Yetaya 9:13 - Ala Wone Peenok Peebi Mbanak

¹³ Togop eeginabeegerak kwe, It aakumi ti nen iniki wakko'nok at inomaluk onggo eeppiiga nogo owagam wogwe, At Omaawi Lombok Menggerak Aliku ALA mugurok wogwe, Eeka'lek aret wonogo agaarik o.

Yetaya 9:13 ပူးပေါင်းရင်းမြစ်များ

2 Mbinineegwaarak 28:22

Aap endagembogut Akat nogo nen Aliku ALA liirogon mugurok nage logolik, mbo pegak negen eereegerak kwe, aaninggin oba agak mban age ti paga abunuk mbo pereegerak.

Ayup 36:13

It aap Ala ineebi mbaka nogo nen inanini mban mbarit nugwi, Mbuti keele paga maarogo mambiigetak kwe, It nen, Yeenggwa niraanip o, yinuk, yoraga'lek aret wonogwe,

Yetaya 1:5

Kinanobak paga abok aret kinawin kunik mban wonogwe, Kinooke kagak, kiniki lek-lek eekkinake, Kiniyok ogut kuli nen nok kinanobak kuli, obeelom ambi wonogwe lek piirik-kunik aago mban wonogwe, Kinawinde-kinobaande aago wonogwe, Kinoba pirikut-parakut eerak wonogwe, Eerak nogo lek aruwak nduk, tubunogo wumbakwi, Wip amburu mburunogo punuk, nggerenggologwe, Eeka'lek aret wonogwe kiigak kwe, At nen ambinom kinoorikit nduk eeke, At nen yokkirage nogo, “Eeriyak nineebi,” mban mbakwi, Eekwi ti, Nonggop nduk eeko ogotik?

Yetaya 19:15

It aap Metit mendek inirimbaga menggaarak ilik, inabu'me menggaarak a? Inendage warak ilik, inendage lek a? It ambi nen o Metit obeelom eerogo puurak meek aret kaagun o.

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Yetaya 57:17

Yi mendek ndi mendek koloorak mban uugwe mbarit nogwe paga nanini lombok inombake, Aaninggin inoba pege logonet, nanini nen nambot wogorage, Eeke neegak, Inanobak yugum kwak eeppatinuk, tu alik paga nomoninuk nogo nogogwaarak o.

Yetaya 7:20

Ne ti paga mban niyo Eparat ene pa'nggwe aap Atiyut mendek inowe endagembogut luulu yoriminggirak wage logomenggerik, at eebe inamboro mbanggak pogom a'nuk kineeruwak inom, kinambulok omoori inom, kinamboro inom, tabik-tabok eerogo pinagagin o.

Yeremiya 15:7

Aliku ALA nen ari logonet, “Iri'ngga ameneno wiya nen wonok nawak nduk yumbunogo nippogo mengga kwak, O it wonogwe me kota-kota togop aret eeginake, An napuri inobaabut alik aga'lek maluk kunik mban eekwi me, ineebe lek eerogo piige, It inapuri kambuwak nduk, eeppiige,

Yeremiya 29:11

Aliku ALA nen ari logonet, “It eeppiyoorak koonogo pereegirak nogo ti, an neenu aret o. An maluk eeppiyoorak koonulik o. Ata, iniki ugun tayenak wonogwe, Peebi obeelom eeppinaniyak o, yinuk, iniki abu lunik wonogwe, eeko logowak nduk, koonogo pereegirak o.

Yeremiya 5:3

Kaliku nogoba ALA o! It aap iniki abu koonak logonet, li'lak eeko menggaarak nogo kenegen pegiinet nage menggendak nogo lek a? Yawi paga inookendak kwe, it nen andi kogwe, Aan lebenogo piigendak kwe, iniki koonnage, Eeka'lek aret agaarik o. It inanobak yugum pogom eeppatinuk, “Ninomaluk mbo puurak, Nineebi,” mba'nuk agaarik o.

Yetikiyen 22:24

“Aakumi nen ndarak yi wae. Kat nen nggween ti, yoge logonet, At ti, nanini age eyom paga mayu nen nggween yawenogo pegeelik kwak, o mayu amburu wanggeelik kwak, aret wonage agaarik o.

Yetikiyen 24:13

“Mili-mili oba lengge aago kwak nogo ti, at enggali lek amendek kin eerogo pit nage ti aret o. At mili-mili oba lenggenak wonage nogo, an nen inoba eyoongga nggoorogo nappogo mengga kwak, eereegirak kwe, oba lenggenak nogo lek ariyak eebi mbareegerak me, nanini nen eeppuurak nogo tayo yega'lek kagak oba mili-mili lenggenak aret logogin o.

Ndaniyen 9:13

Muta liiru mbaneegerak nogo ndak-ndak, nit aaninggin ninoba kwippinanege keegak, Aliku ninogoba Ala nen ninabuwa mba'nuk obeelom eeppinanuwak o, yinuk, nit maluk eekwi ti, mbo punuk, yungguk togon wogo logonet, wone abe wone yo'nirage nogo liippuurak op kwe, nit liippega'lek aret ogoorik o.

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Oteya 7:10

It Iterali iniki wogoppako logonet, eerit nugwi ti nen, Yi eerit nage paga ndogop eekkabigin o, yorage menggerak kwe, Iniyokan inogoba Naliku an Ala mu'neren wogwe, An kwaa'nabit wogwe, Eeka'lek aret menggaarak o.

Oteya 7:16

An Tiyanak Lombok Minggirak nen yeenggwaaraakit nduk, yo'nugwi lek mbo panugwi me, It ti, maale nambukaatak tak mbilak wuk ari menggi kwak wonogo agaarik o. Inoone maluk mendek mban agan nugwi ti paga inoweewi inendage warak nogo wooluwak paga warak wanggo logogun o. Ti eekwi paga o Metit time nen inagi'ndok kanggo logogun o, yinuk, yegerak me, yokkiragi o,” yoragagirak.

Amot 4:10

“It aakumi Metit mendek eeginabeegi kwak it Iterali inenggela'me kugilingga nappi wage, It inapuri aap tawe nogo wooluwak paga inooruwak nduk eeppiige, Inaguda aakumi nen wonok ma'naruwak nduk, eeppiige, Inawooliya wurik me obari kenok inogobak ko'nok yuwak nduk eerogo pege, Eereegirak kwe, Inomaluk mbo punuk, iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o.

Amot 4:6

“Ti eekwi iinok, an nen it wonogo menggam kota-kota abok aret inambi nengga'lek wo'no lu yogo logowak nduk eeppiige, Yi yaga'lelo ndi yaga'lelo inambi mbuuluk eerogo piige, Eereegirak kwe, Inomaluk mbo punuk iniyokan yungguninuk an neya waga'lek aret menggaarak o,” yinuk, Aliku ALA nen aret yegerak me, yokkiragi o.

Pelaareegerak 4:29

Ndi, togop eeko logomunggup kwe, At Aliku ninogoba Ala ngga wonage agaarik o? yinuk, kiniki-kineebe apit aret nggaruk togon at kwaakwi kiinok, eebe aret kwaakkaamunggup o.