Yetaya 61:10 - Ala Wone Peenok Peebi Mbanak

¹⁰ O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Yetaya 61:10 ပူးပေါင်းရင်းမြစ်များ

Wakkagagerak 24:53

Alut eeke nagagerik, at ayeloman nen mbogoyum abe mendek inom, obaanggi-obaangge eekkolagak mbuti perak-emas paga ogobakkigirik nogo inom, abok aret kilirogo kolaga nogo wogoreegerak. Wogoge nagagerik, yi mendek ndi mendek onggo nggwok mendek kolaga oweeluk inom, agalo inom, wogoragagerak.

2 Mbinineegwaarak 6:41

Kaliku Ala wae. O yogondak yi paga aret mi'nage logomenggendik, O kat yonggonggolage logowam komaawi wonage kogo menggam kaloobut mbanak wonage me, Yime mondok-mondok logonok nduk, wambi mok o. Kaliku Ala wae. It aap kat keebe unde nogo inayum li'luk yikkologo mengga kwak, it aakumi inagap ndarak logowak nduk, li'luk eerogo piigwi, Kat nen kapuri kake leenak obeelom eeppiige paga inale'nggen nen keekok yogwe, Eeko logowak o,

Nekemiya 8:10

Yorogo nogogwaarik, at Nekemiya nen, “Kit kiname nogo logomonggotik, kiniki ale'nggen paga kinambi-kinagi abe mendek nonggo logonet, ando mogonogo it aakumi ineenggi lek kenok wogoraamunggup o. O yogondak ninogoba Aliku ALA ake punik aret me, kiniki wakkolaagup o. At Aliku ALA nen kinale'nggen eeppinagage ti paga kiniki nu'lek aret logomunggup o.”

Ayup 29:14

Obeelom eeppiinet nage nagagirak ti, nayum kwak yirikkolage, Aap inawone liirogon amburu mbangge nagagirak ti, nayum nggorek kwak, nabetagi kwak, yikkolage, Eeke nagagirak.

Ndawi 132:16

It aap an neebe unde o yime wonogwe nogo Aakumi inake eerit nugwi paga aakumi nen, “Ninagap ndarak aret kogo o,” mbaruwak nduk, Yum yippiigo mengga kwak eeppiige, O Tiyon apuri an nake leenak nogo inale'nggen nen keekok yogo logowak nduk eerogo piige,

Ndawi 132:9

It kat keebe unde nogo nen Inayum abe yirik kwak abe mendek mban eerit nogwe, It kapuri kake leenak inale'nggen nen keekok yogwe, Eeko logowak o,” Yinuk, yereegerak o.

Ndawi 28:7

Nomaawi inom, nanggeemu kwak inom, Kaliku ALA kat aret o. Niniki koba panggonak wonage neenok, Yeenggwa nege menggendak me, Niniki ale'nggen alik negen ee'nake, “Wa!” lombok yokkege, Eeke logonet, Ndawi wake agarik o.

Ndawi 35:9

Ti ogwe iinok, “Aliku ALA nen eekerak o,” yinuk, nale'nggen mbake, “At nen aret nagap ndakerak o,” mba'nuk, Niniki ale'nggen wunuk ari, Eerigin o.

Ndawi Iya 1:10

Kagandin paga abu kigirikwe lombok kobaanggi-kobaangge eerak wonage, Kenggaanok me kayiinggin-kayiinggen ngginuk aago wonage, Eerak me,

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 17:10

Kit Iterali yi, wae. Kinagap ndaka Ala mari eerogo pugwi, Kinayugum pak wurogo pereegi kwak wonagagerak nogo kinami age, Eereegutak me, Yi mendek ndi mendek abe awi kenok mban yarit nogwe, Eyo anggur awi abu abe aakumi alik iname mendek wonok yari unggwi wogwe,

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 35:10

It aap Aliku ALA nen wondet eerogo piyamenggerak nogo iname o Tiyon tu ti paga unggwi wogwe, Eeko logogun o. Unggwi wogo logonet, inale'nggen nen keekok piyanggogwe, Iniki ale'nggen mondok logorak mendek inikime nggelok ari logonet, inete yanggu aago wonogwe, Eeko logogun o. Iniki puru yogwe, iniki wakkologwe, eekwi nogo mondok lek age kagak Obaane'me inale'nggen alik negen aganake, Iniki kani moonuk negen nggelok ari, Eeke logogin o.

