Yetaya 7:19 - Ala Wone Peenok Peebi Mbanak

¹⁹ Wiiremenggerak abok aret wogo logonet, o nggelok-nggobok me inom, puut-puut yugum ambe nggaganak me inom, eyo alokwi enggela'me inom, ndomba inagari'ngga mbanogo nenet nugu menggam inom, abok aret ninggirogo pi woraagun o.

Yetaya 7:19 ပူးပေါင်းရင်းမြစ်များ

2 Mbinineegwaarak 33:11

Aliku ALA nen aap Atiyut mendek inowe endagembogut awuri ineegin warak inoweewi nogo nen it Yekura tebenogo piyaawak nduk, nappiya wagagerak wogo nogogwaarik, aap Manate pippunuk, ogobak me mbuti keele yilunogo pugwi, eenggi-iyok keele mbuti tembaga ogobakkigirik paga maarogo pugwi, eeppunuk, wonok o Mbaben pi nogogwaarak.

Yetaya 2:19

At Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, It kole puut-puut yugum ambe nggaganak me unggwit nogwe, Nggween nenaarak me kumaa'nari unggwogwe, Eerugun o.

Yetaya 2:21

Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, Aakumi nen yugum ndoome unggwit nogwe, Yugum ambe nggaganak tiyarogon me lagit nogwe, Eerugun o.

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yetaya 55:13

Eyo alok mendek obaane'me eyo nggabina lagangge, Eyo nggonggoondu obaane'me eyo kilu lagangge, Eerigin o. Ti eerogo piyaagin nogo ti, Naliku ALA ineenu agak, lek ariyak lek mondok-mondok aberak logowak nduk eerogo piyaagin,” yegerak me, yokkiragi o.

Yetaya 7:24

O time iri'ngga alok-palok inom, kugeele inom, ti mban niik yigin me nogome it aap nen ineegin-inomaale ko'nok time mban nogo logogun o.

Yetaya 7:25

Ndi, o puut elan-elan time yabu eeri unggwogo nogogwam nogome perak, iri'ngga alok-palok inom, kugeele inom, ti mban niik yemenggerak kenok, yabu eeriyak ineebi nen tapi-ndomba inagari'ngga mbanogo nenet nogo logowak nduk, time piigo logogun o,” yinuk, yoreegerak.

Yeremiya 16:16

At Aliku Ala nen ari logonet, “It aap yikwe wagangga ambik woraawak nduk yonggo piyaminggirak wogo logomenggaarik, it aap ti, piginabit nogo logogun o. Ti'nuk, towe warit nega ambik woraawak nduk, yonggo piyaminggirak wogo logomenggaarik, it aap ti, puut-puut tiyarogon wonogwe, puut-puut teberogon wonogwe, yugum ambe nggaganak me wonogwe, eerak wonogwe iinok, inooko logogun o.

Mika 7:17

Waalo liirubu paga amuli yenan-menan eerit nege menggi kwak, Yi waalo ndi waalo inaanogum paga tu agan nggween paga nugu mengga kwak, It togop aret iname nen inaganak warit wundi woraanuk, inagabiti mbakak Kaliku inogoba Ala kowagam wogwe, Kat paga inaganak warit wogwe, Eerugun o.

Takariya 10:8

An abet aret wondet eerogo piyaagin o. Wondet eerogo piige logominggirik, Woraawak nduk neenggi walok yorage, kuwak eerogo piige, Eeke neenok, It aa'nduk wonogogwa kwak, ineebe ambik lombok arugun o.

Matiyut 7:16

It aap ti, eerit nogo logonet, anggen yi'nage paga kineenu arumunggup o. Kit anggur anggen nogo eyo poondo alokwi paga yugu me, waganggwi mbakop? Ndi, eyo wuli anggen nogo iri'ngga alokwi paga yugu me, mbanggwi mbakop?