Yotuwa 11:3 - Ala Wone Peenok Peebi Mbanak

^3-5 it aap o Kanan yi Yoraran yibagan-enebagan mendek inom, puut nggelok-nggobok wonogwe inanebunu Amori mendek inom, Ket mendek inom, Perit mendek inom, Yebut mendek inom, ndi, it aap Kewi o Mitapa puut Keromon ogobak mbani nagagim wonogwe nogo inom, it abok aret lambumbunuk, Iterali inom wim eeruwok nduk, inayonggo piyareegerak. Inayonggo piige mbareegi, it aap inendagembogut inawuri ineegin warak inalitik-inalitak lombok aago inom, inanggweendo wim eeka ogobakkigirik kuda nen nikkenok nage menggerak apit inom, kuda ineebe ambik inom, mbini niyo aa'nggi paga wonage nogo ndak-ndak ineebe alik negen kuwak eeri wogo nogogwaarik, niyo endage Merom eneerime korok-korok time aret inawooliya wukkola wogogwaarak.

Yotuwa 11:3 ပူးပေါင်းရင်းမြစ်များ

Wakkagagerak 31:49

Ndi, at Laban nen wone alik ambi ari logonet, “Kat nimbirak lambunik lek kat kalik, ndi, an nalik, wonogwe niigak, aap wim wogwe iyo nggayo mengga kwak Ala nen enegen wo'ninake aret logogin o,” yinuk, yereegerak me, o ti endage ambi Mitapa aret yogo nogogwaarak.

2 Tamuwen 24:16

At Ala ayonggo malayikat nogo nen o Yerutalem pup eerogo pikit nduk, nappi wagagerak nogo inoorit aap Yebut mendek endage Arawuna gandum agabolo mbelangge menggim taati ari wage mbareegi, aakumi mondok alik negen kambit nogwe nogo, at Aliku ALA iige nagagerik, iniki puru yinuk, at ayonggo malayikat aaninggin inoba piinet nage nogo, yoge logonet, “Abu aret me, keenggi awiikkolet o,” yinuk, yoreegerak.

2 Tamuwen 24:7

Time nen yugum pak tiyarogon wurik me o Tirut inom, yi kota ndi kota aakumi Kewi menggam inom, aakumi Kanan wonogwe me inom, linggininabit irip paga o ame pa'nggwe karume nggwok it aakumi Yekura wonogwe me, o Mberetiyeba ari wogogwaarak.

1 Endagembogut 15:22

Ari nagagerak wonage nogo at Ata konengge nagagerik, it aakumi Yekura wonogwe nogo, “Kit ambi puk ariyak lek abok aret aap Mbayeta nen yugum inom, eyo inom, nogo paga o Arama omaawi eerogo pereegerak nogo wa nanip,” yoragagerak wonok wogo mbareegwa, at endagembogut Ata nogo nen o Mbeniyamin kota Nggeba inom, Mitapa inom, omaawi eerogo pereegerak.

1 Endagembogut 9:20

Ndi, it aakumi Iterali mendek o Kanan tebeni unggwogo logonet, it ando inooriyak meek kenok teppiyareegwaarak inapuri wiganak Iterali mendek lek it inanebunu Amon mendek inom, Ket mendek inom, Perit mendek inom, Kewi mendek inom, Yebut mendek inom, abok aret at Talomo nen oone omaawi yorage kagak, eyabu eeko logowak nduk, ayeloman eeppiyareegerak me, o yogondak kunduk eekwi wonogwe aret.

Ndawi 133:3

O time mondok-mondok ki eeke logowak nduk, Aliku ALA ale'nggen oba pege menggerak me, Puut Keromon nen konaananggen puut-puut Tiyon paga Wambit wage menggi kwak, It aap ti togop aret wonogo menggaarak o.

Ndawi 89:12

O omarip paga pa'nggwe inom, o ame pa'nggwe inom, ti, Kat nen aret wakkagagindak me, Kendage kunggwi iinok, puut Tabot inom, Keromon inom, Inale'nggen nen ndawi wako menggaarak o.

