Yotuwa 3:7 - Ala Wone Peenok Peebi Mbanak

⁷ at Aliku ALA nen Yotuwa yoge, “An Muta nimbirak wonagagirak nogo pogom yogondak kat nimbirak wonage nogo it aakumi Iterali ineenu aruwak nduk, inenggaanom paga kat kendage tiyappagagin o.

Yotuwa 3:7 ပူးပေါင်းရင်းမြစ်များ

1 Mbinineegwaarak 29:25

Ndi, it aakumi Iterali abok aret inigen iigak, at Aliku ALA nen Talomo endage mondok iya tiyappege nagagerik, at endagembogut aga'lek kagak it Iterali inoweewi inendagembogut inendage tiyanak wonogogwa kwak lek at endage mondok alik negen tiyappege mbareegi, endage wiganinuk nage nagagerak.

2 Mbinineegwaarak 1:1

Aap Ndawut aput Talomo ti, ogoba Aliku Ala imbirak logonet, at abu iya lombok eeke logowak nduk, eeppereegerak me, endagembogut logonet, at abu'me piinok menggim ti, omaawi lombok aret eerogo pereegerak.

Ayup 7:17

Aakumi ti, taamini me nduk, Kat nen it iya eeppiige, it liippiige, Eeke menggendak?

Ndawi 18:35

Nagap ndarak logokit nduk kanggeemu wo'nege, Keenggi abe'nggan paga panggonneren nage, Nendage nggwok aruwak nduk mippani wambi wage,

Yaya 17:1

Wone ti yorage nagagerik, at Yetut ena mbogut paga ni'na'nuk, ogoba yoge logonet, “Ai, nogoba o! An ee'naburak eyom panggoni wagaarak o. An kaput nen kat tiyappagakit nduk, kaput an naa'nduk tiyappanu o.

Pilipi 1:20

An eeke logokit nduk unde eeppaneegerak nogo, ando eeka'lek neenok, nenggali wappaniyak neebi me, “Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, “Op mban aret o,” yinuk, nagabiti mbaka'lek yoranet nege logorak uugwe lombok mbake agarik o.

Yotuwa 1:5

An teppagage, eraangge mbo paganuk mbagangge, eerigin lek at Muta nimbirak wonagagirak nogo pogom kat nimbirak mondok aret logogun me, kat keenik wonage keegak, aap ambi nen tebenogo pagagin mondok lek o.

Yotuwa 1:9

Kat kogogumbuk kiniki mondok nu'lek eeppatinuk logot o, yinuk, yokkigirak nogo lek a? Kat ambime nage keegak, Naliku kogoba Ala an nimbirak nagin me, kat kagabiti mbake, eerit nage logonet anggon eekkake, eeriyak ti mondok mage o,” yinuk, yoreegerak.

Yotuwa 3:6

Yorage nagagerik, it aap Ala unde nogo yorage logonet, “Wone yugu Ala aloobut mbanak me yonggolak nogo, eewu'nuk wonok kinaa'nduk yi enebaga wunda namunggup o,” yinuk, yorage mbareegi, Ala aloobut mbanak nogo eewu'nuk wonok inaa'nduk wunda woraawok nduk, eekwi iigak,

Yotuwa 3:8

Togop me, it aap Ala unde wone yugu Ala aloobut mbanak me yonggolak wonok nogo menggaarak nogo nen Ala aloobut mbanak eewurik wonok niyo Yoraran aa'nggi paga panggo yi nogo logomenggaarik, nok-nok aret niyo inikime time mi'nari unggwi nawak nduk, yoret o.”