Yetaya 7:6 - Ala Wone Peenok Peebi Mbanak

⁶ Nit o Yekura mendek ninom wim eeri unggwogo logonet, iniki lek-lek eerogo piinok, o tebenggologo logomonggoorik, aap Tabeen o time endagembogut logowak nduk, mippuwok o, yinuk, yagaarak kwe,

Yetaya 7:6 ပူးပေါင်းရင်းမြစ်များ

1 Endagembogut 12:16

It aakumi Iterali abok aret nen aap endagembogut yoreegwaarak nogo, koneniyak eebi mbake kogo nogogwaarik, aap endagembogut nogo yogo logonet, “At Ndawut nen nit ambi eeppinanege, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nogwe, Ndi, kit Ndawut apuri-ombowologwe yi wae. O yogondak kinobaalombok koonggologwe, Eeko logonip o,” yinuk, it Iterali mendek iname nogogwaarak.

2 Endagembogut 11:2

Inoorikit nduk, eeke kagak, aap endagembogut Yekoram aput Akatiya awuluk kwe Yoteba nogo nen aap Akatiya aput Yowat nogo, kwe Ataliya nen inom wake kero, apuri inenggela'me nen nggiginogo Ala awi wurik me nogo yogo menggam ambime kolaga ndegengga imbirak time kumaappiyareegerak me, warulik.

2 Mbinineegwaarak 13:8

At Aliku ALA abu'me piinok wonage menggim aap Ndawut paga wiganak nen unde logowok nduk, eeppinaneegerak kagak, kat o yogondak tebenogo pinaniyak nduk koonggendak ya? Kawuri wim eeka ambik ineenggi lingginiyak meek aret wonogwe, ndi, at Yerobeyam nen kit alut eeko logorak Ala obaane'me mbuti emas paga tapi aagalogwe kinake ogobakkigirogo wokkiragagerak nogo porogo wonogwe, eekwi kwe,

2 Mbinineegwaarak 21:7

At togop aret maluk eeke nagagerak kwe, Aliku ALA nen, “Ndi mondok-mondok wuninik menggi kwak, Ndawut inom, apuri-ombowologwe inom, inendage mondok-mondok ki logowak o,” yinuk, wone abuk nggaruk togon yoreegerak me, Ndawut paga wiganak nogo pup eerogo piyoorak meek mbareegerak.

2 Mbinineegwaarak 28:5

Togop aret eeke nagagerak me, Aliku ogoba Ala nen waganogo aap Aram mendek inowe endagembogut eenggime pege mbareegi, it aap Aram mendek nen at tebembi unggwogo logonet, at Akat abu'me menggaarak apuri ambik aret keele maageren o Ndamitik nogogwaarak. Ti'nuk, it Yekura mendek nen inombomini inogoba Aliku Ala mbo pereegwaarak me, aap Iterali inowe endagembogut eenggime pege mbareegi, mondok iya negen tebenogo piya wage logonet, ne ambit paga mban o Yekura time aap Eremaliya aput Peka nogo nen aap wim eeka ineebe lambuk togon seratus dua puluh ribu inoorogo piyareegerak.

Ndawi 21:11

Inamborowak kin-kin mbaganuwak nduk, kat nen komaale mba'mbak irage keenok, Aaninggin koba pagawak nduk wone mbanogo pugwi, Kat maluk eeppagi woroorak koonogo pugwi, Eeremenggaarak kwe, Mbeyok yigin o.

Ndawi 83:3

Kapuri inom wim eeriyak wone kote koonogo pit nugwi, Kapuri kiniki kunik menggendak nogo, “Nonggop eeppiyaawok o,” yinuk, wone mbanggwi, Eeko logonet,

Kini Wuppiige 19:21

Aakumi nen yi eeriyak ndi eeriyak ambik iniki koonggo menggaarak kwe, Aliku ALA nen eeriyak mbake perak, aret age menggerak.

Yetaya 7:1

Aap Utiya ombooluk Yotam aput endage Akat nogo, o Yekura inowe endagembogut wonage kagak, aakumi o Aram mendek inowe endagembogut Eretin inom, Iterali inowe endagembogut aap Eremaliya aput Peka inom, nen o Yerutalem tebenggolaawok nduk wogo nogogwaarik, wakkogogwaarak mendek, meek aret agagerak.

Yetaya 7:5

It aap Aram mendek inom, Eparayim mendek inom, Eremaliya aput inom, nen at Akat maluk eeppuwok nduk, wone koonogo punuk, yogo logonet,

Yetaya 7:7

Naliku Nitok Minggirak an ALA nen ari logonet, O Aram alom ti, kota Ndamitik aret. Ndi, kota Ndamitik inowe unde ti, aap Eretin mban aret wonage, O Eparayim alom ti, kota Tamariya aret. Ndi, o Tamariya unde ti, aap Eremaliya aput mban aret wonage, Eekwi me, It koonggaarak nogo aret age, Eeriyak mbakaarak nogo a'me nggelok ari, Eerigin mondok lek aret o. Tahun 65 awo ari waga'lek kagak aakumi Eparayim mendek inanebunu lek aret arigin me, At kunduk, iniki noba panggonak lek kenok, at eya kondembunuk logogin mondok lek, yegerak, yori nanip o,” yinuk, yoreegerak.

Yetaya 8:6

“It aakumi yi, niyo Tiyilowa elaganggen abolok lek wage nogo mbo punuk, Aap inendagembogut Eretin inom, aap Eremaliya aput inom, inikilom mbakwi me,