Yotuwa 1:6 - Ala Wone Peenok Peebi Mbanak

⁶ Kinombomini nggween wogoroorak wone abuk nggaruk togon kumbuk mbanogo yoragagirak nogome aret ineyate kwak unde a'nuk logowak nduk, kat nen aakumi Iterali yi, wogoren wunda namunggun me, kat kogogumbuk kiniki mondok nu'lek eeppatinuk, logot o.

Yotuwa 1:6 ပူးပေါင်းရင်းမြစ်များ

Ndaniyen 10:19

Nomaawi eerogo paninuk yo'nege logonet, “At Ala iniki kunik eekkake menggerak yi wae. Kagabiti mbarugun o. Kiniki ugun kale'nggen paga wonage, kiniki mondok nu'lek eeppunuk komaawi eekkolage, eeke logot o,” yinuk, awo yo'nege kagak, nomaawi aret age mbareegi, at yoge logonet, “Nogoba o. Nomaawi eerogo panegendak me, wone ti, yo'niru o,” yinuk, yoreegirak.

Yotuwa 1:9

Kat kogogumbuk kiniki mondok nu'lek eeppatinuk logot o, yinuk, yokkigirak nogo lek a? Kat ambime nage keegak, Naliku kogoba Ala an nimbirak nagin me, kat kagabiti mbake, eerit nage logonet anggon eekkake, eeriyak ti mondok mage o,” yinuk, yoreegerak.

Yotuwa 1:7

Kat eerit nage nogo abe mban arit nage kaanok nduk, kena agigan agak, ogugan agak, eerugun o. Ata, kogogumbuk kiniki mondok nu'lek eeppatinuk logonet, eeko logorak wone yugu nayeloman Muta liiru mbanogo wokkireegerak nogo abok ndak-ndak liirogon aret eerit nage logot o.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

1 Korindut 16:13

Kit kinagabiti lek kinogogumbuk logonet, Ala abet mbakwi nogo paga kiniki kwippunuk, tum pippak wako logonip o.

2 Timotiyut 2:1

Naput kat perak, Keritut Yetut ninom kunik me, Ala iniki kunik nen omaawi eeppagage kagak, nu'lek logonet, eerit nage logot o.

1 Mbinineegwaarak 28:10

At mban alut eeko logowam awi wuriyak Aliku ALA nen an aret leenogo panegerak kagi, mba'nuk, liippunuk, kogogumbuk logonet, eeke logot o,” yinuk, yoreegerak.

1 Mbinineegwaarak 22:13

Wone lengganak inom, eeko logorak wone yugu inom, it Iterali eeko logowak nduk, Aliku ALA nen Muta yoreegerak nogo, liippunuk, eerit nage keenok, eeriyak mbake nogo a'me nggelok mban arit nage kaamunggun o. Togop me, kagabiti mbake, kiniki yungguppegak eeke, eekelobok o. Ata, kiniki mondok nu'lek eeppunuk, kogogumbuk logomunggun o.

Agayi 2:4

Togop aret kwe, an Nomaawi Lombok Minggirak Naliku ALA ninom aret logogin me, at Terubaben ti, iniki nu'lek eeppunuk logowak o, yinuk, Aliku ALA nen yegerak nogo yoge, at Yotarak aput an neebe unde inowe Yotuwa ti, iniki nu'lek eeppunuk logowak o, yinuk, yegerak nogo yoge, ndi, it aakumi o time menggaarak nogo iniki kwippunuk, yabu eeko logowak o, yinuk, Aliku ALA nen yegerak nogo yorage, eeke logot o.

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Takariya 8:9

At Omaawi Lombok Menggerak Aliku ALA nen an yo'nege logonet, “Nomaawi Lombok Minggirak Naliku an ALA nawi wuriyak ogowa kwippit nogwe iigak, it an nen yorage neegak yoraga nen yorogo nogogwaarak inaruk koneneegwaarak nogo, yogondak eebe age yobok togon wuriyak ineenggi omaawi eekkologo logowak o.

1 Endagembogut 2:2

“O nggween paga yime yi mendek ndi mendek abok aret lek age menggi kwak, an kogoba yi, kilu yuurak eyom panggoni wagaarak me, kat kiniki mondok kogogumbuk eeppatinuk logonet, aap wakaa'ngget mengga kwak logonu o.

Wakkagagerak 26:3

Nggween yi abok aret wokkirigin o, yinuk, kumbuk mbanogo kogoba Abarakam yoreegirak nogo a'me lik yuwak nduk, kat kapuri ndaganabemenggendak kinom wokkiraagin me, kat aap nggiru negen yime aret logot o. Wonage keegak, an nimbirak aret logonet, nale'nggen koba pagage logogin o.

1 Tamuwen 4:9

kit Pilitin mendek yi wae. Kit apit wakaa'ngget a'nuk, wim eeko logonip o. Togop eekwi lek kiinok, it Iberani mendek nit ninayeloman wonogogwaarak nogo pogom nit it inayeloman logukwak, wim abu wakaa'ngget a'nuk nambuko logonip o.”

Pelaareegerak 31:23

Mamunirage mbareegi, ti'nuk, at Aliku ALA nen aap Nun aput Yotuwa nogo yoge logonet, “Kat nen it aakumi Iterali mendek yi, Nggween wokkiraagin o, yinuk, abuk nggaruk togon kumbuk mbanogo yoragagim time wogoren unggwi namunggun me, wogoren nage keegak, an lombok nimbirak aret nagin me, kogogumbuk kiniki mondok nu'lek eeppatinuk logot o,” yoreegerak.

