Yetaya 8:19 - Ala Wone Peenok Peebi Mbanak

¹⁹ Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Yetaya 8:19 ပူးပေါင်းရင်းမြစ်များ

Wakkagagerak 41:24

Nogo kage neegak, it anggen lik anggen lek yugu nogo nen it anggen abe 7 yugu nogo nunggwi iigirak o. An nabi togop kage nagarik, it aap inabi kogwe iinok, eebe yoraga nogo abok aret mbininogo yoragarak kwe, Kabi eebe yi aret kagandak o, yinuk, ambi mondok yo'nirulik aret o,” yoreegerak.

2 Endagembogut 1:3

Yoragagerak nogwe iigak, at Aliku ALA ayonggo malayikat nogo nen aap Titebe mendek Eliya yoge logonet, “Aap Tamariya mendek inowe endagembogut nen nappiya wagaarak wonogwe ti, kinom lambuni nage logomenggendik, wone yogop yoraamunggun o. It Iterali wonogwe me, Ala lek kenok, it Ekoron mendek inagugi Mba'an-Tebup nen yoraawak nduk, nggino yori nogo agaarik ya? yegerak o.

2 Endagembogut 21:6

aput eenik ngge-ngge kugi ake kani kungge, magagirak iyagalo age, tili pagangge, aakumi inogoma wiiraga inowagam nage, kambeegwaarak kin aruwak nduk eeppiiga inom wone mbani nage, eerit nage logonet, Aliku ALA enegen kagak maluk lombok eerit nage nagagerak paga Aliku ALA anini mbareegerak.

2 Endagembogut 23:24

Ala nen eeko logorak wone yugu mbuku paga liiru mbanak aap Ala unde Kilikiya nen Aliku ALA awi wurik me kwaakkagagerak paga wonage nogo, a'me nggelok yuwak nduk, it aakumi inogoma wiiraga inom, kambeegwaarak kin aruwak nduk eeppiiga inom, lek eerogo piige, kugi oome mendek inogut eerak inom, kugiwak inom, it aakumi o Yerutalem mendek kunduk, Yekura mendek kunduk, nen ogole warak ti mendek ayuk wuko nogogwaarak abok aret lek eerogo mbo pege, eereegerak.

1 Mbinineegwaarak 10:13

Aap Tawun nogo at Aliku ALA liirogon mugurok nage logolik paga kambeegerak. At Aliku ALA wone yugu nogo liirogon eerit nage, ambi age kenok, Aliku ALA nen yoruwak nduk, yoge, eeke logolik o. Ata, aap kambeegwaarak inogoma nen, “Ndogop eeke logot o,” yoruwak nduk, inowagam nage nagagerak me, Aliku ALA nen warogo punuk, at abu'me piige menggim nogo, at Itayi aput Ndawut unde logowak nduk, mippereegerak.

2 Mbinineegwaarak 33:6

o Mben-Kinom Kobappaga time at apuri ineenik ngge-ngge agugi ake kani kungge, magagirak iyagalo age, tili pagangge, kuguruwo ayonggo pege, aakumi inogoma wiiraga inowagam nage, kambeegwaarak kin aruwak nduk, eeppiiga inom wone mbani nage, eerit nage logonet, Aliku ALA enegen kagak maluk lombok eerit nage nagagerak paga Aliku ALA anini mbareegerak.

Ndawi 106:28

Kugi Mba'an puut Peyot menggerak inom kunggologwe, Ala obaane'me inagugi ogut ogobakkigirik Inoone lek mendek inake inaanggo warak nogo nunggwi,

Yetaya 19:3

It aakumi Metit mendek iniki ma'naremenggerak me, Eeriyak koonogo pemenggaarak nogo an nen eeriyak meek aret eerogo piyaagin o. Ti eerogo piige neenok, It inagugi nen yeenggwaaraawak nduk nggino yogwi, Aap kugi unde nen yoraawak nduk yorogwe, Tili pagangga nen yoraawak nduk, yorogwe, Aap inogoma wiiraga nogo yorogwe, Eeremenggaarak kwe,

Yetaya 26:14

It aap ti, eeko nogogwaarak nogo onggo eeppiige logonet, inenggaawak lek eerogo piige, Inoba aberak logokwak inendage lek eerogo piige, Eekendak me, It muk kambeegwaarak nogo ti'nuk, ineenik ogwe, Ndi, inogoma nen ineenik a'nuk wogwe, eerugun lek o.

Yetaya 29:4

Nggween tebenogo pagaminggirak koone ari, Liirubu enggela'me nen koone mumun-kokop ari, Eerumunggun o. Aakumi inogoma nggween abu'me logonet, inoone yogo mengga kwak ari, Liirubu enggela'me logonet yagap wone yogo mengga kwak ari, Eerumunggun kwe,

Yetaya 30:2

An yo'nega'lek logonet o Metit nogwe, Aap Pirawun nen yeenggwa niraawak o, yinuk, at abu'me unggwi nogwe, O Metit paga nineebe obeelom aret logowok o, yinuk, yogwe, Eekwi kwe,

Yetaya 45:11

It inanebunu Iterali mendek eerogo piyareegerak at Kikak Nakeelik Alik Leenak inogoba Aliku ALA nen yegerak nogo yi aret. “An napuri peebi ngge eeppiige logorak nogo neegwa'me waganggwi, Peebi ti eeke logowak o, yinuk, wone lengganogo yo'nugwi, Eeriyak nduk Eeko agaarik ya?

