Yetaya 9:20 - Ala Wone Peenok Peebi Mbanak

²⁰ Inoreewi ineeben abeenok wonogwe nogo inambi waganogo namenggaarak kwe, abu aret wonogwe, Ineeben abeenok wonogwe nogo inambi namenggaarak kwe, ndonggoppiiga'lek wonogwe, Eekwi kenok, It paga wiganak aret kwe, inamiya nenet nogo logogun o.

Yetaya 9:20 ပူးပေါင်းရင်းမြစ်များ

Wone Alom Kibingga 4:5

Aap iniki lek wi nen eenggi awiirak wonage logonet, mbi abu nen kangge menggerak o.

Yetaya 10:4

Lek aret me, aakumi keele maagaren nogwe inenggela'me yipik agan nogwe, Aakumi inoorit nogo logonet, kit kinom kinookwi, Eekwi ti mban aret eekkinako logogun o. Ti abok eekkinabugun aret kwe, At anini kinombake nogo lek aga'lek ambinom kinoba pinagakit nduk, “Ndime eeri nanip o,” yinuk, eenggi titik irage agaarik o.

Yetaya 14:30

It aap an napuri inamendek lek aret kwe, inambi nunggwi, It eekkoloorak meek nogo nen iniki ugun tayenak nogo yugwi, Eerugun me, It inapuri wiganak perak, abok kambit nawak nduk, an nen mbi noogelo inoba kwippiige, It eegu teppiyamenggerak nogo inoorogo piige, Eerigin o.

Yetaya 3:1

It aap o kota Yerutalem inom, o Yekura inom, iniki panggonak wonogwe abok aret At Omaawi Lombok Menggerak Aliku ninogoba ALA nen ndinogo waagin o. Inambi-inagi pipuk aago inom,

Yetaya 49:26

It tebenogo pagarak eekwi nogo it ineebe lombok aret nunggwi, Anggur amburu nenok kumili ogo mengga kwak it inamiya lombok nenok kumili kunggwi, Eeruwak nduk, Eeppiyaagin o. Ti eekwi iinok, At Yakup ogoba Nomaawi Lombok Minggirak, Kagap Ndaka, Wondet Eerogo Pagaga ti, Naliku ALA an aret me, Yi aap ndi aap abok ineenu arugun o,” yinuk, yoge kagarak o.

Yetaya 5:25

Togop aret me, Aliku ALA apuri eekwi paga anini nen mi'nage logonet inooke, Puut-puut ndipuk eeke logonet, inambebuk tu paga yumbunik-telenak eerogo pogo mengga kwak, Aakumi inowak nogo togop eerogo pege, Eeremenggerak kwe kagak, Ala anini mi'naremenggerak nogo lek arigin lek wonage aret logogin o.

Yetaya 51:19

Alom mbere eekkakerak ti paga kiniki aaninggin keenok, ta nen kiniki eyak wappagarak mbaken? Keebe nogo maluk eerogo pagagwi, yigirogo pagagwi, Ndi, mbi noogelo koba age, wooluwak paga keebe kookwi, Eereegwaarak nogo Aap ta nen kiniki kwippagagin mbaken?

Yetaya 8:21

It aakumi ti, iniki aaninggin wonogwe, mbi abu wonogwe, eeko logonet, o time yagak-ndagak nugwi, mbi abu kenok inanini nen inowe endagembogut inom, inogoba Ala inom, mbelaappiigwi, ina mbogut paga ni'nogwe,

Yetaya 8:22

nggween paga wu'nogwe, eeremenggaarak kwe, yi mendek ndi mendek obeelom mendek ambi inigen kaga'lek aaninggin-paaninggin inoba age, iniki apit age, o yumaak kenok inagabolo kangge, eeke kagak, o apit me time mbo piyaagin o.

Yeremiya 13:14

Anggur amburu toolak ambi waganogo, anggur amburu toolak ambi paga yigirogo pogo mengga kwak, inogobamini inapuri ineebe paga yigirogo piige, inapuri inogobamini ineebe paga yigirogo piige, eerigin o. Inabuwa mbake, inabuwa nen teppiige, niniki yanggo yinuk, inomaluk mbo piige, eerigin mondok lek inenggaawak abu lek eerogo piyaagin o, yinuk, yoret,” yegerak me, yokkiragi o.

Yeremiya 19:9

Inawim nen oonda mbanogo inoorit ungguwok nduk wakkagak mban eekwi iigak, Mbi lek me nano nawi? yinuk, inapuri wologwe-komologwe inoorogo inenggaanggum nunggwi, inoreewi inooppunuk inenggaanggum nunggwi, eeruwak nduk, eerogo piyaagin, yegerak, yoret o.

Leendawi 4:10

Togop me, it an nanebunu mendek inoorogo piinet nogogwaarak ti eyom paga Kumi iniki yanggonak mendek nen it inaagalogwe lombok aret kagak inambi negen inoorogo lakkologo nogogwaarak.

Mika 6:14

Kambi namenggendak kwe, ndonggoppaga'lek aret wonage, Mbi abu nen kiniki nggaruk-nggaruk mban eekkake, Eerigin o. Kat nen yi mendek ndi mendek kuwak eerogo patemenggendak nogo, an nen it wooluwak nutik wogwe nogo wogoraagin me, Yi mendek ndi mendek kuwak eerogo patemenggendak nogo abeelik-abeelek eerogo pigin o.

Takariya 11:9

it yorage logonet, “An nen ambinom ndegengginaburak neebi me, kambuurak kenok kanggwi, kineebe lek ariyak kenok lek ogwe, eeko logonip o. Ndi, it eegu yumbunogo piyamonggotak nogo nen at ambi enggaanggum nenggak, at ambi enggaanggum nenggak, eeko logowak o,” yinuk, yoragagirak.

Marakut 3:24

It aap inabu'me menggaarak it-it ogooppunuk ma'nogwe kenok ti, it inabu'me piigo menggam nogo omaawi logogun lek o.