Yotuwa 2:9 - Ala Wone Peenok Peebi Mbanak

⁹ yorage logonet, “At Aliku ALA nen o nggween yi muk wokkiragagerak an abu neenu aret me, it aakumi yime wonogwe yi abok aret kit kiinok, inagabiti nen iniki ma'nage logonet, inaganak warit nage agaarik o.

Yotuwa 2:9 ပူးပေါင်းရင်းမြစ်များ

Wakkagagerak 35:5

Nggween taambege nagagerik, akuwi-apurilogwe inom o Mbeten wogwe iigak, it aakumi inom wonogogwaarak enaagan-ambokan nogome nen muguren worookwak nduk, Ala nen mondok inagabiti agago piyareegerak.

2 Tamuwen 17:10

Togop yoranet nogwe iinok, it aakumi Iterali mendek abok aret kogoba Ndawut nogo awuri inom ti, inogogumbuk wim wakaa'ngget nggeewo mba'ngge anini wulo menggi kwak menggaarak ineenu me, kat kawuri inogogun ambik wakaa'ngget menggaarak kwe, wone ti, konenggwi iinok, inagabiti nen iniki ma'narugun o.

2 Endagembogut 5:15

Age nagagerik, aap Naman inom nogogwaarak nogo, Naman inom aap Ala wone liirogon eeka nogo ka wogo nogogwaarik, Elita enaame taati logonet, “O nggween paga yime abok Ala wonage lek Iterali inenggela'me mban wonage nogo o yogondak yi paga neenu agarak me, an kayeloman nale'nggen nen wokkege yi, kolet o.”

2 Endagembogut 7:6

Aap Aram ineegin warak nogo, kuda iniyogobit oone inom, nggweendo wim eeka iniyogobit oone inom, ndi, it aap wim eeka ineebe apit aago iniyok oone inom, agan wogwe inaruk konenuwak nduk, at Aliku ALA nen eeppiyareegerak paga konenggo nogogwaarik, ambi yogak eeko logonet, “It aap Iterali inowe endagembogut nen ninooriyak onggo it Ket mendek inowe endagembogut inom, Metit mendek inowe endagembogut inom, wogoroorak koonggerak nogo, ninoori wogwe yi aret o,” yinuk,

Nekemiya 6:16

Ndi, age yoboneegurak nogo, yi aakumi ndi aakumi ninaagan-ninambokan wonogwe nogo abok aret inigen kogwe, ninawim nogo inaruk konenggwi, eereegwaarak me, ninawim nen, “It inogoba Ala nen yeenggwaarage kagak, eekaarak kogo o,” yinuk, inoone lek puk aret ogogwaarak.

Etet 8:17

Wone lengganak liiru mbanak nogo yi o ndi o inom, yi kota ndi kota inom, aap endagembogut abu'me piige menggim abok aret mippit nogwe iinok, it aakumi Yakuri mendek iniki ale'nggen kani negen wunuk ari logonet, laago nggwok lako mbareegwa, it aakumi inanebunu alik mendek time wonogwe nogo apit aret aakumi Yakuri inayuk nen, “Nit kit mendek aruwi o,” yinuk, inom ogogwaarak.

Ayup 19:25

Naana'le mbangga ti, eenik wonage, Ndi, o age yobok paga at nggween paga mi'na'nuk, Nawone nggaruk togon mbanogo pege, Eerigin an neenu aret o.

Ndawi 112:10

It aap maluk mendek nen at eeke nogo, inigen kogo logomenggaarik, inanini mbakwi, Ineebi nen ineyak nggilik maakwi, Iniki andi eekko'net unggwogwe, Eeko logogun o. “Nit ambi eekkolaawok lak,” mbaremenggaarak kwe, Lek aret age logogin o.

Ndawi 115:16

Mbogut ta'mban-mban eerak abok aret Aliku ALA unde wonage kwe, O nggween yi perak, It aakumi unde logowak nduk wogoragagerak o.

