Yotuwa 1:7 - Ala Wone Peenok Peebi Mbanak

⁷ Kat eerit nage nogo abe mban arit nage kaanok nduk, kena agigan agak, ogugan agak, eerugun o. Ata, kogogumbuk kiniki mondok nu'lek eeppatinuk logonet, eeko logorak wone yugu nayeloman Muta liiru mbanogo wokkireegerak nogo abok ndak-ndak liirogon aret eerit nage logot o.

Yotuwa 1:7 ပူးပေါင်းရင်းမြစ်များ

1 Endagembogut 2:2

“O nggween paga yime yi mendek ndi mendek abok aret lek age menggi kwak, an kogoba yi, kilu yuurak eyom panggoni wagaarak me, kat kiniki mondok kogogumbuk eeppatinuk logonet, aap wakaa'ngget mengga kwak logonu o.

1 Endagembogut 2:3

Aap wakaa'ngget negen logonet, wone lengganak inom, Yogop ee'nu ndogop ee'nu, yugu inom, wone eeko logorak yugu inom, maluk eekwi iyo yorage menggerak inom, eeko logorak wone yugu mbuku Muta liiru mbaneegerak paga inom mbanak wonage nogo, abok aret nggirik-nggerok porogo logonet, at Aliku kogoba Ala nen eeke logorak yokkereegerak nogo abu liirogon eerit nage logonu o. Ti eeke keenok, yi o ndi o yi eekak ndi eekak eerit nege keegak, keenggime ngget-ngget aago mban wonage,

2 Endagembogut 22:2

At Yotiya nogo ombo Ndawut eerit nage nagagerak ndak-ndak eeke logonet, ena agi age, ogu age, eeka'lek Aliku ALA enegen kagak obeelom mban eeke nagagerak.

1 Mbinineegwaarak 22:13

Wone lengganak inom, eeko logorak wone yugu inom, it Iterali eeko logowak nduk, Aliku ALA nen Muta yoreegerak nogo, liippunuk, eerit nage keenok, eeriyak mbake nogo a'me nggelok mban arit nage kaamunggun o. Togop me, kagabiti mbake, kiniki yungguppegak eeke, eekelobok o. Ata, kiniki mondok nu'lek eeppunuk, kogogumbuk logomunggun o.

2 Mbinineegwaarak 15:7

Kit yi perak, kinogogumbuk kiniki mondok nu'lek logonet, eerit nogwe kiinok, eekwi ti onggo kologo logomunggup o,” yinuk, yoragagerak.

2 Mbinineegwaarak 26:5

Aap Takariya nen Ala agabiti mbaruwak nduk, at Utiya mamunege nagagerak me, Takariya awo eenik wonage kagak, Ala mugurok nage nagagerak. Ndi, Aliku ALA mugurok nage nagagerak kenok, at Ala nen op mban eerogo pit nage nagagerak.

Ayup 1:8

Yoge mbareegi, Aliku ALA nen Tile yoge logonet, “An nayeloman Ayup aakumi o nggween paga wonogwe ndak-ndak lek at iniki abu koonak kenok, aakumi inoone at oba pega'lek wonogwe iigak, an Ala nayuk wuke, ndi, Maluk neebi o, yinuk, mbo pege, eeke menggerak nogo liippege agandik ilik, lek a?”

Ndawi 80:19

Togop eeko logogun me, Komaawi Lombok Menggendak Kaliku ALA wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Kini Wuppiige 4:27

Kena agigan agak, ogugan agak, eeke logorak mage o. Ata, maluk eeko menggam kiyok pi noorak eekkake kero, mbo pege logot o.

Kini Wuppiige 8:20

Abe koonak mban eerit nogo menggam ti paga an nage, A'me nggelok eeko menggam tu ti paga an nage, Eeke logonet,

Ndaniyen 10:19

Nomaawi eerogo paninuk yo'nege logonet, “At Ala iniki kunik eekkake menggerak yi wae. Kagabiti mbarugun o. Kiniki ugun kale'nggen paga wonage, kiniki mondok nu'lek eeppunuk komaawi eekkolage, eeke logot o,” yinuk, awo yo'nege kagak, nomaawi aret age mbareegi, at yoge logonet, “Nogoba o. Nomaawi eerogo panegendak me, wone ti, yo'niru o,” yinuk, yoreegirak.

Pelaareegerak 11:8

Ti'nuk, ambi yorage logonet, “Kit niyo Yoraran wunda nanuk, o logowam nogome kinomaawi paga unggwi nogo logomonggotik, unde eeppatinuk wonogwe, ndi, at Aliku ALA nen kinombomini inom, inombowologwe inom, nggween abu obeelom nggiin amburu inom, yilak amburu inom, niyo eneeri negen kila-kila wungge menggim, Wokkiraagin o, yinuk, wone abuk nggaruk togon kumbuk mbanogo yoragagim nogome logonet li a'nuk kanggwi, eeko logobagip nduk, an wone, Yogop ee'nu ndogop ee'nu, yinuk, yogondak yokkirage yi, liippunuk, eeko logonip o.

