Yotuwa 2:1 - Ala Wone Peenok Peebi Mbanak

¹ Yogo mbareegwa, at Nun aput Yotuwa nogo o Titim logonet, aap mbere o Yeriko inigen yombooni nawak nduk, kote kumaarogo nappiige logonet, “O yaga'lelo ambik wurik Yeriko ti inom kinigen liirogon pippak yomboombunuk, woro o,” yoraanuk, nappiyareegerak. Nappiige mbareegi, nogo nogogwaarik, kwe ambi ya wukak endage Arakap ame nogo yereegwaarak.

Yotuwa 2:1 ပူးပေါင်းရင်းမြစ်များ

Wakkagagerak 42:16

Kit kinoone yogotak nogo abet aret yogotak a, pilit yogotak a, kinabut mbanikit nduk, kinawuluk yogotak nogo kit ambi nen wa nage kagak, kit apit aret keele maarak yime logomunggup o. An yagarak ti, eeka'lek kiinok, kit nggaganagalo nen pilit agan wogotak kinombarikit nduk, Pirawun owak o!”

Wakkagagerak 42:9

Kobak eeko mbareegwa, at Yutup nen o maan it eeriyak abi kagagerak nogo abeke nagagerik, yorage logonet, “Kit aap nggaganagalo yi, niname yime, Tum waka'lek ambi wonogwe iyaamun ilik, lek a? yinuk, kinigen yombooni wogotak kiigi o.”

Mika 6:5

Napuri o. It aap Mowap mendek inowe endagembogut Mbalak nen pulunogo pinagawak nduk koongge mbareegi, Aap Mbeyot aput Mbileyam nen wone nogo abut laganogo onggo at yoreegerak nogo abekwi, Naliku an ALA nen abe koonak mban eeke minggirak kineenu arumunggup nduk, o Titim paga nen nok, o Nggilagan wogwe kiigak, nano agagerak nogo abekwi, Eeko logonip o,” yinuk, yokkirage kagarak me, yagi o.

Linggineegwaarak 13:1

At Aliku ALA nen Muta yoge logonet,

Linggineegwaarak 13:2

“It Iterali mendek inanebunu lombok inenggela'me nen inoweewi inarum menggaarak nogo ambit nggigik eerogo nggween an nen wogoraawam o Kanan nogome inigen yombooni nawak nduk nappiyet o.”

Linggineegwaarak 25:1

It aakumi Iterali mendek nogo o Titim kobappaga time ari nanuk wonogo logonet, kumi Mowap mendek ugun aret wuginabit nogo nogogwaarak.

Linggineegwaarak 33:49

O Mowap kobak nabunogo pereegim nogome niyo Yoraran aa'nggi paga o Mbet-Yetimot nen nok, o Aben-Titim kuli time aret inawooliya wurogo patinuk, wonogogwaarak.

Matiyut 1:5

ndi, Talomo nen kwe Arakap kolage nagagerik, Mbowat ndake, at Mbowat nen kwe Urut kolage nagagerik, Obet ndake, Obet nen Itayi ndake,

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Epetut 5:5

It kumi ugun wurinabit nogo menggaarak inom, iniki kumi paga mban lunik logonet, inabok agan nugu menggaarak inom, ndi, it uugwe-uugwe mbakwi nogo ti, aap kugiwak alut eekwi ndak-ndak aret me, it ti inom, it aap ti eeko menggaarak abok aret Ala Keritut imbirak inabu'me piigo menggam unggwi nagun mondok lek mbako logonip o.

Iberani 11:31

Kwe yawukak Arakap kunduk, Ala nen it Iterali mendek eeppiige nogo, aruk konembunuk, iniki abet aret mbake nagagerik, aap o pekkaawok nduk wogogwaarak nogo, iniki obeelom paga kumaappiyareegerak me, peebi it aap Ala wone taganeegwaarak nogo inooko logonet, at kwe nogo teppereegwaarak.

Yakobut 2:25

Ti eereegerak ndak-ndak, kwe terak wuka Arakap nogo nen it aap Iterali mendek o pekkoorak nduk wogogwaarak nogo, inookwi iyo, kumaappiinok, tu alik paga nomonogo nappiyareegerak nogo paga, Ala nen, “Kwe yi, abe o,” yinuk, obeelom agago pereegerak nogo lek a?

