Yetaya 7:2 - Ala Wone Peenok Peebi Mbanak

² Meek aret age mbareegi, aakumi Aram nen it Eparayim inom lambunna'nuk time inawooliya wuppatinuk wonogo mbareegwa, aakumi nen at Ndawut paga wiganak nogo yora nogogwaarak. Yora nogo mbareegwa, aap Akat apuri inom inaruk konembunuk, o wiya wake logonet, eyo wonok na-wa eeke menggi kwak, inaganak wareegerak.

Yetaya 7:2 ပူးပေါင်းရင်းမြစ်များ

2 Tamuwen 7:16

Obeelom eeppege logonet, apuri-ombowologwe ndaganabit nage, abu'me piige, eeke nogo ti, lek arigin lek mondok-mondok aret logogin me, at ndaremenggerak paga nen abu'me piige logowam mondok unde logowak nduk, eeppege logogin o, yinuk, at Aliku ALA nen yegerak, yori nanu o,” yinuk, yoreegerak.

1 Endagembogut 11:32

At Aliku ALA nen, Ti eerigin kwe, nayeloman Ndawut niniki kunik eeke, ndi, aakumi Iterali inanebunu abok aret inawi kota-kota kagak, o Yerutalem mban miirogo pake, eereegirak me, at Talomo anebunu ambit mban unde logowak nduk, teppigin o.

1 Endagembogut 12:16

It aakumi Iterali abok aret nen aap endagembogut yoreegwaarak nogo, koneniyak eebi mbake kogo nogogwaarik, aap endagembogut nogo yogo logonet, “At Ndawut nen nit ambi eeppinanege, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nogwe, Ndi, kit Ndawut apuri-ombowologwe yi wae. O yogondak kinobaalombok koonggologwe, Eeko logonip o,” yinuk, it Iterali mendek iname nogogwaarak.

1 Endagembogut 13:2

Nage nagagerik, Aliku ALA yoge kagak oone nggwok paga kani kunggak ogobakkigirik nogo, wone yoge logonet, “Kat kani kunggak yi wae. Kat kani kunggak yi wae. At Aliku ALA nen ari logonet, At Ndawut paga wiganak nen ombooluk wulaga endage Yotiya aret ndarigin o. Ndake kenok, it aap puut-puut alut eeko menggam unde wonogwe nen kat paga warogo kani kunggo menggaarak nogo, at nogo nen ineebe inoorogo kat paga kani kuninake, aakumi kambak inowak nenenak kunduk, kat paga mban kani kungge, eerigin o,” yinuk, yoreegerak.

2 Mbinineegwaarak 25:10

Yoge mbareegi, at Amatiya nen it ineegin warak o Eparayim nen at inom wim eeriyak nduk wogogwaarak nogo, iniyokan iname nappiige mbareegi, inanini agaket aap Yekura mendek inombarit inanini kani omoonuk negen eerit iname nogogwaarak.

2 Mbinineegwaarak 28:12

Yorage mbareegi, it Eparayim mendek inoweewi aap Yokanan aput Atariya inom, Metilemot aput Mberekaya inom, Talum aput Yekitikiya inom, Karalayi aput Amata inom, nen it wim eeppunuk wogwe nogo wone panggok togon yorogo logonet,

Ndawi 11:1

An nen Aliku ALA abu'me wonage me, Neebe op aret wonage neegak, Kit nen an yo'nogo logonet, “It aap maluk mendek nen Aap iniki koonak mendek inooriyak nduk, Ineegin agale wukwi, Inomaale ineegin agale paga luumbugwi, Namburogo nappuurak nduk o apit me ari unggwogwe, Eekwi ti, pegiyet o. Tiiru oolo yinik kinogo wumbugwi iinok, o miyak ari menggi kwak, eeriyak kenok, It aap iniki abe koonak mendek nogo nonggop arugun, mbaken? Meek me, towe wiganinuk puut paga ari nage menggi kwak, Kat kabuut paga time nak o,” yinuk, yo'nugwi ti, Nonggoti yo'nogo ogotik?

