Yetaya 64:4 - Ala Wone Peenok Peebi Mbanak

⁴ Kat Ala nen eeke keyaawok nduk tokkeegwi me, eeke keego mengga kwak, O aa'nduk nen nok, yogondak kuli it aakumi inogoba alik ambi togop eeke liippugwi, Oone ari inaruk konenggwi, inigen abe nen kogwe, Eeka'lek aret wonogo menggaarak o.

Yetaya 64:4 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Etara 9:7

Nit ninombomini nda'nogogwaarak kuli nen o yogondak kuli ninomaluk mondok nggwok lombok eekwi paga nit togon, ninoweewi inendagembogut togon, it aap ninogobamini kat keebe unde togon, it aakumi alik inoweewi inendagembogut ineenggime pinanege mbareegin, wooluwak paga ninookwi, keele maa'niren nogwe, eeko logonet, ninamendek ndinggologwe, ninendage miyuk-meya eerogo pinanugwi, eerit wogogwaarak nogo ndak-ndak o yogondak eeppinanugwi yi aret o.

Ndawi 130:5

Kaliku ALA nen an yeenggwa nenok nduk tokkeege, Niniki nen mbet-mbet eeppani woraawak lak, “Ao,” mbake, Koone yereegindak nogo niniki lunik wonage, Eeke agarik o.

Ndawi 31:19

Kat mondok obeelom logonet, It aap kayuk wukwi inake pipuk eerogo piige, Aakumi inigen iigak, Ineebe op logowok nduk kowagam nogwe nogo eeppiige, Eeke menggendak nogo ti, Mondok iya nggwok lombok eeppiige menggendak o.

Ndawi 62:1

Nagap ndaka ti, Ala aret me, At nen mban eeppaniyak niniki lunik logonet, Niniki ugun tayenak aret agarik o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Yetaya 59:12

Aliku ALA enggaanom paga nit wone yugu ambik taganogo pogoorak me, Ninomaluk nen, “Kit maluk eekotak o,” yinuk, yo'nirage menggerak. Ndi, wone taganogo pit wogoorak nogo abe'nage kenok, “Nit maluk abet aret eerit wogoorak kogo o,” yinuk, mbako monggoorak.

Yetaya 66:8

Ti eekerak nogo ti, ta nen aruk konengge, Ta nen togop ariyak nogo enegen kage, Eekerak mbakop? Lek aret o! Kwe ambi aagaluk ne ambit ndake menggi kwak, o ambi ne ambit aret mi'nage, Ndi, aakumi ambi mendek nen ne ambit liingge pilak yogwe, Eeriyak op mbakop? Lek aret kwe, O Tiyon perak, yagan awo wake kagak aagalogwe ndarogo piige agaarik o,” yinuk, yegerak o.

Ndaniyen 9:15

Togop me, ninogoba Ala wae. O Metit nen keenggi omaawi paga kapuri nit wo'niren wundi wagagindak o. Ndi, ti eereegindak paga kendage wigak yereegerak me, yogondak awo wigannarit nage kagak kwe, nit maluk eerit wundi wogwe, koone yugu taganogo mbo pugwi, eereegurak o.

Ndaniyen 9:5

Nit maluk aret eekwi, koone taganogo pugwi, eekoorak o. Nit abu maluk aret eekwi, Koone ari eeriyak nineebi o, yogwe, eeko logonet, wone, Yogop ee'nu ndogop ee'nu, yo'niragagindak inom, wone lengganogo yo'niragagindak inom, taganogo mbo pogoorak o.

Ndaniyen 9:8

Kaliku ninogoba ALA wae. Nit kat kendage abet aret maluk eerogo pogoorak me, nit inom, ninoweewi inendagembogut inom, ninoweewi nagawan-nagawan inom, ninogobamini inom, ninenggali mbakak nugu ogoorik o.

Oteya 7:7

Lako menggam kani wunuk mban ari menggi kwak, it ti apit togop aret aago wonogo logonet, Inoweewi inarum waka inambeme yonggorinakwi, Inoweewi inendagembogut nogo ambi warogo pegak eekwi, Eekwi iigak kwe, It ambi nen, Yeenggwa niru o, yinuk, inoone nggwok paga an yo'nega'lek aret agaarik,” yegerak o.

Takariya 10:9

An nen it ineebe waganogo yi aakumi ndi aakumi inenggela'me nappiyaminggirak kwe, O nda time wonogo logonet, an abe'nako logogun o. It inapuri inom ineebe op aret logomenggaarik, ti'nuk, iniyokan iname woraagun o.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Oroma 8:19

Togop me, Ala nen yi mendek ndi mendek wakkagagerak nogo nen aakumi yogo mengga kwak yogo logonet, “Ala apuri mbet-mbet tena'me eeppiyaawak lak, ao,” yinuk, iniki lunik logonet, tokkogwe wonogwe o.

1 Korindut 1:7

At ninowe Yetut Keritut wage kero tokkogwe kiigak, Ala nen obeelom mban eeppinanege menggerak nogo, eeppinagage logonet, ambi yoboppega'lek mondok ndak-ndak eeppinagage kage agarik o.

1 Tetalonika 1:10

ndi, Ala nen at aput Yetut kambunuk nogo menggam nen eenik agago mippege mbareegi, peebi anini nen nit maluk eeppinanege kero, ninagap ndareegerak Yetut mbogut paga nen wambi woroorak nduk, kit tokkogo monggotak nogo inom, abok aret nit yo'nirogo menggaarak.

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

Iberani 11:16

It iniki nen, “Nit ninawi abe mbogut paga kola nawok lak ao,” yinuk, miippunuk, kambit nogo mbareegwa, Ala nen it iniki mbareegwaarak nogo ndak-ndak inawi abe kota negen pipuk eerogo piyareegerak wonage me, “Ninogoba Ala o, yinuk, yo'nogo logorak op aret,” mbake menggerak.

Yakobut 5:7

Togop me, nowe-nawot o. Ti eeppinagagwi nogo koonikit nduk, ninowe woraagin me, kiniki kwippunuk logonip o. Aap ambi nen mbi awi yaketak nogo mayu kage, kibi kage, eeke kagak, kole aruwak nduk iniki kwippunuk, tokkage menggerak nogo liippinip o.

1 Yaya 4:10

Ninoreewi niniki kunik aganaburak nogo ti, ngge kokwak mbakop? Lek o. Nit nen Ala niniki kunik eerulik o. Ata, Ala ninabuwa nen iniki kunik ee'ninake nagagerik, ninomaluk lek eerogo pege logonet, ninom lambumbinanuwak nduk, at aput aret nappi wagagerak nogo kwak, nit togop aret ninoreewi niniki kunik aganako logowok o.