Yetaya 47:12

Togop me, kagugi koone yorage menggendak inom, Ndi, kat keebe awo mbuuluk paga nen tili paganit wage menggendak nogo inom, eeke logot o. Eeke ti paga yeenggwa kiri wage, Aakumi inamineeri ne agan nage, Eerigin kwa?

Yetaya 47:13

Yi wone ndi wone ambik aret yokkegak mban eekwi ti paga anggon eekkabit unggwage kagarak me, It nen mbogut age menggerak liippunuk, yokkugwi, It laaluguragan pekkagak, Ndogop eeke kaamunggun o, yinuk, tut ngget penenggak eeke paga yokkugwi, Eeka nogo nen Peebi eeppagarak koonak nogo eeppagakwak, kagap ndari woraawak o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 27:9

Togop me, Ndogop age koorak, yaga nen yorogwe, tili pagangga nen yorogwe, Nabi kagarak o, yinuk, yorogwe, inobagari yaga nen yorogwe, inogoma inom wone mbangga nen yorage, eeko logonet, Aap Mbaben mendek endagembogut ayeloman a'nuk ake eeko logomunggup lek o, yinuk, yorogwe nogo inoone konenugwaarik o.

Ala Unde 19:31

Naliku inogoba Ala an aret me, aakumi kambak inogoma inom, tili pagangga inom, Wone ambi yo'niraawak o, yinuk, inowagam nogwe iinok, inawone kiliriramenggaarak paga maluk eeginabukwak me, inowagam nogo logorak mage o.

Ala Unde 20:6

Kwe ambi ogonggelo mbo punuk, aap alik wuruwak nduk, ngginoorage menggi kwak, it an mbo paninuk aakumi kambak inogoma inom, tili pagangga inom, yoraawak nduk ngginoora nogwe iinok, it aap ti pegiyoorak neebi nen nambokan piinok, inoreewi inenggela'me nen inenggaawak lek eerogo pigin o.

Mika 5:12

Inagugi ogut ogobakkigirik nogo lek eerogo pege, Inagugiwak inenggela'me wonage nogo, yigirogo pege, Eerigin me, It ineenggi paga eerak ti, ayuk wuko logonet, alut eeko logogun lek aret o.

Nappiigak 16:16

Ne ambi paga tamban eeko menggam nawok nduk nogwe me, kolaga aap inayeloman ambi kugi inikime unggwagagerak nogo, tili pagangge paga wu nuurogo ogobamini wogorage menggerak me, tu paga ninom lambumbunuk, nogwe niigak,

Pelaareegerak 18:10

Kit kinenggela'me time it ambi nen inaagalogwe-inapuri wologwe ilik, komologwe a, agugi inake waganogo kani kumbiigwi, ambi nen iniki koombunuk kugi eeka age, ambi nen magagirak inooka age, ambi nen tili pagangga age, ambi nen kuguruwo nibininaka age,

Pelaareegerak 18:11

ambi nen yogwi inooka age, ambi nen inanggena kwaakka age, ambi nen kambeegwaarak kin aruwak nduk, eeppiiga age, ambi nen kambeegwaarak inogoma inom wone mbangga age, eeko logorak mondok mage o.

1 Tetalonika 1:9

Nit kiya wogo mbareegu, wo'ninabeegutak nogo inom, kugiwak eeko nogogutak nogo mbo punuk, Ala abet aret eenik menggerak nogo mugurok nogo logobagip nduk miikkologogutak nogo inom,

2 Peterut 2:1

Maan aa'nduk it aap wone pilit pugunogo yorogo menggaarak mendek nogo nen aakumi Iterali inenggela'me unggwi wogo nogogwaarik, pilit pugunogo yorogo nogogwaarak nogo ndak-ndak, peebi it aap ti mendek nogo nen, kit maluk eerogo pinagawok nduk kinenggela'me unggwi woraagun o. Ndi, unggwi wogo logomenggaarik, aakumi ambik iniki nomoninabuwok nduk, yi wone ndi wone abe mendek lek kagak, pilit pugunogo kinikime manabit wogo logonet, “At amiya paga ninonggo mbaneegerak Aliku ninowe Yetut aret o, yinuk, yogwe nogo ti, nit nineenggo'lek o,” yinuk, agan wogo logomenggaarak paga abera'lek me, Ala nen it inenggaawak lek eerogo piyaagin o.

1 Tamuwen 28:11

Kumbuk mbangge mbareegi, kwe nogo nen, “Kat kake ta ogoma wiiri?” Ari mbareegi, Tawun nen, “Tamuwen aret neya woraawak nduk, wiiru o.”

1 Tamuwen 28:16

Yoge mbareegi, at Tamuwen nen yoge logonet, “At Aliku ALA kimbirak kawim keenok, mbo pagareegerak kagak, an nonggop nduk kin wo'nege agandik?

1 Tamuwen 28:7

Yoga'lek mbareegi, at Tawun nen awuri inom eeko menggaarak nogo yorage, “Kwe ambi aakumi inogoma wiiraga owagam ka nage neenok, at nen wone ambi yo'niruwak nduk, kwaari nanip o.” Yorage mbareegi, it nogo nen, “Kwe inogoma wiiraga ti mendek ambi o Endot wonage o,” yoreegwaarak.

1 Tamuwen 28:8

Yogo mbareegwa, at Tawun nogo aakumi yelok kookwak nduk, mbogoyum alik mendek yippunuk, oonikiya aret aap mbere inom kwe nogo ka nogogwaarak. Ka nogo nogogwaarik, at Tawun nen kwe nogo yoge, “An nen aap ambi endage ari neenok, kat kagugi nen kin eeppi woraawak nduk, wiiru o.”