Yotuwa 7:8 - Ala Wone Peenok Peebi Mbanak

⁸ Ninawim nen nit aakumi Iterali mappinanggaarak mbaganit wogoorak me, Kaliku nogoba ALA wae. An nonggop yi o?

Yotuwa 7:8 ပူးပေါင်းရင်းမြစ်များ

Etara 9:10

Togop aret me, ninogoba o. Kat abok aret eeppinanege keegoorak me, nit nano yokkiruwi o? Kat nen ari logonet, Kit unggwi nogo logomonggotik, o unde eeppatinuk logowam time it aakumi maluk lombok peyak wurik pogom eerit nogo menggaarak paga inanggween ilin-unggut time abok aret maluk ti mendek mban mondok endak wa'nagagerak wonage me, kit kinapuri komologwe it inapuri wologwe wogorogwe, ndi, it inapuri komologwe kit kinapuri wologwe kologwe, eeriyak ti mondok mage o. Nggween ti, kologo logomonggotik, ti paga wonogo logonet, kinomaawi lombok ogwe, anggen obeelom mbanogo nunggwi, eeko logomonggotik, kineyate nggween ti, kinapuri mondok-mondok unde logowak nduk, wogoroorak me, it aakumi ti, kinom lambunik wonogwe, inamendek kologwe, eeriyak mage o, yinuk, it kat kayeloman mini koone yoraga nogo yorage keegak, wone, Yogop ee'nu ndogop ee'nu, yinuk, yo'nirogogwaarak nogo taganogo mbo pereegurak me, nit nano yokkiruwi o.

Ndawi 44:10

Ninawim inayuk nen kole mbaganuwok nduk, Eeppinanegendak paga mbaganggwi niigak, Ineebi ninombaka nen ninamendek kugun waganggaarak o.

Ndawi 89:43

At awooluwak engget tugunogo pege, At wim eeke kagak, inom aga'lek mbo pege,

Abakuk 2:1

An nggayo wurik paga o tum wake minggim lagi nage, O pak wurik irimbaga unggut-unggut yerek-nggorek wurik nogome nu'lek mi'nari lagangge, Eeke logominggirik, “At Ala nen wone ngge yo'nege kaamun?” yinuk, tokkage, “At Ala eeke yi, neebi o,” yinuk, “Ala yogirak nogo onggo yo'nege kenok, an nonggop yi?” yinuk, koongge, Eerigin o.

Yotuwa 7:7

O kiip age mbareegi, Yotuwa nen Aliku ALA yoge logonet, “Kaliku Kitok Menggendak nogoba ALA o. Aakumi Amori mendek nen nit aakumi Iterali yi, nineebe lek eerogo pinaniyak wogoraanok nduk, wo'niren niyo Yoraran yi paga wunda wage keegak, nit time logorak nggaruk togon koonggoobok, nano nduk o yi paga wunda wogoorak, ao.

Yotuwa 7:9

Wone yi, it aakumi Kanan mendek inom, it aakumi o yime menggaarak inom, nen konenggo logomenggaarik, nit kup mbambinaninuk, o yime nen ninendage lek eerogo pinanugwi iinok, ta nen kat kendage tiyappege logogin o? Lek aret me, nonggop eerumunggun o, nogoba,” yinuk, yoreegerak.

1 Tamuwen 4:3

Inooko mbareegwa, it Iterali inawuri ineegin warak nogo iniyokan inawooliya wurik me wogo nogogwaarik, aap Iterali inoweewi it mban-mban yogo logonet, “It aap Pilitin mendek nen ninooruwak nduk, at Aliku ALA nen nonggop nduk teppinanegerak mbakop? Aliku ALA ninom logonet, ninawim ineenggime nen ndinninake logowak nduk, Aliku ALA aloobut mbanak wone yugu yonggolak o Tilo wonage nogo wa nawok o.”