Kini Wuppiige 28:1

It aap maluk mendek nen aap muguren naga'lek iigak, mbaganit nogo menggaarak kwe, It aap iniki abe koonak nogo nen perak, singa agabiti mbaka'lek nege menggi kwak, nugu menggaarak.

Yetaya 11:13

Piya woraagin me, it Eparayim mendek nen, “Nit togon eeppinanuwak lak, it mban eeppiige, ao,” yinuk, Ineebi inombakwi nogo lek age, It Yekura mendek inom wim mbanak nogo lek age, Eerigin me, Eparayim nen, “It mban eeppiige, ao,” yinuk, it Yekura ineebi inombakwi, Ndi, it Yekura nen it Eparayim mendek inom ambinom ogoorak wonogwe, Eeko logogun lek o.

Yetaya 22:22

At nen Ndawut paga wiganak abu'me logowam tu kunci nogo at aret eenggime pigin me, at nen tu pake kenok, aap ambi nen nake, ndi, tu nake kenok, aap ambi nen kuuke, eeriyak meek aret o.

Yetaya 37:27

It o time menggaarak nogo ti, Yi mendek ndi mendek yabume yarak kwak, Awi yarak mili lombok mbilangge menggi kwak, Oo'ngget maarak paga iri'ngga laganggetak anggen yega'lek kagak teebat arit nage menggi kwak, Togop aret wonogwe me, inomanggen tayok ari logonet, Iniki ma'nage, inenggali ogwe, Eekaarak o.

Yetaya 37:35

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

Yetaya 6:13

O time aap ineebe 10 inooko logonet, ambiret teppegak eeremenggaarak nogo, Ambokan unggwogo logonet, inoorogo piinet nogo logogun kwe, Eyo win inom, eyo teno inom, muurogo pegaatak kwe, andokon wonage menggi kwak, Aakumi alik leenak yumbunik nogo paga nen inagarip wundigin o,” yinuk, yo'nege kagarak o.

Yetaya 7:13

Yoge mbareegi, Yetaya nen at yoge logonet, “Kit Ndawut paga wiganak yi, kinaruk liirogon konenggo logonip o. Aakumi iniki yungguppunuk, wonogwe inabut mbanggwi nogo kiname'lek kundugu kenok, nogoba Ala iniki yungguppunuk menggerak kunduk, abut mbaniyak mbako ogotik ya?

Yetaya 7:17

O Eparayim nen Yekura inom ogookkologo mbareegwa, Aliku ALA nen aaninggin inoba piyareegerak kuli nen o yogondak kuli aaninggin inoba piigulik mendek ambi kat inom, aakumi inarum menggendak inom, kogoba paga wiganak mendek inom, kinoba pinagagin o. Kinoba pinagarak nogo ti, it aap Atiyut mendek inowe endagembogut nen aaninggin kinoba kwippinagi woraawak nduk, yorigin o.

Yetaya 7:5

It aap Aram mendek inom, Eparayim mendek inom, Eremaliya aput inom, nen at Akat maluk eeppuwok nduk, wone koonogo punuk, yogo logonet,

Yetaya 8:12

It aakumi nen, Niniki ambit eeppunuk wone koonogo pogoorak o, yogwe ti, Kat nen, Abet aret iniki ambit eeppunuk wone koonogo pegaarak o, yinuk, ari, ndi, it inagabiti mbakwi nogo kat kunduk kagabiti nen kiniki ma'nage, Eeriyak ti mondok mage o.

Yetaya 9:9

It aakumi Eparayim mendek inom, it o Tamariya menggaarak inom, it aakumi abok ti, “Nit iya,” mbakwi, iniki wogoppakwi, Eeko menggaarak abok aret nogo nen inoba ariyak wone yugu nogo ineenu arugun o.

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Matiyut 2:3

Yinuk, kin waganggo mbareegwa, aap endagembogut Keroret nogo, aruk konembunuk, agabiti nen aganak nugege mbareegi, it aakumi o Yerutalem menggaarak abok aret inom inaganak wareegerak.