Yetaya 61:8 - Ala Wone Peenok Peebi Mbanak

⁸ Aliku ALA nen ari logonet, “Aakumi tebenogo piinok inamendek waganggwi, maluk mban eerit nugwi, eekwi ti, An Naliku ALA nen neebi lombok mbake, Ndi, eekaatak a'me nggelok eeppiigo logorak ti, ninikilom mbake, Eeke minggirak me, It togop eekwi ti, onggo liirogon aret eeppiige logonet, Wone mondok-mondok eeko logorak ninom koonogo pigin o.

Yetaya 61:8 ပူးပေါင်းရင်းမြစ်များ

Wakkagagerak 17:7

Yoge nagagerik, “Kat inom, kapurilogwe wigannaremenggaarak inom, kinogoba Ala an aret logogin o,” yinuk, “Kat nimbirak wone abuk nggaruk togon mbaneegurak nogo ti, kat kombowologwe ninom mbaneegurak negen aret me, lek arigin lek mondok-mondok aret logogin o.

2 Tamuwen 23:5

Ala enggaanom paga naaganapuri ninom Togop aret wonogwe nogo lek a? An mondok-mondok eeke logokit nduk Nimbirak wone li'lak koonogo punuk, Mbeyok yukwak liirogon unde wonage, Yi wone ndi wone noba age me nagap ndake, An uugwe mbarit nage nogo wo'nege, Eerigin lek mbakop?

Ndawi 105:10

Wone ti, wone lengganak kwak At Yakup nen mondok eeke logowak nduk omaawi eerogo pege, Wone koonogo pereegerak nogo, Mbeyok yigin lek mondok-mondok koonak wonage mbaruwak nduk, Iterali yorage logonet,

Ndawi 11:7

At Aliku ALA liirogon obeelom mban eeke, It a'me nggelok eekwi nogo inikilom mbake, Eeke menggerak me, It aap iniki koonak nogo nen At enete inigen kogo logogun o.

Ndawi 32:8

Aliku ALA nen ari logonet, “An wone mamunggake, tu noorak titikkege, Wone karuk wake, nenegen wokkake, Eeke logogin o,” Yinuk, yegerak me,

Ndawi 33:5

It aap abe mban eekwi, wone yugu li'lak eekwi, Eeko menggaarak nogo ti, Aliku ALA nen inikilom mbake menggerak me, At iniki kunik eeginabit nage menggerak nogo ti, O nggween paga yime abok aret Mondok ndak warak wonage o.

Ndawi 37:28

At Aliku ALA nen Aap a'me nggelok eeka nogo iniki kunik eeginake, Aap at oone liirogon eerit nugwi nogo Mbo piinok mbaganigin lek inom wonage, Eeke logogin o, Togop me, at mondok-mondok inaani aret ndegeninabit wundi wage logogin kwe, It aap maluk eeka inombowologwe kenok perak, Inenggaawak lek eerogo piige logogin o.

Ndawi 45:7

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, Iniki ale'nggen kombake logonet, Amburu kilirogo pagareegerak paga Koreewi tebenak iigak, inirimbaga tiyappagaregerak o.

Ndawi 50:5

“An ninom wone abuk nggaruk togon koonogo pereegurak mondok aberak logowok nduk, Nake warogo wo'nireegwaarak Napuri leenogo piyareegirak nogo, wogoren piya wogo logonip o,” yinuk,

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Ndawi 99:4

At endagembogut mondok tiyanak wonage, Eekaatak a'me nggelok eeppiigo logorak inikilom mbake, Ndak-ndak eeppiinet nogo logorak wone lengganogo pege, Obeelom mban eerit nugwi wone inom, Eekwi a'me nggelok eeppiigwi wone inom, It Yakup paga wiganak eeko logowak nduk, Lengganogo yorage, Eereegerak o.

Kini Wuppiige 3:6

Ala nen eeriyak kombake nogo, “Eerikit o,” yinuk, yi eekak ndi eekak eerit nage keenok, At nen eeriyak abok aret karu koonogo pagage logogin o.

Kini Wuppiige 8:20

Abe koonak mban eerit nogo menggam ti paga an nage, A'me nggelok eeko menggam tu ti paga an nage, Eeke logonet,

Yetaya 28:17

Yugum ogowa ti paga wurit laganggo logowak nduk, wone a'me nggelok eeka nogo keele wakkagak pogom agago mippege, Abe liirogon eeka nogo keele agi nen ogu wakkagak pogom eerogo pege, Eerigin me, Mayu kumulinggen wambit wage logonet, iri'ngga-kale'ngga yigirogo pit nage menggi kwak, Pilit wone yogwe paga, Nineebe op logorak ninarum wonage, mbakwi nogo lek eerogo pege, Yi wurik nen yi mendek ndi mendek wonok nage menggi kwak, Aap inambokan laganggwi paga nit kumaappinanogo wonage, yogwe nogo lek eerogo pege, Eerigin o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 5:16

At Omaawi Lombok Menggerak Aliku ALA nen eekaatak a'me nggelok eeppiyamenggerak paga endage tiyak ari, At kikak nakeelik alik leenak menggerak Ala ti, obeelom mban eerit nage paga at kikak nakeelik alik leenak menggerak nogo ineenu eeppiige, Eerigin o.

