Yetaya 7:3 - Ala Wone Peenok Peebi Mbanak

³ Inaganak wake kagak, at Aliku ALA nen Yetaya yoge logonet, “Kat kaput Tiyeyat-Yatiyup wonok tu Yum Kooko Menggam nogo menggam niyo yenggenak irimbaga niyo mbininik irip me time aap Akat kinom lambuni nak o.

Yetaya 7:3 ပူးပေါင်းရင်းမြစ်များ

2 Endagembogut 16:1

At Eremaliya aput Peka nogo endagembogut wonage kagak, tahun 16 eeppunuk, ambi age paga at Yotam aput Akat nogo, Yekura inowe endagembogut agagerak.

2 Endagembogut 18:17

Ndi, at aap Atiyut inowe endagembogut nogo, o Lakit nen aap ineegin warak inowe inom, aap endagembogut awi arum waka inowe inom, aap endagembogut wonok nega inowe inom, awuri ineegin warak ambik aret inom, aap endagembogut Kitikiya o Yerutalem wonage me nappiya wage mbareegi, o Yerutalem wogo nogogwaarik, tu Yum Kooko Menggam Nogo Menggam niyo yenggenak irimbaga niyo mbininik me time ari wa'nuk, logonet,

2 Endagembogut 20:20

At Kitikiya nogo endagembogut a'nuk, wone lengganogo yorage logonet eeke nagagerak inom, eeke paga endage nggwok agagerak inom, ndi, niyo narogo pereegerak inom, niyo nage logorak yugum eno pelenogo pit nagagi-nagagi o kota manabi wagagerak inom, ando abok ti, aap Yekura inoweewi inendagembogut eeko nogogwaarak liiru mbanak paga, inom mbanak wonage nogo lek a?

Nekemiya 3:16

at eeke nogo panggombunuk, aap o Mbet-Tut abeenok unde inowe aap Atubuk aput Nekemiya nen wurit nok, Ndawut kambeegerak pi unggwogogwam nakkandigin niyo narogo pereegwam inom, it aap wim wakaa'ngget inawi wonogogwam inom, kuli wurogo pi nage, eereegwaarak.

Wundeegwaarak 7:15

aap Pirawun kuubondendok niyo Nin aa'nggi paga nage menggerak me, kit ko'lu kuubondendok waanggun waalo agaarak nogo kineenggime wonok Pirawun kinom lambuniyak nduk, niyo Nin aa'nggi paga taati tokkogwe a nanu o.

Yetaya 10:21

Eegu yumbunik nogo iniyokan wogwe, At Omaawi Menggerak Ala owagam wogwe, Eerugun o.

Yetaya 22:10

O kota Yerutalem o wurik nogo apit aret ineenggi lingginogo punuk, Ando mimbunuk pak wurik mi-mi aago nogo omaawi eerogo pugwi,

Yetaya 22:11

Ndi, pak wurik agi-ogu kagak niyo oolo time nappunuk, niyo aa'nduk narak nogome nen mbininogo mambugwi, Eekwi iigirak kwe, Ti eeriyak eeginabeegerak nogo, “At nen aret yeenggwa nirage,” yinuk, an pe'neegwi, Eeppiyoorak koonogo pereegirak nogo liipppanugwi, Eeka'lek aret iigirak o.

Yetaya 36:2

Tebembunuk, at aap Atiyut inowe endagembogut nogo, o Lakit nen aap endagembogut wonok nega inowe awuri ineegin warak ambik aret inom aap endagembogut Kitikiya o Yerutalem wonage me nappiya wage mbareegi, o Yerutalem wogo nogogwaarik, tu Yum Kooko Menggam Nogo Menggam niyo yenggenak irimbaga niyo mbininik me time ari wogo mbareegwa,

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yetaya 6:13

O time aap ineebe 10 inooko logonet, ambiret teppegak eeremenggaarak nogo, Ambokan unggwogo logonet, inoorogo piinet nogo logogun kwe, Eyo win inom, eyo teno inom, muurogo pegaatak kwe, andokon wonage menggi kwak, Aakumi alik leenak yumbunik nogo paga nen inagarip wundigin o,” yinuk, yo'nege kagarak o.

Yeremiya 22:1

Aliku ALA nen ari logonet, “It Yekura mendek inowe endagembogut awi o nggwok abe wurik me nage logomenggendik, wone yoroorak nogo yi aret.

Oroma 9:27

At Yetaya nen ari logonet, “It aakumi Iterali mendek ineebe mbini niyo aa'nggi paga menggi kwak wonogwe kwe, Ineebe mbuuluk mban inagap ndarigin o. It aakumi o nggween paga yime wonogwe lek eerogo piyoorak koonogo pugu nogo, At ninogoba nen abera'lek me mondok nggwik togon aret inoorigin me,” yinuk, yereegerak nogo ti, it Iterali aret eeppiyoorak nduk yereegerak o.