Yotuwa 17:4 - Ala Wone Peenok Peebi Mbanak

⁴ It komologwe nogo, aap Ala unde Eleyatat inom, aap Nun aput Yotuwa inom, it Iterali inoweewi inom, inowagam wogo nogogwaarik, it yorogo logonet, “Aliku ALA nen, It komologwe ti, iniriwi inom aret inanggween yate kwak kologo logowak o, yinuk, wone lengganogo Muta yoreegerak me, nit ninom aret wo'niroorak o.” Yogo mbareegwa, Aliku ALA nen wone lengganogo Muta yoreegerak nogo ndak-ndak, at Yotuwa nen it inogoba inom wiganak inanggween yate kwak kologwe me, inom logowak nduk, wogoragagerak.

Yotuwa 17:4 ပူးပေါင်းရင်းမြစ်များ

Linggineegwaarak 27:1

At aap Telapekat nogo apuri komologwe ineebe 5 inendage Makala, Nowa, Kogala, Milaka, Tirata aret wonogogwaarak. Ndi, inogobamini ndarak inendage ti, Telapekat ogoba Kepet, Kepet ogoba Nggileyat, Nggileyat ogoba Makit, Makit ogoba Manate, Manate ogoba Yutup aret wonogogwaarak.

Linggineegwaarak 27:4

At apuri aap ambi ndaganabulik me, endage lek age kero, ki logowak nduk, at oreewi wonogwe me time nit ninom logowok nduk, nggween ambi wo'niret o.”

Linggineegwaarak 36:10

At Ala nen Muta yoreegerak nogo ndak-ndak it komologwe Telapekat apurilogwe

Nggalatiya 3:28

Kinobaabut ambit Keritut mendek ogogutak me, yi Yakuri mendek yi Yunani mendek, yi aap inayeloman aago mendek, yi aap inayeloman aago lek mendek, yi aap yi kwe, togop yuurak mondok lek aret o. Nit abok Keritut Yetut ninom kunik me, nineebe ambit aret ogoorik o.

Yotuwa 14:1

At Aliku ALA nen wone lengganogo at Muta yoreegerak nogo ndak-ndak, inanebunu 9 inom, anebunu ambi ando mogonak inom, inanggween yate negen unde eeppatinuk logowak nduk, aap Ala unde Eleyatat inom, aap Nun aput Yotuwa inom, it aap inanebunu lombok inoweewi nogo inom, nen, “Nggween ta aa'nduk koloorak kaamun?” yinuk, yugum anggen paga wakkaanuk, o Kanan niyo Yoraran yi paga aakumi Iterali abok aret yate kwak inanggween tumburirogogwaarak nogo yi aret.

Yotuwa 17:5

Anebunu Manate mendek oonegen lagi wage menggim pa'nggwe niyo Yoraran enebaga o Nggileyat nenaarak inom, o Mbatan nenaarak inom, wogoragagerak kwe, it Manate paga wiganak aap mban inanggween yate kwak wogorage logonet, at paga wiganak komologwe ti, inom aret wogorage logonet me, niyo yi paga nggween 10 mbanak inom aret wogoragagerak. O Nggileyat nenaarak ti, it Manate paga wiganak ando wogoragagerak nogo o.

Yotuwa 21:1

Ti'nuk, anebunu Lewi mendek ndarak ndegek inarum menggaarak inoweewi nogo nen aap Ala unde Eleyatat inom, Nun aput Yotuwa inom, it aap Iterali ndarak ndegek inarum menggaarak inoweewi inom,