Yetaya 8:20 - Ala Wone Peenok Peebi Mbanak

²⁰ wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Yetaya 8:20 ပူးပေါင်းရင်းမြစ်များ

Etara 10:3

Eeko logorak wone yugu liiru mbanak niniki ti paga panggombunuk, kat nogoba inom, it ninogoba Ala wone, Yogop ee'nu ndogop ee'nu, yugu inagabiti mbakwi nogo inom, nen, Ndogop aret eeko logowok o, yinuk, koonogo yo'niramonggotak nogo ndak-ndak eeko logonet, kumi endekem mendek inaagalogwe inom wonogwe yi, ponggonogo wumbiyaawok nduk, ninogoba Ala enggaanom paga wone ambi abuk nggaruk togon koonogo puwok o.

Ndawi 119:130

Koone ari menggendak waganggwi iinok, Inikime eya eerogo piige, It iniki yuundurak nogo ineenu eeppiige, Eeke menggerak o.

Ndawi 78:5

At Aliku ALA nen It Yakup mendek eeko logorak wone lengganogo wumbege, “Yogop eeko logonu o, ndogop eeko logonu o,” yinuk, It Iterali mendek yorage, Eeke nagagerik, Ninombomini yorage logonet, “Kinombowologwe nda'naga'lek nda'narugun nogo, ineenu ogwe, Ti'nuk, it inapuri yorogwe, Eeko logowak nduk, Wone yi, kinapuri liirogon mamunirogo logonip o,” yinuk, Wone lengganogo yoragagerak.

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Yetaya 1:10

Kit aakumi inarum waka o Torom wandek yi wae. At Aliku ALA wone yokkirage nogo kinaruk konenggo logonip o. Kit aakumi Nggomora wandek yi wae. Ninogoba Ala nen eeko logorak wone yereegerak yi, liippogo logonip o.

Yetaya 8:16

Wone at Ala nen yo'negerak abok aret yokkirage yi, liirogon waganggwi, Kit an noone wagangga nen eeko logorak wone yugu yi, nggirik-nggerok porogo wonogwe, Eeko logonip o.

Yetaya 8:22

nggween paga wu'nogwe, eeremenggaarak kwe, yi mendek ndi mendek obeelom mendek ambi inigen kaga'lek aaninggin-paaninggin inoba age, iniki apit age, o yumaak kenok inagabolo kangge, eeke kagak, o apit me time mbo piyaagin o.

Yeremiya 6:16

Aliku ALA nen yegerak nogo yi aret. “Tu nandogon-kandogon ari nanuk, yambonggwi, Tu aa'nduk lombok nogo nogogwaarak nogo ngge o? yinuk, yorogwe, Tu obeelom nogo menggaarak ngge o? yinuk, yorogwe, Eekwi iinok, Tu yi aret, yorogwe iinok, ti paga aret nogwe, Eeko logowak o. Ti eekwi iinok, iniki kwi'narigin o, yinuk, yoragagirak kwe, It nen, Tu ti paga noorak nineebi o, yinuk, yogwe,

Yeremiya 8:9

It aap niniki warak mbako menggaarak nogo inenggali aret ogwe, Kobak ogwe, inoone lek eerogo piigwi, eerugun o. Naliku ALA noone yugu nogo mbo pereegwaarak me, nano wone paga panggombunuk, Iniki warak agaarak me yogo agaarik mbakop? Lek aret me,

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Mika 3:6

Inabinggaanggo ambinom koorak iyo, o apit kwak eerogo piige, Tili paganemenggaarak kwe, irip narogo piige, Eeriyak eyom panggoni woraagin o. Ndogop eeke kaamunggup o, yinuk, yaga nogo oonegen kilu yi nage logonet, o yumaak age menggi kwak, eerogo piinet unggwage, O liingge kwe, yipit-apit eerogo piige menggi kwak eerogo piige, Eerigin me,

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.

Matiyut 22:29

Yogo mbareegwa, at Yetut nen, “Ala wone liiru mbanak inom, Ala omaawi inom, kit liippega'lek logonet, wone ti, alik lombok yogwe kiigi o.

Matiyut 6:23

kinigen maluk wonage kenok perak, kineebe abok aret o apit aago pogom logomunggup o. Ti kenok, eya kinikime wonage nogo lek age logonet, o apit age kenok ti, kineebe mondok iya tit yumaak aago logorak me, liippinip o,” yinuk, yoragagerak.

Marakut 10:3

Yogo mbareegwa, Yetut nen, “At Muta nen wone nonggop yokkiragagerak o?”

Lukat 10:26

Yoge mbareegi, at Yetut nen, “Ala wone yugu liiru mbanak ti, nonggop mbanak o? Kat nonggop pekkage menggendak?”

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Nappiigak 17:11

It aakumi Tetalonika mendek ti, inogogumbuk kwe, it Mbereya mendek perak, iniki abu obeelom me, Ala wone yorogogwaarak nogo, iniki ale'nggen paga waganggo nogogwaarik, “At Pawulut nen wone yo'nirage yi, abet aret ilik?” yinuk, ko'lu-kii'me Ala wone liiru mbanak malenggo nogogwaarak.

Oroma 1:22

It nogo nen, “Nit abok nineenu aret o,” yinuk, yikko'net nugu nogogwaarak kwe, ineenggo'lek wi negen a'nuk, agan nugu logonet,

2 Peterut 1:19

Ti yereegerak kenok, o maan it aap Ala nen wone yorage kagak yorogo nogogwaarak nogo a'me lik yi wagak eeke kogo nogogurik, nit niniki abet mbakwi nogo, mondok nu'lek eerogo pinanegak eeke kogogurak o. O weerikit nduk, kilim nagake kagak, ndowan ambiret abinak ndelenak-welenak ari kogo monggoorak nogo, wundi waga'lek kagak, o apit me ndi wuninogo pogootak eya kenok, niniki ale'nggen age menggi kwak, kinikime awo eya eekkinabi waga'lek kagak, wone yo'nirogo nogogwaarak nogo kiniki kunik eekkologo logonet, liippogo logorak ti, op lombok aret o.

2 Peterut 1:9

Ndi, kit ti eeko logorak yokkiragarak nogo eeka'lek kiinok perak, “Ala nen ninomaluk lek eerogo pinaneegerak,” mbaka'lek mari eerogo punuk wonogwe me, aap inigen mbuk nen yi mendek ndi mendek nda nakkoorak meek nogo kokwak wonogwe kinombarugun o.