Pelaareegerak 1:21

at Aliku kinombomini inogoba Ala nen yokkiragagerak nogo ndak-ndak, at Aliku ninogoba Ala nen ninanggween muk wo'niragaarak kagi, yinuk, unde eeppatinuk logomunggup nduk, noorak me, kinagabiti mbakwi, kiniki yungguppegak eekwi, eeriyak ti mage o.

Pelaareegerak 11:8

Ti'nuk, ambi yorage logonet, “Kit niyo Yoraran wunda nanuk, o logowam nogome kinomaawi paga unggwi nogo logomonggotik, unde eeppatinuk wonogwe, ndi, at Aliku ALA nen kinombomini inom, inombowologwe inom, nggween abu obeelom nggiin amburu inom, yilak amburu inom, niyo eneeri negen kila-kila wungge menggim, Wokkiraagin o, yinuk, wone abuk nggaruk togon kumbuk mbanogo yoragagim nogome logonet li a'nuk kanggwi, eeko logobagip nduk, an wone, Yogop ee'nu ndogop ee'nu, yinuk, yogondak yokkirage yi, liippunuk, eeko logonip o.

2 Tamuwen 10:12

Yoge nagagerik, “Kogogumbuk nu'lek logot o. It aakumi nit mendek inili eerogo piigwi, ninogoba Ala nen kota-kota wo'niragagerak ili eerogo pugwi, eeruwok nduk, ninogogumbuk wakaa'ngget eeppunuk, wim eekwi niigak, at Aliku ALA nen eeppinaniyak mbake nogo mban eeppinanege logowak o,” yinuk, yoreegerak.

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Linggineegwaarak 26:53

“Aakumi Iterali inanebunu lombok ineebe lingginogo inendage liiru mbanak mugurok yate kwak nggween ti, tumburiraamunggun o.

Linggineegwaarak 33:53

o ti, it unde eeppatinuk logowak nduk, wogoragagirak me, unde eekkologo logomenggaarik, ye mbambatinuk logowak o.

Pelaareegerak 1:8

Nggween kamonggotak nogo abok aret Naliku an ALA nen kinombomini Abarakam inom, Itak inom, Yakup inom, inapuri-inombowologwe ndaganabit namenggaarak inom, Wokkiraagin o, yinuk, wone kumbuk mbanogo yoragagirak nogo, kit muk wokkiragagirak me, time aret unggwi nogo logomonggotik, unde arumunggup, yo'niragagerak nogo o,” yinuk, Iterali yoragagerak.

Yotuwa 1:18

Aap ambi nen kat koone ari nogo, Eeriyak neebi, mbake, wone lengganogo yo'nirage nogo taganogo mbo pege, eeke kenok, aap ti kambuwak nduk, warogo puurak aret me, kat perak, kogogumbuk kiniki mondok nu'lek eeppatinuk logot o,” yinuk, yoreegwaarak.

Yotuwa 10:25

Yotuwa nen at awuri nogo yorage logonet, “Kinagabiti mbakwi, kiniki yungguppegak eekwi, eerugup o. It aakumi kinom wim mbanak wonogwe nogo, at Aliku ALA nen yogop eeppiyaagin me, kinogogumbuk kiniki mondok nu'lek eeppatinuk logomunggup o.” Ari nagagerik,

Yotuwa 13:6

Ndi, aakumi ambik puut nggelok-nggobok o Libanon nen nok, Miterepot-Mayim aakumi Tiron mendek abok wonogwe nogo perak, an naa'nduk a'nuk aret tebenogo piyaagin me, Inanggween ti, it aakumi Iterali yate kwak tumburiroorak o, yinuk, an nen wone lengganogo yokkiragarak ndak-ndak aret,

Yotuwa 18:3

Togop me, at Yotuwa nen it Iterali nogo yorage logonet, “At Aliku kinombomini inogoba Ala nen nggween wokkiragagim nogome unde eeppatinuk logomunggup nduk, o time noorak mbaka'lek we ugun ndengga aago wonogwe kiigak, ne mande ari nagin o.

Yotuwa 21:43

At Aliku ALA nen aakumi Iterali inombomini, “Kinanggween wokkiraagin o,” yinuk, wone abuk nggaruk togon kumbuk mbanogo yoragagerak nogo, abok aret aakumi Iterali wogorage mbareegi, kologo nogogwaarik, time aret ye mbambatinuk, wonogogwaarak.

1 Mbinineegwaarak 28:20

Ti'nuk, at Ndawut nen at aput Talomo nogo ambinom yoge logonet, “Kat kogogumbuk kiniki mondok nu'lek eeppatinuk logonet, eerit nage logomunggun o. Aliku Ala ti, an nogoba Ala aret me, at nen teppagage, eraangge mbo paganuk mbagangge, eerigin lek kimbirak keegak, Aliku ALA awi wuremenggenom eeko logorak ti age worok togon aret eerumunggun me, kagabiti mbake, anggon eekkake, eeriyak mage o.

2 Mbinineegwaarak 15:7

Kit yi perak, kinogogumbuk kiniki mondok nu'lek logonet, eerit nogwe kiinok, eekwi ti onggo kologo logomunggup o,” yinuk, yoragagerak.

2 Mbinineegwaarak 20:7

Ninogoba Ala o. It kapuri Iterali inaame kaa'nduk a'nuk it aap inawi yime menggaarak nogo mugogo wumbiinok, o yi, kat kore Abarakam ombowologwe wiganak nen mondok-mondok unde logowak nduk, eeppiyareegindak nogo lek a?

2 Mbinineegwaarak 20:11

Teppiyareegwaarak onggo negen nineyate kwak ninanggween unde eeppatinuk logorak wo'niragaginom yime nen mugogo wumbinaniyak eekwi yi, niyet o.