Yetaya 8:6 - Ala Wone Peenok Peebi Mbanak

⁶ “It aakumi yi, niyo Tiyilowa elaganggen abolok lek wage nogo mbo punuk, Aap inendagembogut Eretin inom, aap Eremaliya aput inom, inikilom mbakwi me,

Yetaya 8:6 ပူးပေါင်းရင်းမြစ်များ

1 Endagembogut 7:16

eyak mbere nggorek ogobakkigireegerak irip nogo paga kwippuwak nduk, mbuti tembaga paga metet mbere eeppunuk, ambi oolo abu'me negen ogobakkigirogo eyak irip mbere nogo paga kwippege, eeke nagagerik,

Nekemiya 3:15

Tu unggwogo nogogwam endage, Niyo Ti'mbilili Wangge Menggim ti, aap o Mitapa unde Kolokote aput Talum nen obaane'me wurogo punuk, oo'ngget maarogo pege, tungga nggelenogo pege, wa'mbit narogo pege, eeke nagagerik, niyo narak Tilowam aap endagembogut eyabu yarak me nen nok, at Ndawut agota wambi nogo menggam nda'nggi yugum paga pugu kuli owa'nagat wurogo pege,

Ndawi 46:4

Niyo ambi elaganggen alitik-alitak wage nen At Tiyanak Lombok Menggerak Ala agota alik leenak menggim wonogwe nogo Iniki ale'nggen eerogo piige menggerak o.

Yetaya 1:20

Eeriyak, ineebi mba'nuk, mbo pugwi iinok perak, Wooluwak nen ambeme yonggorinabigin o,” yinuk, Aliku ALA nen abet aret yegerak me, yokkiragi o.

Yetaya 28:2

O wiya omaawi nombok-kombok warit wage logonet o mayu kumulinggen wurabit wage, O mayu lubu-lubu wangge nagaatik, niyo nggwok wu'nuk wage logonet, yi mendek ndi mendek taganit nage, Eeke menggi kwak, At ninogoba Ala nen aap ambi omaawi abu alik negen nappi woramenggerak wage logomenggerik, O kota ti, anini nen togop aret eerogo pigin mbako logonip o.

Yetaya 30:12

Togop eekwi me, at Kikak Nakeelik Alik Leenak Iterali inogoba Ala nen yegerak nogo yi aret. “It o karu nggwok wonogwe nogo nen an noone yorage yi, taganogo mbo punuk, It aakumi tebenogo piigwi, wiwi eeginakwi, eekwi nogo mendek iniki inoba panggombegaarak ti, maluk aret eekaarak me,

Yetaya 5:24

It aap ti, at Omaawi Lombok Menggerak Aliku ALA yereegerak liiru mbanak nogo mbo pugwi, At Kikak Nakeelik Alik Leenak Iterali inogoba Ala ari nagagerak nogo meek eerogo pugwi, Eekaarak me, Kani omoonuk wunuk ari logonet, wiiringga mbanak ne ambit pup eerogo nengge, Kani omoonuk wage logonet, iri'ngga mbuk ne ambi lek eerogo nenet nage, Eeke menggi kwak, Ineebe togop aret eeginake logonet, eyo omanggen pili arit unggwage, Liirubu kwak iri'ngga laambu o wiya nen wonok nage, Eeke menggi kwak eeginabigin o.

Yetaya 7:4

Kinom lambumbunuk wone yoriyak nogo yi aret. Kani arowa mbere ka'luk ndi wuke kwak aap Eretin awuri aap Aram mendek inom, aap Eremaliya aput nogo inom, inanini mbakwi paga agabiti nen iniki lek-lek eeke ti mage o. Ata, iniki nu'lek eeppunuk ogogumbuk logowak o.

Yetaya 7:6

Nit o Yekura mendek ninom wim eeri unggwogo logonet, iniki lek-lek eerogo piinok, o tebenggologo logomonggoorik, aap Tabeen o time endagembogut logowak nduk, mippuwok o, yinuk, yagaarak kwe,

Yetaya 8:5

Yo'nege nagagerik, Aliku ALA nen ambinom an yo'nege logonet,

Yeremiya 18:14

Puut Libanon yugum yunik-lunik paga ndugu-ndugu lenggenak wonage nogo lek age, Ndi, niyo miin tu aago puut ti paga nen wambi wage nogo porok ari, Eeke menggerak mbaken? Lek aret kwe,

Yeremiya 2:13

“An napuri maluk eekaarak alom mbere yi aret. Ambi, niyo ineenik eeginake minggirak alom an nogo inambokan mbo panugwi, Ndi, ambi, niyo yenggenak logorak nggween kabunogo pakwi kwe, eno mbanak me, wundi nage logorak mendek kagak kabunogo pakwi, Eekaarak o,” yinuk, yegerak o.

Yeremiya 2:18

Togop me, yogondak niyo Nin toologo nawak nduk o Metit nogwe ti, nano eekkoloorak nduk nogwe, Niyo Eparat toologo nawak nduk, o Atiyut time nogwe nogo ti, nano eekkoloorak nduk nogwe, Eeko agaarik?

Lukat 13:4

O Tilowam o nggorek wurik ngginnage logonet, it aap 18 aambeleninabeegerak nogo ti, it aakumi ugun Yerutalem wonogwe ti, maluk eekwi lek negen, ndi, it aambeleninabeegerak nogo ti, maluk nggwok eereegwaarak me, aambeleninabeegerak mbakop?

Yaya 9:7

Nabembege nagagerik, “Wulaga! Kat yi yenggenak Tilowam koori nak o.” Yoge mbareegi, koori nage nagagerik, enegen obeelom a'nuk wagagerak. (Yi yenggenak Tilowam yereegerak nogo ti, nit ninoone paga, Nappereegim, aret o.)