Yotuwa 1:8 - Ala Wone Peenok Peebi Mbanak

⁸ Eeko logorak wone yugu mbuku paga liiru mbanak yi, kat nen aakumi yoroorak ti, Neebi o, yinuk, mbo pugun o. Ata, mbuku yi paga yi wone ndi wone liiru mbanak wonage abok aret kat mondok ndak-ndak liirogon aret eerit nage logonok nduk, liingge-kiyoma mondok aberit nage logot o. Ti eeke keenok, yi mendek ndi mendek eerit namenggendak nogo a'me nggelok arit nage kagak, ambi kolage logomunggun o.

Yotuwa 1:8 ပူးပေါင်းရင်းမြစ်များ

Wakkagagerak 24:63

kiyoma-kiyoma at awooliyana nen wungge nagagerik, eyabume time wone iniki koonit nege logonet, enegen tiya ari nagagerik, unta wogwe nagiyareegerak.

2 Mbinineegwaarak 26:5

Aap Takariya nen Ala agabiti mbaruwak nduk, at Utiya mamunege nagagerak me, Takariya awo eenik wonage kagak, Ala mugurok nage nagagerak. Ndi, Aliku ALA mugurok nage nagagerak kenok, at Ala nen op mban eerogo pit nage nagagerak.

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 119:15

Eeko logorak koone yugu nogo an aberit nage, Eerit nogo logorak mbake menggendak an liippit nage,

Ndawi 119:97

Koone yugu Muta nen liiru mbaneegerak nogo Niniki kunik lombok minggirak me, Ninikime mbininit nage neegak, Kubondendok nen nok oonikiya ari nage menggerak o.

Ndawi 119:99

Koone aberak logorak yugu nogo Niniki mbininit nage minggirak me, Aap mamunnaka yi wone ndi wone alom mbuuluk liippogo menggaarak kwe, an perak, Wone alom abok aret liippege minggirak o.

Ndawi 19:14

Kaliku ALA wae. Nayugum kwak inom, nili yaga inom, kat aret me, Noone ari minggirak inom, Ninikime koonit nage minggirak inom, Obeelom aret neyaanok lak, Ao, kombake minggirak o.

Ndawi 40:10

Kat obeelom mban eeke menggendak nogo Ninikime kumaappatinuk wonage, Aakumi kiniki kunik aganake menggendak inom, Wone abe aakumi eeppiyoorak wone inom, Kapuri nggwok kuwak eerak konenggwi iyo, patogo wonage, Eekeelik o. Ata, kat li'lak eeke menggendak wone inom, Inagap ndake menggendak wone inom, Yorage minggirak o.

Kini Wuppiige 3:1

Naput wae. Kogoba an nen wone mamunggege nogo mari eerogo mbo puurak mage o. Ata, “Yogop ee'nu ndogop ee'nu,” wone yokkege nogo kinikime liirogon porogo logot o.

Yetaya 59:21

At Aliku ALA nen ari logonet, “Ndi, an nen ninom wone koonogo pigin nogo yi aret. An Naberiniki kinoba pinagage logonet, noone kinambe paga pinagaminggirak nogo kobak aga'lek kinapurilogwe mamunirogwe, it kinapurilogwe nen it inapuri mamunirogwe, ndi, it inapurilogwe nen inombowologwe peebi ndaganabugun nogo mamunirogwe, eerit wundi wogwe iigak, yogondak nen nok, peebi nda'narugun abok aret yoranet wundi wogo logogun o,” yinuk, Aliku ALA nen aret yegerak o.

Matiyut 12:35

Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Matiyut 7:21

Yorage nagagerik, wone ambinom yorage logonet, “It aakumi inoone paga nen mban, Ai, ninogoba. Ai, ninogoba. Yo'nogo menggaarak nogo abok tigitogon at mbogut paga mendek abu'me piyaagin mondok lek o. An nogoba mbogut paga mendek iniki mbake nogo ndak-ndak eeko menggaarak kenok mban at abu'me piyaagin o.

Matiyut 7:24

Yorage nagagerik, ambinom yorage logonet, “Yi aap ndi aap an noone inaruk konembunuk, liirogon eeko menggaarak ti, aap iniki warak nen awi yugum paga wureegerak nogo pogom it aret.

Lukat 11:28

Yoge mbareegi, at Yetut nen, “At nogo mban lek o. It Ala wone liirogon konembunuk, eerit nugu menggaarak iinok perak, iniki ale'nggen aret mbako logogun o,” yinuk, yoragagerak.

Yaya 13:17

An wone yokkirage yi nogo kineenu ogo logomonggotik, eeko logomunggup kenok, kiniki ale'nggen ambik kogo logomunggup o.