Ndawi Iya 4:8

Nore yi wae. Kat nimbirak lambumbinaniyak aret me, puut Libanon nen omok o. Puut Libanon nen wambi wage, Puut Amana kirin paga nen wambi wage, puut Tenit, Keremon kirin paga nen wambi wage, Yugum ambena singa wonogo menggam nen wambi wage, Mba'ngge kwak macan iname eyonggaame nen wambi wage, Eeru o.

Yeremiya 40:10

An kunduk o Mitapa yime logonet, it aakumi Mbaben mendek neya wogwe iinok, kit yogwe nogo an yorage logogin kwe, kit yi perak, anggen mbaniyak eyom ari wage kenok, anggur anggen mbanggwi, anggen ando alik mendek mbanggwi, tayitun amburu tookwi, eerogo punuk, pogo menggam pogo logomonggotik, kota-kota tebenggologotak nogome aret ye mbambatinuk logomunggup o,” yinuk, yoragagerak.

Yeremiya 40:6

Nappege mbareegi, at Yeremiya nogo aap Akikam aput Nggeraliya o Mitipa wonage me, ka nanuk, imbirak it aakumi o time mbo piinok nogogwaarak nogo inom aret wonogogwaarak.

Yeremiya 41:14

Inale'nggen ogo nogogwaarik, it aakumi at Itimayen o Mitipa nen kugun wogoren nage nogo abok aret melak togon aap Kareya aput Yokanan inom ari nogwe iigak,

Yeremiya 41:3

Warogo punuk, it aakumi Yekura mendek aap Nggeraliya inom o Mitipa wonogwe nogo inom, it aap Mbaben mendek ineegin warak wonogwe nogo inom, at Itimayen wungge logonet, abok aret inoorogo piyareegerak.

Linggineegwaarak 13:29

It aap Amalek mendek nogo o Kanan o ame yime pa'nggwe karume wonogwe, ndi, it Ket mendek inom, Yebut mendek inom, Amori mendek inom, o puut nggelok-nggobok me wonogwe, ndi, it aap Kanan mendek nogo niyo laut ambet paga inom, niyo Yoraran andirok time inom wonogwe, eekwi iigoorak o,” yinuk, mbininogo yoreegwaarak.

Pelaareegerak 7:1

Yorage nagagerik, at Muta nen aakumi Iterali ambinom yorage logonet, “At Aliku kinogoba Ala nen o kit unggwi nogo logomonggotik, unde a'nuk logowam time wokkiren pinagi nage logonet, at aa'nduk a'nuk, it aakumi inanebunu ambik inomaawi nggwok aakumi Ket mendek, Nggiragati mendek, Amori mendek, Kanan mendek, Perit mendek, Kewi mendek, Yebut mendek, inanebunu 7 aret

Yotuwa 11:17

kuli puut endage Nggundun anggege o Teyit pa'nggwe waninogo pi nagagim nogo nen nok, puut Keromon abu'me kobappaga endage Libanon o Mba'an-Nggat nogo kuli aret aap inendagembogut abok aret pigogo ineebe inoorogo piinok, inanggween tebenggologwaarak.

Yotuwa 11:8

at Aliku ALA nen aakumi nogo inooruwak nduk, it Iterali wogorage mbareegi, mondok nappiigak-wappiigak inoorit o endage Tiron-Nggwok nen, nok-nok nappiigak-wappiigak aganabit o Miterepot-Mayim nen inoorit o kobappaga endage Mitapa oonegen lagi wage menggim pa'nggwe nogome kuli aret piya nogogwaarak. It aap aago wogogwaarak nogo ineenik ambi teppiyoolik tigitogon aret kalirubu pup agago inooreegwaarak.