Yotuwa 1:18

Aap ambi nen kat koone ari nogo, Eeriyak neebi, mbake, wone lengganogo yo'nirage nogo taganogo mbo pege, eeke kenok, aap ti kambuwak nduk, warogo puurak aret me, kat perak, kogogumbuk kiniki mondok nu'lek eeppatinuk logot o,” yinuk, yoreegwaarak.

Yotuwa 2:2

Nogo yogo logonet, it aap mbere nogo wogoren tilaabaga kumaappiinok, wonage kagak, it aakumi time mendek nen aap endagembogut Yeriko mendek yogo logonet, “It aap Iterali mendek nit ninanggween yime inigen yomboonuwak nduk, oonikiya wagaarak wonogwe o.” Yogo mbareegwa, aap Yeriko mendek endagembogut nogo nen ayeloman mini nappiyareegerak nogo nogogwaarik, kwe Arakap nogo yogo logonet, “It aap ninanggween abok aret inigen yomboonuwak nduk, wagaarak kame wonogwe ti, wumbiya mok o.” Yogo mbareegwa, kwe nogo nen it aap nogo yorage, “It aap ti, abet aret neya wagaarak kwe, nggeeme nen wagaarak an neenggo'lek me,

Yotuwa 21:31

kota Kelakat inom, kota Erekop inom, kota 4 ti, wogorogo logonet, enaagan-ambokan inaanggumi inagari'ngga nenet nogo logorak nggween inom wogorogwe,

Yotuwa 3:1

Yogo mbareegwa, Yotuwa aakumi Iterali mendek abok aret inom o Titim nogo yinuk, ko'lu kuubondendok niyo Yoraran aa'nggi paga ari wogo nogogwaarik, awo wunda woraawok nduk, inawooliya wuppatinuk, wonogogwaarak.

Yotuwa 5:10

Ndi, o Yeriko kobappaga o Nggilagan time inawooliya wuppatinuk logonet, tut aa'nduk penenak tanggal 14 o kiyoma laago Obaga Mbo Nagagerak nogo lareegwaarak.

Owak Loongga 1:23

Inoreewi ando o nogome inigen lomboppiya nawak nduk, nappiyareegwaarak nogo nogogwaarik,

Owak Loongga 18:14

Ari nogo nogogwaarik, aap 5 o Layit inigen yombooni nogogwaarak nogo nen inoreewi lombok yorogo logonet, “O ambi yime ti, mbuti perak paga Ala obaane'me ogut ogobakkigirik inom, ambi longgo warogo ogobakkigirik inom, oome alut eeko menggaarak ogut eerak inom, yum agale warak epod inom, wonage nogo kineenu ilik, lek a? Togop aret me, kit nonggop eeriyak nogo kooninip o.”

Owak Loongga 18:17

it aap 5 aa'nduk o inigen yombooni nogogwaarak nogo nen ko waka'lek nugwa aret oome unggwi nogo nogogwaarik, mbuti perak paga Ala obaane'me ogut ogobakkigirik inom, yum agale warak epod inom, oome alut eeko menggaarak ogut eerak inom, mbuti perak paga Ala obaane'me ogut longgo warak inom, apit aret wa unggwogogwaarak.

Owak Loongga 18:2

Togop aret me, “O nggeeme we wonage kaamun?” yinuk, yi awi ndi awi time aret inigen yomboonit nugu logowak nduk, it inanebunu Ndan mendek o Tora Etitawon wonogwe nogo nen aap wakaa'ngget ineebe 5 inenggela'me nen leenogo piigo nogogwaarik, yorogo logonet, “O nggeeme ambi wonage kero, kinigen yombooni nanip o.” Yorogo mbareegwa, aap nogo aakumi Eparayim inanggween puut nggelok-nggobok me nogo nogogwaarik, aap Mika awoore'nggam panggo yi nanuk, aap tawe Lewi mendek nogo oone unggut ari liippogo nogogwaarik, time nogo yuwok nduk, puk a'nuk, aap nogo yogo logonet, “Kat aap ta nen wokkeren o yime pagi wagaarak? Kat keyabu ngge eeke menggendak? Ndi, nonggop nduk wagandak?”