iterali mendek inoba aberak logukwak lek eerogo piigwi, Eeruwok o,” yinuk,

Ndawi 83:5

iniki abu ambit eeppunuk wone koonogo pugwi, Eeko agaarik o. It inawooliya wuppunuk wonaga Erom mendek inom, Itimayen mendek inom, Mowap mendek inom, Kagat paga wiganak mendek inom,

Wundeegwaarak 32:12

It maluk eeppiyoorak kenok, aakumi Metit mendek nen yogo logonet, At Aliku ALA nen it Iterali wogoren wundi nagaarak nogo puut paga time inenggaawak abu lek eerogo inoorogo piyaakit nduk wogoren nagaarak o, yukwak, kanini ambik agaarak nogo tebenogo punuk, kapuri maluk eeppiyoorak mbakendak nogo kiniki yungguk kwaappunuk, inabuwa nen teppiyet o.

Yetikiyen 20:9

Ti koonogo pereegirak kwe, yi aakumi ndi aakumi inenggaanom paga an nen it Iterali o Metit nen wogoren wundi woroorak wone yereegirak me, yi aakumi ndi aakumi it inom wonogwe ti nen an nendage abe nogo maluk eerogo pukwak, koonogo pereegirak nogo eerulik mbo punuk,

Yowen 2:17

It aap Aliku ALA enggaanom paga eeko menggaarak Ala unde nogo, Ake warogo wogogak ogobakkigirik kagak, Ala awi wurik me tu unggwogo menggam kagak, Oolo time logonet, leenggu maakwi, It nen, Kaliku ALA wae. Keyate kwak kapuri kiniki kundugu nogo, aakumi inenggela'me wonogwe iinok, Inabok nggarik-nggarek agan nugwi, Miyuk-meya eerogo piigwi, It inogoba Ala nggeeme wonage o? yinuk, it-it agan nugwi, Eekwi iyo, Kapuri inaana'le mbangge logot o, yinuk, yokkugwi, Eeruwak o.

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.

Linggineegwaarak 14:13

Yoge mbareegi, at Muta nen Aliku ALA yoge, “Kat komaawi paga it aakumi Metit mendek inenggela'me nen wogoren wundi wagagindak kwe, kat ti eeke keenok, it aakumi Metit mendek nen konenggo logomenggaarik, it nen aakumi yime wonogwe nogo kat kabok mbininogo yorogo logogun o. Ndi, kat Kaliku ALA nen wo'niren wundi wage logonet, ninarum wonage, Kaliku ALA ninom ninengga kunna'nuk, wone mbanggwi, kandugwi ninirimbaga logonet, o liingge paga wo'niren nage, oonikiya kandugwi logonak abinak nirimbaga wonage nogo nage kenok, mugurok nogwe, eerit wogwe nogo it aakumi yime mendek muk keegaarak me,

Yaya 12:28

Nogoba o. Kat kendage tiyappatu o,” yinuk, yoreegerak. Yoge mbareegi, mbogut paga nen oone ari logonet, “Nendage muk tiyappakirak me, ambinom aret tiyappatigin o.”

Pelaareegerak 9:28

Liippiinok, kapuri yi, lek eerogo piyaamunggun keenok, it aakumi o kat wo'niren wundi wagaginom nogome nen yogo logonet, At Aliku ALA nen aakumi Iterali mendek o wogoroorak koonogo pereegim nogome wogoren piya noorak meek age, ndi, eebi inombake, eeke nagaarik, o karume time inenggaawak lek eerogo inoorogo piyaakit nduk, wogoren wundi nagaarak kogo o, yogo logokwak me, inoorogo piyaagun o, nogoba.

Yotuwa 7:10

Yoge mbareegi, at Aliku ALA nen Yotuwa yoge, “Kat nano nduk ketenggen wanduk windak wonage agandik? Mi'naru o.

Yotuwa 7:8

Ninawim nen nit aakumi Iterali mappinanggaarak mbaganit wogoorak me, Kaliku nogoba ALA wae. An nonggop yi o?

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.