Yaya 14:21

Aap ambit ambi nen an noone, Yogop ee'nu, ndogop ee'nu, yoge nogo waganogo eeke logomenggerak kenok ti, an iniki kunik ee'nake aret o. At nen an iniki kunik ee'nake kenok ti, an nogoba nen aap ti, iniki kunik eeke logogin. Ndi, an kunduk, at niniki kunik eeke logonet, at nen an neebe neyaawak nduk, nikkaagin o,” yinuk, yoragagerak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Pelaareegerak 29:8

Inoorogo piinok, inanggween waganogo aap Uruben mendek inom, aap Nggat mendek inom, anebunu Manate ando mogonak mendek inom, ineyate negen unde eekkolaawak nduk, wogorogogurak o.

Pelaareegerak 29:9

At Aliku kinogoba Ala nen kinombomini Abarakam, Itak, Yakup inom wone abuk nggaruk togon kumbuk mbanogo yorage, kit kunduk wone koonogo yokkirage, eereegerak nogo ndak-ndak, kit at apuri leenogo pinagage, ndi, at kinogoba Ala age, eerubagip nduk, o yogondak aret at Aliku kinogoba Ala kinom wone abuk nggaruk togon koonogo punuk, kumbuk mbanubagip nduk, kinogobamini kinarum menggaarak inom, kinoweewi wone koongga inom, wim wone mbangga kinoweewi inom, kit Iterali aap mban abok aret inom, kinakuwi inom, kinapuri inom, aap nggiru kinom wonogwe kani wuka inom, niyo tooli naga inom, abok aret kuwak eeri wogotak at Aliku kinogoba Ala enggaanom yogondak mi'ndak wonogwe me, yi mendek ndi mendek eerit namonggotak obeelom mban arit nage kaamunggup nduk, eeko logorak yi wone ndi wone abuk nggaruk togon koonak yi, mondok liirogon woppunuk, eerit nogo logomunggup o.

Pelaareegerak 30:14

lek o! Wone nogo ti, kinikime inom, kinambe paga inom, koorok aret wonage me, liirogon konembunuk, eeko logorak mban aret o.

Pelaareegerak 31:11

it aakumi Iterali abok aret at Aliku inogoba Ala nen o leenogo patemenggim nogome at owagam kuwak ari woramenggaarak inaruk iigak, eeko logorak wone yugu liiru mbanak yi, kinoone nggwok paga lombok mbininogo yorogo logorak aret me,

Pelaareegerak 31:24

Yoge mbareegi, at Aliku ALA nen eeko logorak wone yugu yi, alom me kuli nen nok irip paga kuli abok aret at Muta nen li'luk eerogo mbuku paga liiru mbangge nagagerik,

Pelaareegerak 5:1

Muta nen aakumi Iterali mendek abok aret wiiragagerak kuwak ari wogo mbareegwa, yorage logonet, “Kit nowe-nawot Iterali mendek yi wae. Wone lengganak inom, eeko logorak wone inom, o yogondak kinaruk paga pinagage yi, kit nen liirogon mamunggologwe, kinikime liirogon woppunuk eerit nogwe, eeko logomunggup nduk, yokkirage me, kit kinaruk liirogon aret konenggo logonip o.

Pelaareegerak 5:29

It ineebe inom, inapuri inom, yi wone ndi wone inoba aga'lek ineebe mondok obeelom logowak nduk, inagabiti nombakwi, Yogop ee'nu ndogop ee'nu, wone yugu apit aret liirogon porogo wonogwe, eeko logowak lak, ai, mbake agarik o.

Pelaareegerak 5:32

Togop me, at Aliku kinogoba Ala nen wone lengganogo yokkiragagerak ti, mugurok nogo logonet kina agigan ogwe, ogugan ogwe, eeka'lek wone ti abok aret liirogon eeko logomunggup o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

Yotuwa 1:7

Kat eerit nage nogo abe mban arit nage kaanok nduk, kena agigan agak, ogugan agak, eerugun o. Ata, kogogumbuk kiniki mondok nu'lek eeppatinuk logonet, eeko logorak wone yugu nayeloman Muta liiru mbanogo wokkireegerak nogo abok ndak-ndak liirogon aret eerit nage logot o.

Yotuwa 8:34

Ti eeko mbareegwa, ale'nggen inoba piyoorak wone inom, pulunogo piyoorak wone inom, eeko logorak wone yugu mbuku paga liiru mbanak ndak-ndak it aakumi Iterali kuwak eerak inom, kumi inom, elege-aabologwe inom, aap nggiru inom wonogwe nogo inom, abok aret inenggaanom paga at Muta nen, “Yogop ee'nu ndogop ee'nu,” yoragagerak nogo ambiriluk ambi wuppuulik abok tigitogon at Yotuwa nen mbininiragagerak.

Wayu 22:14

Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,