Yotuwa 13:11

It inanggween wogoragagerak ti, o Nggileyat inom, it aakumi Nggetut wonogo menggam inom, it aakumi Maaka wonogo menggam inom, puut Keromon abok aret inom, nggween Mbatan kuli o Talaka inom, wogoragagerak.

Yotuwa 13:5

aakumi Nggeban inanggween nogo inom, o Libanon apit oonegen lagi wage menggim pa'nggwe puut Keromon abu'me o Mba'an-Nggat nen nok, o Kamat tu nogo menggam kuli nogo inom, abok aret mugogo wumbiiga'lek wonage o.

Yotuwa 15:38

Ndileyan, Mitapa, Yoketen,

Yotuwa 15:63

Togop aret kwe, it aakumi Yebut mendek inawi o kota Yerutalem wonogogwaarak nogo ti, it Yekura mendek nen mugogo wumbiyoorak meek me, it Yekura mendek inom o yogondak time wonogwe aret o.

Yotuwa 18:26

Mitapa, Kepira, Mota,

Yotuwa 3:10

Yorage nagagerik, panggo yi wogo mbareegwa, it yorage logonet, “At eenik menggerak Ala nogo kinenggela'me wonage logonet, it aakumi Kanan mendek inom, Ket mendek inom, Kewi mendek inom, Perit mendek inom, Nggiragati mendek inom, Amori mendek inom, Yebut mendek inom, it apit aret at Aliku ALA aa'nduk a'nuk, mugogo wumbiyaagin abet aret kineenu arumunggup nduk, ambi yokkira o.

Owak Loongga 20:1

Wone mbanggo nogogwaarik, aakumi Iterali nogo apit aret inanebunu Ndan wonogwe me kuli nen nugwa, o Mberetiyeba inom, o Nggileyat mendek inom, aap wim nambuka inawooluwak li'luk aago ineebe empat ratus ribu ambugwi aret at Aliku ALA enggaanom paga o Mitapa aret kuwak eeri wogo logonet, Ala apuri kuwak eerak inanebunu lombok inoweewi inom aret kuwak eereegwaarak.

Owak Loongga 21:5

It Iterali nogo nen wone aa'nduk mbanggo logonet, “Aakumi nit mendek ninanebunu ambi at Aliku ALA enggaanom paga o Mitapa yime ninom kuwak eeri wogwe lek kenok, kambuwak nduk, inoorogo piyaawok o,” yinuk, wone abuk nggaruk togon kumbuk mbanogo pereegwaarak me, Ala ake warogo wogogo nogogwaarik, yogo logonet, “Nit ninanebunu Iterali mendek o Mitapa Aliku ALA enggaanom paga ninom kuwak eeri woroolik nogo taamini o?” yinuk, yereegwaarak.

Owak Loongga 21:8

Yogo nogogwaarik, “Nit ninanebunu Iterali mendek Aliku ALA enggaanom paga o Mitapa ninom kuwak eeri woroolik nogo taamini?” yinuk, yereegwaarak. Yogo nogogwaarik, ti eyom paga it Iterali lambunik kuwak eeri nogogwaarak nogo ineebe ineenggi lingginik pekkogo nogogwaarik, aap inanebunu Yabeti-Nggileyat mendek ambiriluk ambi inom kuwak eeri woroolik iyareegwaarak.

Owak Loongga 3:3

Aap Pilitin mendek inendagembogut ineebe 5 inom, it aakumi Kanan mendek abok aret inom, it aakumi Tiron mendek inom, it aap Kewi mendek o Libanon nggelok-nggobok puut Mba'an-Keromon kuli nen nok, tu Kamat nogo menggam kuli wonogwe nogo inom, teppiyareegerak.

Owak Loongga 3:5

Teppiige mbareegi, it Iterali mendek nogo ti, it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inenggela'me aret wonogogwaarak.

1 Tamuwen 10:17

Ti'nuk, at Tamuwen nen aakumi Iterali mendek nogo at Aliku ALA enggaanom paga o Mitapa kuwak ari woraawak nduk wiiragagerak.