Yetaya 8:3 - Ala Wone Peenok Peebi Mbanak

³ Yo'nege mbareegi, an nakwe nimbirak lambungge nagagirik, abila a'nuk, naput aap aret ndareegerak. Ndake mbareegi, Aliku ALA nen an yo'nege logonet, “Kaput endage ti, Mondok Alilaakwi Aakumi Inagugun Wagangga, toonumunggun o.

Yetaya 8:3 ပူးပေါင်းရင်းမြစ်များ

2 Endagembogut 22:14

Yorage mbareegi, at Ala unde Kilikiya inom, Akikam inom, Akobot inom, Tapan inom, Ataya inom, kwe Ala nen yoge kagak yoraga aap it Ala unde inayum pipuk eerogo piiga Karakat ombooluk Tikwa aput Talum akwe endage Kulara nogo, o Yerutalem peebi nambit-mbit wurik me nogome wonage me, yori nogogwaarak.

Yetaya 8:1

At Aliku ALA nen an yo'nege logonet, “Yugum tabak liiru mbangga nggwok ti wamen o. Wagangge logomenggendik, liiru mbanggo menggaarak ndak-ndak mbangge logonet, Mondok Alilaakwi Aakumi Inagugun Wagangga, mbanu o.

Yeremiya 20:3

Yoragagerak mambogo mbareegwa, ko'lu at Patikut nen keele piinogo wumbi wage mbareegi, at Yeremiya nen at yoge, “Aliku ALA nen ari logonet, At Patikut ti, eerit namenggerak paga amineeri ne agan noorak mendek eerogo pake, ndi, at oreewi kunduk, inamineeri ne agan noorak mendek eerogo piige, eerigin me, at endage yogo logorak Naliku ALA nen koonggirak nogo ti, Patikut, lek o. Endage ti, Yi Aap Ndi Aap Inamineeri Ne Agan Naga o, yinuk, yogo logorak koonggirak o. At oreewi lombok iigak kwe, inom wim mbanak nen inawooluwak paga inooremenggaarak at enegen kagak kanggwi iyaagin o. Ndi, it Yekura mendek abok aret aap Mbaben inowe endagembogut eenggime piminggirak ando wooluwak paga inoorogo piige, eegu apit aret kugun wogoren o Mbaben piya nage, eerigin o.

Owak Loongga 4:4

Yogwi iigak, aap Lapirot akwe endage Ndebora, Ala nen yoge kagak yoraga wonagagerak me, o ti eyom paga it Iterali inowak loongge nagagerak.