Yetaya 7:23 - Ala Wone Peenok Peebi Mbanak

²³ Ne ti eyom paga eyo anggur ero seribu onggo wu mbuti perak seribu paga kuniyak yarak wonagam time iri'ngga alok-palok inom, kugeele inom, ti mban niik yigin o.

Yetaya 7:23 ပူးပေါင်းရင်းမြစ်များ

Wakkagagerak 3:18

Ndi, nggween pulunogo pigirak yi paga igale inom, iri'ngga-kale'ngga alok warak mendek inom, kat kake wundemenggerak me, kambi-mbiingga ti, iri'ngga-kale'ngga ti aret nengge logomunggun o.

Yetaya 32:10

“Eeppinanigin lek,” mba'nuk, kiniki ugun wonogwe yi, Tahun yi lek eeppunuk, ambi eeke paga kineyabu anggur yarak anggen mbanumonggotak nogo lek age, Anggen ando alik mendek mbanumonggotak nogo, ti kunduk lek age, Eerigin me, Kinaganak wako logomunggup o.

Yetaya 5:10

Ineyabu anggur awi yariyak ti, Aap ineebe 10 inawuri inom ne ambit yabu yagat worok togon waganggwi iinok, Yaremenggaarak anggen mbambunuk, aambiranogo togolowak ambiriluk aret tookkologwe, Gandum awi togolowak kole nderom me yonggolak yumbunit namenggaarak nogo Anggen mbanogo togolowak mbuura'luk yeeriken me yonggokkologwe, Eerugun,” yegerak o.

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yetaya 7:24

O time iri'ngga alok-palok inom, kugeele inom, ti mban niik yigin me nogome it aap nen ineegin-inomaale ko'nok time mban nogo logogun o.

Yeremiya 4:26

Nenegen kanet nage logonet, Aliku ALA wage, anini kani kunik negen aago wage, eeke kagak, Nggween abu mili lubunik nogo karume negen aret age, Ndi, o time kota-kota abok aret langgu-langgu wangge, Eeke kagarak o.

Yetikiyen 12:20

It aakumi time wonogo menggam o kota-kota nogo yigirogo pugwi, o ti, yi oone ndi oone lek logowak nduk, eerogo pugwi, eekwi iinok, Nalik Ku ALA an aret ineenu arugun o,” yinuk, yo'nereegerak.

Oteya 2:12

Ndi, It iniki kunik nen ee'nakwi onggo eyo yi aret wo'nireegwaarak o, Yinuk, yereegerak ageyo anggur yarak inom, ageyo wuli yarak inom, abok aret maluk eerogo punuk, Eyoongga negen eerogo piminggirak me, it ndiimbu-nggwiya nen lek eerogo nonggo logogun o.

Oteya 9:6

Kit kineebe lek eerogo pinagagwi me nen kinagap ndakko'nok mbaganumonggotak kwe, It Metit mendek nen kineebe kuwak eerogo pinagagwi, Ndi, it o Membit mendek nen kineebe kinoorogo nggween taambinagagwi, Eerugun me, Kinamendek onggo nggwok mbuti perak yumbunogo pomonggotak nogo paga iri'ngga taanogo pege, Ndi, kinawi wurik me alok yinik-kunik eerogo pege, Eerigin o.

Matiyut 21:33

Yorage nagagerik, ambinom yorage logonet, “Wone eegu laarak ambi yokkirage me, kinaruk liirogon konenggo logonip o. Aap ambi nggween unde nen anggur awi yappunuk, yagat wuke, amburu mburunogo wuraburak tenggap mendaake, ndi, tum wakak eyo tiyarogon ndoongge, eeke nagagerik, anggen mbanak nogo ando it kologwe, ando at wogogwi, eeko logowak nduk, aap at eyabu aago me arum piinok, o alik me nagagerak.

Iberani 6:8

wola inom, alok inom, mban lagangge kenok perak, Ala nen, “Nggween yi, abu maluk me, pulunogo punuk, kani kumbikit o,” yinuk, mbake menggerak.