Yotuwa 3:9 - Ala Wone Peenok Peebi Mbanak

⁹ Yoge mbareegi, at Yotuwa nen it aakumi Iterali yorage logonet, “At Aliku kinogoba Ala oone ari nogo kit kinaruk konenubagip nduk, ya'i panggo yi woraanip o.”

Yotuwa 3:9 ပူးပေါင်းရင်းမြစ်များ

Pelaareegerak 12:8

At Aliku kinogoba Ala nen yate kokwak kinanggween wokkirage kenok, tat yonggonggologo logowam nogome awo unggwi naga'lek me, kinalitak lombok kiniki koombunuk eekwi kwe, unggwi nogo logomonggotik perak, yogondak eekwi yogobi kokwak eeko logobok o.

Pelaareegerak 4:1

Muta nen aakumi Iterali yorage logonet, “Kit nowe-nawot Iterali mendek yi wae. At Aliku kinombomini inogoba Ala nen nggween wokkirage nogome unggwi nogo logomonggotik, unde eeppatinuk logonet, kineenik logomunggup nduk, wone lengganak inom, eeko logorak wone inom, an mamunggirage yi, kinaruk liirogon konembunuk, eerit nogo logomunggup o.

Yotuwa 3:10

Yorage nagagerik, panggo yi wogo mbareegwa, it yorage logonet, “At eenik menggerak Ala nogo kinenggela'me wonage logonet, it aakumi Kanan mendek inom, Ket mendek inom, Kewi mendek inom, Perit mendek inom, Nggiragati mendek inom, Amori mendek inom, Yebut mendek inom, it apit aret at Aliku ALA aa'nduk a'nuk, mugogo wumbiyaagin abet aret kineenu arumunggup nduk, ambi yokkira o.

Yotuwa 3:8

Togop me, it aap Ala unde wone yugu Ala aloobut mbanak me yonggolak wonok nogo menggaarak nogo nen Ala aloobut mbanak eewurik wonok niyo Yoraran aa'nggi paga panggo yi nogo logomenggaarik, nok-nok aret niyo inikime time mi'nari unggwi nawak nduk, yoret o.”