Yotuwa 17:3 - Ala Wone Peenok Peebi Mbanak

³ Togop kwe, aap Telapekat ogoba ti Kepat, Kepat ogoba Nggileyat, Nggileyat ogoba Makit, Makit ogoba Manate aret nda'nogogwaarak me, inomboluk aap Telapekat nogo, apuri wologwe ndaganabulik komologwe mban ndaganabeegerak me, inendage ti, Makala, Nowa, Kogala, Milaka, Tirata aret.

Yotuwa 17:3 ပူးပေါင်းရင်းမြစ်များ

Wakkagagerak 50:23

kangga'lek awo eenik wonage logonet, Eparayim apurilogwe inom, ombowologwe inom, ombowologwe inapuri inom, nda'narit nogogwaarak nogo enegen iige, ndi, aap Manate aput Makin apurilogwe ndaganake mbareegi, An napuri negen aret o, yinuk, ogome lamoorogo wogonake, eereegerak.

Linggineegwaarak 26:33

At Kepet nen aput Telapekat ndareegerak kwe, at apuri wologwe lek komologwe mban ndaganabeegerak me, inendage ti, Makala kunduk, Nowa kunduk, Kogala kunduk, Milaka kunduk, Tirata kunduk, aret o.

Linggineegwaarak 27:1

At aap Telapekat nogo apuri komologwe ineebe 5 inendage Makala, Nowa, Kogala, Milaka, Tirata aret wonogogwaarak. Ndi, inogobamini ndarak inendage ti, Telapekat ogoba Kepet, Kepet ogoba Nggileyat, Nggileyat ogoba Makit, Makit ogoba Manate, Manate ogoba Yutup aret wonogogwaarak.

Yotuwa 17:2

Anebunu Manate mendek ando mogonak ti, at Makit paga wiganak inanggween ti, enebaga muk wogoragagerak me, anebunu Manate mendek ando mogonak wogoroolik nogo, yugum paga wakkaanuk, ndarak ndegek lombok niyo Yoraran yi paga tumburiragagerak endage ti, Abiyetet, Kelek, Atiriyen, Tekem, Kepet, Temira aret. Aap Yutup aput Manate paga wiganak ando aap mban ndarak ndegek lombok it ti aret o.