Yetaya 7:18 - Ala Wone Peenok Peebi Mbanak

¹⁸ Ne ti eyom paga Aliku ALA nen nuwet-koole ari kenok, ti'neebon niyo Nin elaganggen irip-irip time wonage nogo wogwe, nggiin o nggween Atiyut paga wonage nogo wogwe, eerugun o.

Yetaya 7:18 ပူးပေါင်းရင်းမြစ်များ

Ndawi 105:31

At Aliku ALA oone ari kenok, Ti'neebon ninggi'nuk wogwe, Iname abok aret laami nggit-nggit unggwit wogwe, Eereegwaarak.

Ndawi 118:12

Nggiin aap inoba ninggirinakwi kwak, an ninggi'nakaarak kwe, Kani nen iri'ngga ne ambit wunuk togon nengge kwak, It togop aret neenogo piinet nage, Aliku ALA omaawi paga niyok konden yigirogo piige, Eekirak o.

Wundeegwaarak 8:21

Nappiiga'lek kenok, an nen ti'neebon mili at oba inom, awuri inom wone koongga inoba inom, apuri aakumi Metit mendek inoba inom, inawi wurik paga inom, nappi woraminggirak paga it aakumi Metit mendek inanggween paga inom, iname paga inom, abok aret ti'neebon mili nik yigin o.

Wundeegwaarak 8:24

Yoge mbareegi, Karun imbirak Pirawun yori nogogwaarak kwe, eewa yaga'lek mbareegi, Aliku ALA yoragagerak nogo it eeko mbareegwa, Pirawun ame o nggwok abe wurik me inom, it aap Pirawun awuri inom wone koongga iname inom, o Metit ti, ti'neebon mili nogo apit aret yagabit tobo agan wogogwaarak paga o Metit ti, etenggen maluk aret agagerak.

Yetaya 13:5

An nawuri wim eeka inawi o ndaanda nen wogwe, Nggween irip-irip me nen wogwe, Eekwi iinok, Naliku ALA nanini aakumi eeppiyoorak mbake nogo it nen eeppiyaawok nduk, kuwak eeri wogwe me, It nen aakumi o nggween paga wonogwe abok aret lek eerogo piyaagun o.

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Yetaya 5:26

Yi aakumi ndi aakumi o ndaanda wonogwe nogo woraawak nduk ndiimbu walok ari, O irip-irip wonage nogo kuum eerogo nappege, Eeke kenok, Mbet-mbet wogwe, nggare agan wogwe, eerugun o.

Yetaya 7:17

O Eparayim nen Yekura inom ogookkologo mbareegwa, Aliku ALA nen aaninggin inoba piyareegerak kuli nen o yogondak kuli aaninggin inoba piigulik mendek ambi kat inom, aakumi inarum menggendak inom, kogoba paga wiganak mendek inom, kinoba pinagagin o. Kinoba pinagarak nogo ti, it aap Atiyut mendek inowe endagembogut nen aaninggin kinoba kwippinagi woraawak nduk, yorigin o.

Takariya 10:8

An abet aret wondet eerogo piyaagin o. Wondet eerogo piige logominggirik, Woraawak nduk neenggi walok yorage, kuwak eerogo piige, Eeke neenok, It aa'nduk wonogogwa kwak, ineebe ambik lombok arugun o.

Pelaareegerak 1:44

it aakumi Amori mendek o puut nggelok-nggobok time wonogwe nogo nen nggiin negen kombogorak ninggikkiren wundi nogo logonet, tebembinagit o Teyit nen mukkiren o Koroma kuli aret pinagi nogogwaarak nogo o.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,

Pelaareegerak 7:20

Eeppiige kenok, at Aliku kinogoba Ala nen nggiin kundi ineyak andiigwi kombogonak inenggela'me nappiya woramenggerak nogo nen ineyak mbaninabit nogo logonet, it aakumi kit kiinok kole mbaganit kiraa'naremenggaarak nogo inom abok aret pup eerogo piinet nagun o.

Yotuwa 24:12

Pinagage mbareegi, kinawooluwak inom, kineegin inom, ti paga mugogo wumbiyoolik o. Ata, an nen nggiin kundi ineyak andiigwi kombogorak nappiya wagagirak inaa'nduk ineyak mbaninabit nogo logonet, aakumi ti inom, it Amori mendek inoweewi inendagembogut ineebe mbere nogo inom, mugogo wumbiyaawak nduk, eereegirak o.