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Wundeegwaarak 23:27

Yi aakumi ndi aakumi inanebunu lombok nen kit nogwe nogo inaruk konembunuk, Wogwe yi o, yinuk, inagabiti mbakwi, iniki ma'nogwe, eeppunuk, kinogole nen mbaganuwak nduk,

Wone Alom Kibingga 8:12

Aap maluk mendek ambi nen maluk 100 kuli eerit nage kagak, nda'nagagerak nggorek ari namenggerak kwe, it Ala inagabiti ombako logonet ayuk wuko menggaarak nogo Ala nen obeelom eeppiyaagin lek ti lek, obeelom lombok eeppiyaagin neenu kwe,

Yetaya 19:1

O Metit mendek eeppiyoorak Ala nen abinggaanggo paga yoreegerak nogo yi aret. Ndugwi mbe agan nage ti paga Aliku ALA kwi'na'nuk o Metit nage yi, kaanip o. It Metit mendek inagugi ogut aago nogo inaganak wake, It aakumi Metit mendek iniki ma'nage, Eeko agaarik o.

Yetaya 23:5

It aap Metit mendek kunduk, O Tirut muk lek eerogo pegaarak o, yogwe nogo Inaruk konenggo logomenggaarik, inagabiti nen inaganak wako logogun o.

Yeremiya 27:5

Neenggi omaawi paga nggween inom, aakumi nggween paga wonogwe inom, nggween paga wonogwe ndiimbu-nggwiya towe-pagi inom, abok aret ogobakkigirogo piyareegirak me, niniki koombunuk, wogoroorak mbake kenok mban wogorage minggirak me,

Nakum 2:10

O Niniwe amindik-amendek abe pugu nogo waganggwi, O wogo eerogo pugwi, Yarak alom kinogo nappit nogwe, Eekwi iinok, Iniki ma'nage, iniyok yandek-yandek eekwi, Inaganak wake, Inagap nggilaame nik togon eerogo piige, Eekwi iigirak o.

Linggineegwaarak 20:14

Ti'nuk, at Muta nogo o Kareti logonet, aap Erom inowe endagembogut wone yori nawak nduk nappiige mbareegi, nogo nogogwaarik, at yogo logonet, “Kat koreewi Iterali mendek nen wone eerogo nappinani wagaarak nogo yokkiruwi o. Nit aaninggin-paaninggin ninoba arit wage nogo kat ninogoba muk keenu aret o.

Linggineegwaarak 20:24

“Kit niyo Meriba eneerime logonet, an nen, Ndogop eeriyak, yokkiragarak nogo taganggotak me, at Karun yi, o aakumi Iterali wogoraawam nogome unggwi nagin lek o. Ata, ombomini nggwogoba nogogwaarak kuwak aago wonogwe me time iya nagin o.

Matiyut 20:15

An namendek paga niniki mba'nuk eeriyak mage nduk yagan ya? Ndi, an inabuwa nen wogorage neenok, kat kanini nen yo'negen ya? yinuk, yoreegerak.

Pelaareegerak 11:25

Ndi, at Aliku kinogoba Ala nen koonogo yokkiragagerak nogo ndak-ndak aret o kit kiniyok pit namonggo'nom abok aret kit kineebe paga inagabiti mbako logonet, inaganak nuk-nuk iraawak nduk, at Aliku ALA nen eeppiyaagin me, it aakumi ti mendek nen kinaru non mbambinagagun mondok lek o.

Pelaareegerak 2:25

It aakumi yi awi ndi awi menggaarak abok aret kit eeko monggotak kinabok konenggo logomenggaarik, iniki ma'nage, inaganak nuk-nuk irage, kit paga inagabiti lombok mbakwi, kit kiinok inagabolo ne agan nage, eeruwak nduk, eerogo piyaagin o,” yinuk, yo'nireegerak nogo o.

Pelaareegerak 28:10

Ti eerogo pinagage kenok, yi aakumi ndi aakumi o nggween paga yime menggaarak abok nen, It aakumi yi, at Aliku ALA apuri aret iigo, yinuk, inagabiti kinombako logogun o.

Pelaareegerak 32:8

Aliku ALA anggween mbanak kwak iniki kundugu ti, at apuri aret o. Ndi, at eyate pugu kwak ti, Yakup aret me, At alik Tiyanak Lombok Menggerak nogo nen yi aakumi ndi aakumi mogonogo nappiige, Aakumi inanebunu lombok ineyate kwak wogorage, Eereegerak nogo ti, Yi aakumi ndi aakumi inanggween mbanogo wogorage logonet, Iterali apuri kunduk ineebe ndarak ndak-ndak aret inanggween kuli mbanogo piinet nagagerak o.