Yetaya 54:10

O puut-puut na'ndo-wa'ndo eeke, Puut-puut teberogon wonage nogo ya langgok eeke, Eeke logonet kwe, Niniki kunik eeppegak mban eeke nogo perak, lek arigin lek kundugu aret wonage, At nimbirak lambunik logorak wone koonogo pereegirak nogo, mbeyok yaga'lek mondok aret wonage, Eeke logogin o,” Yinuk, at kabuwa mbake menggerak Aliku ALA nen aret yegerak me yokkigi o.

Yetaya 55:3

At nen wone yo'nirage liippuwok o, yinuk, an neya wogwe, Ineenik logowak nduk, noone inaruk liirogon konenggwi, Eeko logowak o. An kabuwa nen obeelom mban eeppagagak eeke logogin o, yinuk, at Ndawut koonogo yoreegirak nogo ndak-ndak, Wone lek ariyak lek mondok-mondok eeko logorak wone ninom koonogo puwok o.

Yetaya 56:1

Aliku ALA nen yegerak nogo yi aret. “An nen inagap ndariyak nogo abu panggoni wage, Yoragagirak ndak-ndak obeelom eerogo piyoorak mbet-mbet kin ari wage, Eeke me, A'me nggelok eeppiinet nogwe, obeelom mban eerit nogwe, Eeko logowak o.

Yetaya 66:22

Aliku ALA nen ari logonet, “Mbogut ngget mendek eerogo pege, nggween ngget mendek eerogo pege, eerigin nogo ti, lek arigin lek mondok-mondok nenggaanom paga logogin ti kwak, kit paga wiganak mondok-mondok wonogwe, ndi, kit kinendage mondok-mondok ki aret wonage, eerak logogin,” yegerak o.

Yeremiya 32:40

Eeko logorak wone ninom mondok-mondok koonogo pigin nogo ti, an nen obeelom eeppiige nogo lek arigin lek mondok-mondok aret eeppiinet wundi wage, it an mbo paninuk nomo agan naga'lek an paga mondok-mondok inagabiti mbako logowak nduk, eeppiige,

Yeremiya 9:24

Ata, aap ambi nen wone tiyappuurak mbake kenok, wone eebe tiyappuurak nogo yi aret. O nggween paga yime aakumi inabuwa mbakwi, Eekaatak a'me nggelok eeppiigwi, obeelom mban eeppiinet nugwi, Eekwi paga ninikilom mbake minggirak Naliku ALA neebe at eenu wonage, Ndi, an eeke minggirak liippanege, Eeke logorak ti aret o,” yinuk, Aliku ALA nen aret yegerak o.

Yetikiyen 16:60

Togop kwe, at awo tawe wonage paga nimbirak wone koonogo pereegirak nogo abeke logominggirik, wone lek ariyak lek mondok logorak mendek at nimbirak koonogo pigin o.

Yetikiyen 34:25

It nandomba ti, ninom lambunik logorak wone ninom koonogo pigin o. Ndi, o karume time iniki ugun tayenak wonogwe, eyonggaame ugun nogo yit nugwi, eeko logowak nduk, an nen mba'ngge inanini warak nogo, o nggween ti paga nen inenggaawak lek eerogo piyaagin o.

Maleyaki 1:13

ndi, it nen wone ambi yogo logonet, Yi eekwi yi ti, aaninggin ambik aret o, yinuk, laakot mbako logonet, yogwe, eeko agaarik o,” yinuk, at Omaawi Lombok Menggerak Aliku ALA nen aret yegerak o. “It wam kugun wogo inom, inarowak langgonak inom, kugi warak inom, wonok an nake kani kunggwi iinok, an nen, Wa! yinuk, keyage warogo woorak op mbakwi ya? Mondok lek aret o,” yinuk, at Aliku ALA nen aret yegerak o.

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

2 Tetalonika 3:5

At Ala nen yi aakumi ndi aakumi iniki kunik aganake menggerak nogo kokwak kit ndak-ndak eeppiinet nugwi, ndi, Keritut maluk mendek oba age kagak, yanggonak wonagagerak nogo kokwak, kit togop aret yanggonak wonogwe, eeko logobagip nduk, Ala nen eeppinagage logowak lak, “Ao,” kinombako ogoorik o.