Yetaya 8:21 - Ala Wone Peenok Peebi Mbanak

²¹ It aakumi ti, iniki aaninggin wonogwe, mbi abu wonogwe, eeko logonet, o time yagak-ndagak nugwi, mbi abu kenok inanini nen inowe endagembogut inom, inogoba Ala inom, mbelaappiigwi, ina mbogut paga ni'nogwe,

Yetaya 8:21 ပူးပေါင်းရင်းမြစ်များ

2 Endagembogut 25:3

Ndi, tut 4 penenak tanggal 9 paga o kota time aakumi inambi noorak abu lek aret agagerak me, mbi abu mondok iya aganabeegerak.

2 Endagembogut 6:33

At Elita nogo wone ti awo yorage me, aap nappi wagagerak nogo aa'nduk wage, ndi, aap endagembogut nogo ambokan wage, eeko nogogwaarik, aap endagembogut nen yoge logonet, “Aaninggin-paaninggin ninoba agaarak yi, at Aliku ALA nen aret eeppinanege me, at Aliku ALA nen ambi yeenggwa nirigin me nduk, tokkage logorak mbaken? Lek o,” yinuk, yoreegerak.

Ayup 1:11

Togop aret me, at amendek abok aret keenggime woppunuk, lek eerogo pege keenok perak, pulunogo pagagin mbake logot o.”

Ayup 18:12

Mbi abu nen omaawi lek age, Nage me, yigeebu wambuwak nduk, at lek eeppuurak mendek enaarak wonage,

Ayup 2:5

Togop me, aap Ayup eebe lombok maluk eeppege keenok perak, mondok lok togon pulunogo pagage kaamunggun o.”

Ayup 2:9

Eeke wonage me, at akwe nen at yoge logonet, “Yogobi eeppagage kagak kiniki abe koonak mban logorak mbakendak ya? Ala pulunogo punuk kambu o.”

Wundeegwaarak 22:28

Yoge nagagerik, Iterali yoraawak nduk, Muta ambinom yoge logonet, “At Ala miyuk-meya eerogo pugwi, aap inowe inarum menggerak nogo inoone maluk, Kambu o, yogwi, eeriyak mage o.

Kini Wuppiige 19:3

Aap ambi iniki lek wi negen eerit nage paga maluk aret eekkolage nagaatik, anini wuk togon Aliku ALA mberege menggerak.

Yetaya 14:30

It aap an napuri inamendek lek aret kwe, inambi nunggwi, It eekkoloorak meek nogo nen iniki ugun tayenak nogo yugwi, Eerugun me, It inapuri wiganak perak, abok kambit nawak nduk, an nen mbi noogelo inoba kwippiige, It eegu teppiyamenggerak nogo inoorogo piige, Eerigin o.

Yetaya 51:19

Alom mbere eekkakerak ti paga kiniki aaninggin keenok, ta nen kiniki eyak wappagarak mbaken? Keebe nogo maluk eerogo pagagwi, yigirogo pagagwi, Ndi, mbi noogelo koba age, wooluwak paga keebe kookwi, Eereegwaarak nogo Aap ta nen kiniki kwippagagin mbaken?

Yetaya 59:9

Ti eekwi paga nit wone yugu liirogon eekwi, Obeelom mban eerit nugwi, Eeka'lek niinok, Mbo pinaneegerak wonogo ogoorik o. “Nit o eya ee'ninabuwak lak, ao,” yinuk, mbakwi kwe, o apit paga wonogwe, “Eya pindanogo pinanuwak,” mbakwi kwe, tu o yumaak lombok paga nogwe, Eeko ogoorik o.

Yetaya 65:13

Togop aret me, Aliku Itok Menggerak ALA nen wone yoragaarak nogo yi aret o. “It an nayeloman mini inambi nonggo logogun kwe, it perak, inambi nengga'lek abu aret wonogwe, Nayeloman mini inagi nonggo logogun kwe, it perak, inagi nengga'lek yi abu mban wonogwe, It an nayeloman mini inale'nggen mban mbako logogun kwe, it perak, inenggali mbakak nugwi,

Yetaya 9:20

Inoreewi ineeben abeenok wonogwe nogo inambi waganogo namenggaarak kwe, abu aret wonogwe, Ineeben abeenok wonogwe nogo inambi namenggaarak kwe, ndonggoppiiga'lek wonogwe, Eekwi kenok, It paga wiganak aret kwe, inamiya nenet nogo logogun o.

Yetaya 9:21

Neyak-keyak yogo logonet, it aap Manate mendek nen Eparayim mendek inoorogo piigwi, Ndi, it Eparayim mendek nen it Manate mendek inoorogo piigwi, Eeko logonet, It imbirak lambunna'nuk, Yekura inom wim eerugun o. Togop eerugun kwe, at Ala anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yeremiya 14:18

O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.

Yeremiya 52:6

Ndi, tut 4 penenak tanggal 9 paga o kota time aakumi inambi noorak abu lek aret agagerak me, mbi abu mondok iya aganabeegerak.

Ala Unde 24:11

Ndugwi pege logonet, kwe Iterali mendek aagaluk ti'nen at Aliku ALA meek mbake logonet, endage paga kugi pulunogo pege mbareegi, aap nogo Muta owagam pi wogo nogogwaarik, “At Aliku ALA nen nonggop eeppuurak ari kaamun?” yinuk, tokkogo logonet, keele maarogo mambiigo menggam mambereegwaarak. Aap nogo agalo endage Telomit. Ndi, at agalo nogo ogoba anebunu Ndan mendek me, endage Ndiberi aret.

1 Tamuwen 8:18

Aap endagembogut mippumonggotak nogo nen aaninggin-paaninggin togop aret eeppinagit wage ti eyom paga kit nen Aliku ALA yogo logonet, Aap endagembogut mippogoorak nogo nen yogobi eeppinanege me, yeenggwa niret o, yorumonggotak kwe, kinoone at Aliku ALA konenigin mondok lek aret mbako logonip o,” yinuk, yoragagerak.