Yotuwa 7:2 - Ala Wone Peenok Peebi Mbanak

² Anini inoba wonage kagak, at Yotuwa nen at awuri yorage logonet, “O Yeriko yime nen o Mbeten oonegen lagi wage menggim pa'nggwe o Ayi o Mbet-Awen korotok time kinigen lombooni nanip o,” yinuk, nappiige mbareegi, o time inigen lombooni nogogwaarak.

Yotuwa 7:2 ပူးပေါင်းရင်းမြစ်များ

Wakkagagerak 12:8

Logonogo pege nagagerik, at Abaram nogo o nogome teppunuk, puut tiyak-tebek o Mbeten oonegen lagi wage menggim pa'nggwe nogome puk ari wage nagagerik, o Mbeten nogo oonegen kilu yi nage menggim pa'nggwe agi nikkagak, ndi, o Ayi oonegen lagi wage menggim pa'nggwe ogu wukkagak, oolo time ooliya wuppunuk logonet, yugum logonogo punuk, Aliku ALA ake pege logonet, at Aliku ALA endage kunogo alut eereegerak.

Wakkagagerak 28:19

“O yi endage, Mbeten o,” yinuk, tooneegerak. Ndi, o nogo aa'nduk nen, “Lut,” aret yogo nogogwaarak.

1 Endagembogut 12:29

Yorage nagagerik, tapi ogut ogobakkigirik ambi o Mbeten pi nage, ndi, ambi o Ndan pi nage, eereegerak.

Nekemiya 11:31

Ndi, it Mbeniyamin mendek paga wiganak o Nggeba wonogogwaarak nogo ti, o Mikamat inom, Aya inom, Mbeten enaagan-ambokan yaga'lelo lombok inom,

Kini Wuppiige 20:18

Eeriyak mbaremenggendak nogo koreewi kinom koonogo pege, Wim namburiyak mbake keenok, “Nonggop eeruwok o,” yinuk, koreewi yoranet nege, Eeke logot o.

Kini Wuppiige 24:6

Eeriyak abu koonogo punuk, wim nambuke, Ineebe ambik nen nim lengganinakwi paga ineegin tiyak ari, Eeke menggerak.

Yetaya 10:28

It aap Atiyut mendek ineegin warak nen aakumi o Ayat inawi tebeni unggwogwe, Ti'nuk, o Migoron kagak nok, o Mikamat wogo nagaarik, wim eekak inom, mbi kambu inom, time punuk,

Yeremiya 49:3

“O kota Ayi ti, yigirik-noonom eerogo pugun me, It Ketibon mendek ti, leenggu maakwi, O kota Araba aagalogwe komologwe nogo inoone nggwok paga le yogwe, Eeko logowak o! Inagugi Milikom nogo wonok mbo pi nogo logonet, It aap at unde inom, it inom eeka inengga warak inom, inom wogoren mbo piya nagun me, Yum nibinik maluk mendek yippunuk, inale yogo logonet, Nggeeme kumaa'nari nawi, yinuk, lin warit nugu logowak o.

Oteya 4:15

It Iterali ti, kumi ya wuginakak kwak eerit nugwi kwe, it Yekura perak, togop eerugwaarik o. It o Nggiligan paga kugi alut eerit nogwe, O Mbet-Awen lagi nogwe, An neenik minggirak Naliku ALA nendage kumbunuk, kumbuk mbanggwi, Eerugwaarik o.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Epetut 5:15

Togop me, kit eerit nogo monggotak nogo, mondok liippunuk eerit nogo logonip o. O yi eyom paga aakumi nen maluk mondok alik negen eerit nogo logorak koonggwi me, kiniki lek we ugun eerit nogo logorak ti mage o. Ata, kiniki mondok warak logonet, “O yogondak obeelom eeriyak ambi yi, nanonggwan agaarak me, eerikit o,” mba'nuk, eerit nogo logonip o.

Yotuwa 12:9

Aap endagembogut ambi o Yeriko mendek, ambi o Mbeten ambokan o Ayi mendek,

Yotuwa 18:12

It Mbeniyamin inanggween kuli o omarip paga pa'nggwe ti, niyo Yoraran aa'nggi paga panggombunuk, o Yeriko o omarip paga pa'nggwe puut elan me nen oonegen kilu yi nage menggim pa'nggwe mugurok puut nggelok-nggobok me nen, irip karume o Mbet-Awen ari nanuk,

Yotuwa 2:1

Yogo mbareegwa, at Nun aput Yotuwa nogo o Titim logonet, aap mbere o Yeriko inigen yombooni nawak nduk, kote kumaarogo nappiige logonet, “O yaga'lelo ambik wurik Yeriko ti inom kinigen liirogon pippak yomboombunuk, woro o,” yoraanuk, nappiyareegerak. Nappiige mbareegi, nogo nogogwaarik, kwe ambi ya wukak endage Arakap ame nogo yereegwaarak.

Yotuwa 7:3

Inigen abu aret lomboombunuk, iniyokan wogo nogogwaarik, Yotuwa yogo logonet, “Aap Ayi mendek ti, ineebe we mbereeluk mban iigoorak me, it aakumi apit tu aanom warogo nookwak, it apit ya'i iigak, nineebe we dua ribu ilik, tiga ribu a, ninalik mban aakumi Ayi mendek inoori nawok nduk, nappinanu o.”

1 Tamuwen 13:5

Kuwak ari nogwe iigak, it aap Pilitin mendek nogo Iterali inom wim namburiyak nduk, kuwak eeppogo nogogwaarik, ineebe tiga ribu nggweendo wim eeka ogobakkigirik paga laganggwi, aap ineebe enam ribu kuda amborowak paga kwi'nogwe, it ineegin warak ineebe mbini niyo ambet paga wonage menggi kwak iniyok paga nogwe, eeko nogogwaarik, o Mbet-Awen oonegen wundi wage menggim pa'nggwe o Mikamat taa'nogo aret inawooliya wukkola wogogwaarak.

1 Tamuwen 14:23

At Aliku ALA nen aakumi Iterali mendek nogo, ne ti eyom paga inagap ndake kagak, inoorit o Mbet-Awen kagak-kagak tayorogon ari nogogwaarak.

1 Tamuwen 30:27

aap Yekura inoweewi o Mbeten wonogwe inom, karume o nggwok nenaarak o ame pa'nggwe o Aramot wonogwe inom, Yatit wonogwe inom,