Pelaareegerak 12:32

Ndi, an wone lengganogo yokkirage yi abok aret eerit nogo logonet, wone alik ambi nabenogo pugwi, ambi mbo pugwi, eeriyak mondok mage o,” yinuk, yoragagerak.

Pelaareegerak 28:14

Ti eerogo pinagagin me, Yogop ee'nu ndogop ee'nu, wone yugu an yogondak yokkirage yi, taganogo punuk, Ala alut eekwi obaane'me kugi eerit nogo logonet, kinena nomorogon agigan ogwe, ogugan ogwe, eeriyak mondok mage o,” yinuk, yoragagerak.

Pelaareegerak 29:8

Inoorogo piinok, inanggween waganogo aap Uruben mendek inom, aap Nggat mendek inom, anebunu Manate ando mogonak mendek inom, ineyate negen unde eekkolaawak nduk, wogorogogurak o.

Pelaareegerak 29:9

At Aliku kinogoba Ala nen kinombomini Abarakam, Itak, Yakup inom wone abuk nggaruk togon kumbuk mbanogo yorage, kit kunduk wone koonogo yokkirage, eereegerak nogo ndak-ndak, kit at apuri leenogo pinagage, ndi, at kinogoba Ala age, eerubagip nduk, o yogondak aret at Aliku kinogoba Ala kinom wone abuk nggaruk togon koonogo punuk, kumbuk mbanubagip nduk, kinogobamini kinarum menggaarak inom, kinoweewi wone koongga inom, wim wone mbangga kinoweewi inom, kit Iterali aap mban abok aret inom, kinakuwi inom, kinapuri inom, aap nggiru kinom wonogwe kani wuka inom, niyo tooli naga inom, abok aret kuwak eeri wogotak at Aliku kinogoba Ala enggaanom yogondak mi'ndak wonogwe me, yi mendek ndi mendek eerit namonggotak obeelom mban arit nage kaamunggup nduk, eeko logorak yi wone ndi wone abuk nggaruk togon koonak yi, mondok liirogon woppunuk, eerit nogo logomunggup o.

Pelaareegerak 31:7

Yorage nagagerik, at Muta nen Yotuwa wiige nagagerik, it Iterali mendek abok inenggaanom paga yoge logonet, “Yotuwa wae. Kat nen aret it aakumi yi, o at Aliku ALA nen, Wokkiraagin o, yinuk, abuk nggaruk togon kumbuk mbanogo inombomini yoragagim time wogoren unggwi nage logomenggendik, nggween nogo ineyate kwak unde a'nuk logowak nen, mbanogo wogoraanok nduk, piya noorak me, kat kogogumbuk kiniki mondok nu'lek eeppatinuk logot o.

Pelaareegerak 4:2

An wone lengganogo yokkirage yi, kit nen ambiriluk ambi taganogo mbo pugwi, alik mendek ambi inom nabenogo pugwi, eeriyak mondok mage o. Ata, at Aliku kinogoba Ala nen wone, Yogop ee'nu ndogop ee'nu, yugu an nen yokkirage yi, kinaruk konembunuk, liirogon aret eeko logomunggup o.

Pelaareegerak 5:32

Togop me, at Aliku kinogoba Ala nen wone lengganogo yokkiragagerak ti, mugurok nogo logonet kina agigan ogwe, ogugan ogwe, eeka'lek wone ti abok aret liirogon eeko logomunggup o.

Yotuwa 1:1

At Aliku ALA ayeloman Muta nogo kangge mbareegi, Aliku ALA nen Muta yeenggwaagak aap Nun apuluk Yotuwa nogo yoge logonet,

Yotuwa 1:8

Eeko logorak wone yugu mbuku paga liiru mbanak yi, kat nen aakumi yoroorak ti, Neebi o, yinuk, mbo pugun o. Ata, mbuku yi paga yi wone ndi wone liiru mbanak wonage abok aret kat mondok ndak-ndak liirogon aret eerit nage logonok nduk, liingge-kiyoma mondok aberit nage logot o. Ti eeke keenok, yi mendek ndi mendek eerit namenggendak nogo a'me nggelok arit nage kagak, ambi kolage logomunggun o.

Yotuwa 1:9

Kat kogogumbuk kiniki mondok nu'lek eeppatinuk logot o, yinuk, yokkigirak nogo lek a? Kat ambime nage keegak, Naliku kogoba Ala an nimbirak nagin me, kat kagabiti mbake, eerit nage logonet anggon eekkake, eeriyak ti mondok mage o,” yinuk, yoreegerak.

Yotuwa 11:15

At Aliku ALA nen at ayeloman Muta wone lengganogo yoge mbareegi, Yotuwa yoreegerak nogo eeke logonet, Aliku ALA nen Muta yi eeriyak ndi eeriyak yoreegerak nogo ambi mbo puulik mondok ndak-ndak aret eereegerak.

Yotuwa 23:6

Togop aret me, kit kina agigan agak, ogugan agak, eerugup o. Ata, kiniki yungguppegak eeka'lek mondok nu'lek logonet, eeko logorak wone yugu Muta nen liiru mbaneegerak nogo abok ndak-ndak, liirogon aret eerit nogo logonip o.