Yotuwa 17:2 - Ala Wone Peenok Peebi Mbanak

² Anebunu Manate mendek ando mogonak ti, at Makit paga wiganak inanggween ti, enebaga muk wogoragagerak me, anebunu Manate mendek ando mogonak wogoroolik nogo, yugum paga wakkaanuk, ndarak ndegek lombok niyo Yoraran yi paga tumburiragagerak endage ti, Abiyetet, Kelek, Atiriyen, Tekem, Kepet, Temira aret. Aap Yutup aput Manate paga wiganak ando aap mban ndarak ndegek lombok it ti aret o.

Yotuwa 17:2 ပူးပေါင်းရင်းမြစ်များ

1 Mbinineegwaarak 7:18

Ndi, at aap Nggileyat iriluk kwe Moleket nogo, aagalogwe Itikot, Abiyetet, Makala, aret ndaganabeegerak.

Yotuwa 17:1

Aap Yutup aput manggu ndarak ti, Manate aret me, yugum paga wakkaanuk, anebunu Manate mendek inanggween tumburiragagerak kuli nogo yi aret o. Aap Manate aput manggu ndarak ti, Makit aret me, aput endage Nggileyat. At Makit nen aap eegin warak wim kalu-kalu wonagagerak me, niyo Yoraran enebaga o Nggileyat inom, o Mbatan inom, wogoreegerak.

Yotuwa 17:3

Togop kwe, aap Telapekat ogoba ti Kepat, Kepat ogoba Nggileyat, Nggileyat ogoba Makit, Makit ogoba Manate aret nda'nogogwaarak me, inomboluk aap Telapekat nogo, apuri wologwe ndaganabulik komologwe mban ndaganabeegerak me, inendage ti, Makala, Nowa, Kogala, Milaka, Tirata aret.

Owak Loongga 6:11

Ti'nuk, ne ambi paga aap anebunu Abiyetet mendek endage Yowat apuluk Nggireyon nogo, aap Miriyan mendek inigen kogwe iinok, waganggwi iyo, o Opara at ogoba ageyo teno alome time anggur aambiranggo menggam kiraarak logonet, gandum agabolo leenogo punuk, eebe mban wagangge me, at Aliku ALA ayonggo malayikat nogo wage nagagerik, eyo alome time aret kwi'nagagerak.

Owak Loongga 8:2

Yogo mbareegwa, at Nggireyon nen it yorage logonet, “Kit eekotak ti kokwak, an ngge eekirak me yinuk, yogo ogotik? O Eparayim paga anggur anggen lek me warak me mbanggo logonet, mbuuluk mbanggwi, ndi, o Abiyetet paga anggur iyaalok mbanggo logonet, ambik aret mbanggwi, eeko menggaarak mbakop? Kit Eparayim mendek lek me warak me kwaakwi kiigak, at Ala nen aap Miriyan mendek inendagembogut Orep Teep imbirak kineenggime wokkiragaarak ti, Meek me, yinuk, yogo ogotik? Kit iya eekotak togop kwak, an ambi eerulik kagak nonggop nduk yo'nogo ogotik?” Yorage mbareegi, it inanini ombakwi nogo lek aret agagerak.