Iberani 11:31

Kwe yawukak Arakap kunduk, Ala nen it Iterali mendek eeppiige nogo, aruk konembunuk, iniki abet aret mbake nagagerik, aap o pekkaawok nduk wogogwaarak nogo, iniki obeelom paga kumaappiyareegerak me, peebi it aap Ala wone taganeegwaarak nogo inooko logonet, at kwe nogo teppereegwaarak.

Yotuwa 2:11

Konenggo nogoorik, at Aliku kinogoba Ala ti, mbogut paga inom, nggween paga inom, at Ala alik aret eebe mondok endak warak wonage logonet, eeppinagage kagak, eerit nogwe kiigo nogoorik, niniki ma'nage logonet, ninagabiti ambik mbako ogoorik o.

Yotuwa 2:24

Mbininogo Yotuwa yogo logonet, “It aakumi o Kanan wonogwe nogo abok aret nit nineebe paga inagabiti nen inaganak nugiranet nogwe iigoorak me, at Aliku ALA nen abet aret o ti nineenggime wo'niragaarak kogo o,” yinuk, yoreegwaarak.

Yotuwa 2:8

Tu nappunuk wonogwe iigak, kwe nogo nen aap mbere nogo yugum paga ndoonogo maarak me, nogo yuwok nduk eekwi me, pegiya lagi nage nagagerik,

Yotuwa 5:1

At Aliku ALA nen niyo Yoraran mogonogo punuk, nggween wolooneegerak paga it aakumi Iterali wunda wogo mbareegwa, niyo obaane'me nagagerak nogo, it aap inendagembogut Amori mendek niyo Yoraran oonegen kilu yi nage menggim pa'nggwe wonogwe nogo inom, ndi, it aakumi Kanan mendek inendagembogut niyo nggwok yenggenak laut ambet paga wonogwe nogo inom, it abok aret inaruk konenggo nogogwaarik, iniki ma'na'nuk inomanggen tayok ari logonet, it Iterali ineebe paga inagabiti ogogwaarak.

Yotuwa 6:2

Eeka'lek aret wonogwe iigak, at Aliku ALA nen Yotuwa yoge logonet, “O Yeriko yi inom, aap endagembogut inom, awuri yigin unde wakaa'ngget inom, abok aret keenggime wokkigirak me, keenu aru o.

Yotuwa 9:10

ndi, niyo Yoraran oonegen wundi wage menggim pa'nggwe enebaga aap mbere inendagembogut Amori mendek ambi endage Tikon o Ketibon unde wonage, ndi, ambi endage Ok awi Atitarot logonet, o Mbatan unde wonage, eekwi iigak, eeppiyareegerak nogo ninaruk koneneegurak me,

Yotuwa 9:24

Yorage mbareegi, it nen wone onggo at Yotuwa yogo logonet, “Nit kayeloman mini yi, aakumi o yime menggaarak abok aret inenggaawak lek eerogo piinok, o nggween yi apit aret, Kit wokkiraagin o, yinuk, at Aliku kinogoba Ala nen eeriyak wone lengganogo ayeloman Muta yoreegerak nogo, liirogon aret ninaruk konenggo nogoorik, kit kineebe paga niniki ma'nage logonet, Nit togop aret ninoorukwak ninagabiti o, yinuk, pilit aret togop eekoorak o, ninogoba.

Yotuwa 9:9

Yorage mbareegi, it nen at yogo logonet, “Kit kinayeloman nit yi, ninawi mondok nda lombok nen at Aliku kinogoba Ala endage nggwok agaarak kenok wogo o. At nen o Metit paga eerit nage,

Owak Loongga 7:14

Yoge mbareegi, ore nogo nen, “Ie! Wone ti alik abu lek o. Ata, at Ala nen nit aakumi Miriyan mendek ninawooliya wurik yi inom abok aret aap Iterali mendek Yowat aput Nggireyon nogo eenggime pegerak me, awooluwak paga ninooriyak nogo aret kagandak o,” yinuk,