Yotuwa 10:2 - Ala Wone Peenok Peebi Mbanak

² Aruk konengge nagagerik, “O Ayi ti mbuuluk. Ndi, o yaga'lelo Nggibeyon ti, kota nggwok lombok aap endagembogut ambi abu'me piige menggim kwak wonogo logonet, it aakumi o Nggibeyon mendek tigitogon wim nambuka wakaa'ngget mban wonogwe o,” yinuk, aap Aroniterek inom, at apuri inom, nogo nen aakumi Nggibeyon ineebe paga inagabiti mbareegwaarak.

Yotuwa 10:2 ပူးပေါင်းရင်းမြစ်များ

2 Tamuwen 12:26

Ti eekwi iigak, at Yowap awuri inom nogo nen aap Amon mendek iname o Araba nogome abu tebenggola ungguwok nduk, eeko logonet, Ndawut yori woraawak nduk, awuri yorage, “An aakumi o Araba mendek ninom wim nambuko logonet, niyo nonggo menggam muk aret tebenggirak wonage me,

Kini Wuppiige 10:24

It aap maluk mendek nen, “Ninamineeri ne agan nage,” mbakwi nogo aret inoba age menggerak kwe, It aap iniki abe koonak nogo nen perak, uugwe mbakwi nogo aret kologo menggaarak o.

Pelaareegerak 11:25

Ndi, at Aliku kinogoba Ala nen koonogo yokkiragagerak nogo ndak-ndak aret o kit kiniyok pit namonggo'nom abok aret kit kineebe paga inagabiti mbako logonet, inaganak nuk-nuk iraawak nduk, at Aliku ALA nen eeppiyaagin me, it aakumi ti mendek nen kinaru non mbambinagagun mondok lek o.

Pelaareegerak 2:25

It aakumi yi awi ndi awi menggaarak abok aret kit eeko monggotak kinabok konenggo logomenggaarik, iniki ma'nage, inaganak nuk-nuk irage, kit paga inagabiti lombok mbakwi, kit kiinok inagabolo ne agan nage, eeruwak nduk, eerogo piyaagin o,” yinuk, yo'nireegerak nogo o.

Pelaareegerak 28:10

Ti eerogo pinagage kenok, yi aakumi ndi aakumi o nggween paga yime menggaarak abok nen, It aakumi yi, at Aliku ALA apuri aret iigo, yinuk, inagabiti kinombako logogun o.

Iberani 10:27

“Ala nen ninowak loonogo punuk, anini ninoba pinanege logonet, kani eyak mondok alik paga at inom ogoorak wonogwe nogo, ineebe pup eerogo piyoorak nogo ti, nit ninom lek eerogo pinanigin kagi,” yinuk, ninagabiti mbako logowok o.

Iberani 10:31

At eenik menggerak Ala nogo nen nit maluk eekwi onggo abera'lek me ninoba kwippinanege nogo ti, mondok iya ninamineeri ne agan nage kagak eeppinanege kaagun o.

Yotuwa 2:24

Mbininogo Yotuwa yogo logonet, “It aakumi o Kanan wonogwe nogo abok aret nit nineebe paga inagabiti nen inaganak nugiranet nogwe iigoorak me, at Aliku ALA nen abet aret o ti nineenggime wo'niragaarak kogo o,” yinuk, yoreegwaarak.

Yotuwa 9:24

Yorage mbareegi, it nen wone onggo at Yotuwa yogo logonet, “Nit kayeloman mini yi, aakumi o yime menggaarak abok aret inenggaawak lek eerogo piinok, o nggween yi apit aret, Kit wokkiraagin o, yinuk, at Aliku kinogoba Ala nen eeriyak wone lengganogo ayeloman Muta yoreegerak nogo, liirogon aret ninaruk konenggo nogoorik, kit kineebe paga niniki ma'nage logonet, Nit togop aret ninoorukwak ninagabiti o, yinuk, pilit aret togop eekoorak o, ninogoba.

Yotuwa 9:3

Ndi, it aap Nggibeyon mendek perak, Yotuwa nen aakumi o Yeriko mendek inom, o Ayi mendek inom, eeppiyareegerak inaruk konenggo nogogwaarik,

1 Tamuwen 27:5

Ti'nuk, at Ndawut nen aap Akit nogo yoge logonet, “An kayeloman o kota abe kat unde menggenom yime nimbirak nonggop togon logorak? Meek aret me, kat nabuwa nomba'nuk, an logorak o kota mbuuluk nggween kobappaga ambi wonage kero, kuli mbanogo wo'niru o.”