Yetaya 8:11 - Ala Wone Peenok Peebi Mbanak

¹¹ At Aliku ALA nen eenggi omaawi paga pippaninuk, wone yo'nege logonet, “It aakumi inobaabut maluk lombok logonet eerit nogwe yi, kinom mugurok nookwak, wone ambi yokkiri o.

Yetaya 8:11 ပူးပေါင်းရင်းမြစ်များ

1 Endagembogut 18:46

aap Eliya nogo Aliku ALA omaawi oba age mbareegi, agabee'le nggerenggolage nagagerik, nggare agan aap Akap peebi eeppegak aa'nduk o Yiteren aret ari wagagerak.

Ndawi 32:8

Aliku ALA nen ari logonet, “An wone mamunggake, tu noorak titikkege, Wone karuk wake, nenegen wokkake, Eeke logogin o,” Yinuk, yegerak me,

Kini Wuppiige 1:15

Naput yi wae. Kinom noorak mage o. Ata, kiyok awiirak logomunggun o.

Yetaya 30:1

At Aliku ALA nen, “It napuri inogogumbuk logonet, an eeriyak mbake nogo, Eeruwok, mbaka'lek it eeriyak mbakwi nogo mban eerit nugwi, Aberiniki nappi wagagirak nogo inom a'nuk eeka'lek aakumi inom a'nuk eekwi paga maluk eekwi nogo nggwok arit wundi nage,

Yeremiya 15:19

Yoge mbaki, at Aliku ALA nen yo'negerak nogo yi aret. “Kat komaluk mbo punuk, kiyokan yungguninuk neya wage keenok, Aa'nduk eeke nagandak kwak eerogo pagage neenok, nake eerit nage logonok nduk eeppagage, Ndi, koone abe lek ugun-ugun agan nage nogo mbo punuk, wone abe mendek mban agan nage keenok, An ari neegak yoraga mendek eerogo pagage, Eerigin o. Kat nen it iya nagak eerugun o. Ata, it nen mban kat keya wagak eeko logowak o.

Yeremiya 20:7

“Kaliku ALA wae. Koone nabek togon yo'nege keegak, an nen, Oone nabek togon yo'niruwak, mbake, Ndi, kat komaawi ambik me tebenogo panege keegak, an nen, Nomaawi lek me, tebenogo paniyak op aret, mbake, Eekirak o. O kubondendok nen nok oonikiya ari nage kagak aakumi nen nagi'ndok kanggwi, Yi aap ndi aap abok aret an meek eerogo panugwi, Eeko agaarik o.

Yeremiya 20:9

Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yetikiyen 3:14

Konengge mbareegi, Aberiniki nogo nen piyanneren nage mbareegi, nage logonet, neebi lombok mbake, nanini lombok ee'nake, eeke kagak kwe, Aliku ALA eenggi omaawi lombok paga ni'neren

Nappiigak 4:20

Ninaruk konenggwi, ninigen kogwe, eekoorak wone ti, yoraga'lek puk ariyak meek ee'ninake me, yorogo logogun aret o.”