Yotuwa 7:1 - Ala Wone Peenok Peebi Mbanak

¹ Yotuwa nen aakumi Iterali yorage logonet, “Aakumi Yeriko inamendek ti, Aliku ALA amendek ake leenak aret me, woorak mage o,” yoragagerak kagak, aap ambi anebunu Yekura mendek endage Tera. Tera aput Tabiri. Tabiri aput Karimi. Karimi aput Akan nogo nen yi mendek ndi mendek ando waganeegerak me, at Aliku ALA anini mi'nage logonet, Iterali inoba piyareegerak.

Yotuwa 7:1 ပူးပေါင်းရင်းမြစ်များ

Wakkagagerak 34:27

Nogo abu aret inoorit nogo mbareegwa, at Yakup apuri ando nogo, “Ninawuluk o yime nen maluk eerogo pegaarak me,” yinuk, inanini teenogo it aap inoorit nogogwaarak nogo

2 Tamuwen 24:1

At Aliku ALA anini nggwok togon ne ambinom aakumi Iterali mendek inoba piyaakit mbake nagagerik, aakumi Iterali ineebi mbaruwak nduk, Ndawut inikime manake logonet, “It aakumi Iterali mendek inom, Yekura mendek inom, keenggi linggininabi nak o.”

2 Endagembogut 5:24

puut paga ari wogo nogogwaarik, at Nggekati nen it at Naman ayeloman mbere wonok wogogwaarak nogo waganogo ame pi unggwage nagagerik, aap ineebe mbere nogo, “Kiname nanip o,” yoragagerak iname nogwe iigak,

1 Mbinineegwaarak 21:7

At Ndawut eeriyak yoragagerak nogo ti, Ala nen kunduk, “Ti maluk aret eekerak o,” mbareegerak me, it Iterali liippuwak nduk, aaninggin inoba kwippiyareegerak.

2 Mbinineegwaarak 24:18

Aruk konembunuk, inombomini inogoba Aliku Ala awi wurik nogo mbo punuk, kugigwe Atitoret ageyo arelen yinik nogo inom, kugiwak ogobakkigirik nogo inom, tiyappunuk, mugurok nogo nogogwaarak. Ti eekwi paga Aliku ALA anini it Yekura mendek inom, Yerutalem mendek inom, inoba kwippiige logonet,

Etara 9:6

yoge, “Nogoba Ala o. Ninomaluk ambik lombok ninoba luurik wonage, ndi, ninomaluk eekoorak ti, mbogut kuli aret ari lagangge, eerak wonage paga niniki andi lombok logonet, nenggali mbakak kat nogoba nenggaawak pilarogon pekkeyoorak meek ee'nake o.

Ayup 35:8

Lek aret me, kat maluk eerit nage nogo ti, It aap kat kokwak mban maluk eeppiige, Ndi, kat abe koonak mban eerit nage nogo ti, Aakumi inapuri aret obeelom eeppiinet nage, Eeke menggendak o.

Wone Alom Kibingga 9:18

Wim nambuka yi mendek ndi mendek ti, iya negen kwe, iniki warak nen wone koongga ti perak iya lombok me, O obeelom wonage nogo aap maluk mendek ambit nen a'nggan waganogo pege menggerak.

Ndaniyen 9:7

Nogoba wae. Kat obeelom mban eeppinanege menggendak kwe, nit aap Yekura mendek inom, aakumi Yerutalem mendek inom, aakumi nit Iterali mendek nen kat koone liirogon eerulik paga yi o ndi o mbo pinaneegindak aakumi inenggela'me mak aago nda wonogwe inom, koorok wonogwe inom, nit abok aret ninenggali mbakak yogondak wonogo ogoorik o.

Ala Unde 10:6

Piya nogo mbareegwa, at Muta nen Karun inom, apuri Eleyatat Itamat imbirak inom, yorage logonet, “Kit togop aret kanggwi, ndi, Ala apuri kuwak aago Iterali nogo Aliku ALA nen anini inoba piige, eerukwak, aap kanggaarak ti paga kiniki wakkologo logonet, kinabetagi nibinogo pakwi, kineeruwak piinogo teppugwi, eeriyak mage o. Ata, kit kinoreewi aakumi Iterali ti perak, Aliku ALA nen kani paga inookerak ti paga inaleenggu maako logorak op aret o.

Yunut 1:7

Yoge nagagerik, it nen at ambi yogak, at ambi yogak eeko logonet, “Aap ta nen eekerak paga maluk ee'ninake nineenu aruwok nduk, yugum paga wakkaawok o,” yinuk, wakkogo nogogwaarik, yugum nogo wa'nanok aap Yunut owagam ari nagagerak.

Yotuwa 22:16

“Nit Aliku ALA apuri Iterali lambunik abok aret nen wone yogoorak nogo yokkiraawi o. At Aliku Iterali ninogoba Ala mbo punuk, nonggop nduk at maluk eeppogo logonet, kiniki liippega'lek worokot paga warogo wogogak ogobakkigikkologo ogotik o?

Yotuwa 22:18

Kit yogondak ambinom aret at Aliku ALA kinambokan mbo puurak nduk, eeko ogotik? Kit yogondak Aliku ALA kineebi mbakwi kenok, o ko'lu aret nit Iterali lambunik abok aret anini ninoba pinanigin o.

Yotuwa 22:20

At Ala amendek ake aret me, woorak mage o, yugu kagak, at Tera ombooluk Akan nen waganeegerak paga nit Iterali lambunik abok aret anini ninoba pinaneegerak lek mbakop? At Akan maluk eereegerak paga alik mban kambulik o. Ata, nit apit aret kambeegurak o, yinuk, yogoorak me, yokkirogo o.”