Yetaya 41:16

Ameneno wambit nage kenok, o wiya nen wonok nage, Wiya omaawi nabuninuk wage logonet, ameneno wonok nggarek ari, Eeke menggi kwak Togop aret eerogo piyaamunggup kwe, kit perak, Naliku ALA eeppinagage paga kinale'nggen nggwok nombakwi, An Kikak Nakeelik Nalik Leenak kinogoba nendage tiyappanugwi, Eeko logomunggup o,” yinuk, yorage kagarak o.

Yetaya 48:18

An, Yogop ee'nu ndogop ee'nu, yorage nogo liippogo logorak me eekaarak, ao! Lippogo logonetak en, niyo wage porok arilik wage mban menggi kwak iniki ugun tayenak wonogwe, Niyo laut puk aga'lek kilanogo wunabi wagak mban eeke menggi kwak, it obeelom mban eerit nogwe,

Yetaya 49:18

Kat kaagalogwe wologwe kuwak ari wogwe, kat kowagam wogwe, eekwi yi, kuut pilak yinuk, kenegen pegiyet o. Kwe aap lambumbuurak nduk, obaanggi-obaangge li'luk eerogo pogo mengga kwak, It kuwak a'nuk wonogwe nogo paga kat kiniki ale'nggen nggwok eerogo pagagun o, yinuk, An neenik minggirak Naliku ALA nen mondok abet aret yokkigi o.

Yetaya 49:4

An nen ari logonet, “An anggon-panggon ee'nake kagak eeke nogo aanom warogo aret eeke, An nomaawi lik-lek eekkolage nogo ti, ambi koloorak lek we aret eeke, Eekirak mbake kwe, Eeppaniyak nogo ti, Aliku ALA obaalombok aret wonage, Ndi, onggo wo'niriyak nogo ti, nogoba Ala nen aret koongge, Eeke menggerak,” kagak yagarak o.

Yetaya 51:11

Kaliku ALA nen aakumi wondet eerogo piyareegindak mendek nogo iniyokan wogwe, O Tiyon unggwogo logonet, ndawi warit unggwogwe, Inale'nggen mondok kogo logorak mendek nen inete i'ndok nggi agan unggwogwe, Inale'nggen nggelok ari logonet, keekok agan unggwogwe, Eerugun me, Iniki puru ari, iniki aaninggin ndugu aago wonogwe, Eeko nagaarak nogo Lek aret arigin o.

Yetaya 51:3

Naliku ALA nen it Tiyon mendek iniki eyak wappiige, Ndi, o Tiyon yigirik-noonom eerogo pereegwaarak nogo abuwa mbake, Eeke logonet, O Tiyon karume wonage nogo o Eren kwak eerogo pege, Ndi, anggween mbuk nogo Naliku ALA neyabu yarak kwak eeppege, Eeke neenok, Nale'nggen-kale'nggen yogwe, Inale'nggen nen noone-koone yogwe, Ya-wa yogwe, ndawi nili-kili tiyanggwi, Eekwi iyaagun o.

Yetaya 52:1

O Tiyon yi wae. Pilak yu o. Pilak yu o! Yum yiko mengga kwak komaawi eekkolage, O kota abe alik leenak Yerutalem yi wae. Kayum abe yirik keenok, “Wi,” kugwi nogo aret yikkolage, Eeke logot o. It aap inagabolo mbanak lek maluk inoba lenggenak wonogwe nogo nen kinikime ambinom unggwi woraagun lek aret o.

Yetaya 56:7

An nen it aap ti wogoren nabuut alik leenak nogome piya nage, Tamban eeko menggam nawi wurik me iigak, inale'nggen kaawak nduk, eeppiige, An nake kani kunggo menggam warogo wo'nugwi, nake we wo'nugwi, eekwi nogo aret wagangge, Eerigin o. Ti eerigin nogo ti, Nawi wurik ti, yi aakumi ndi aakumi inanebunu lombok tamban eeko menggam aret, yogo logowak nduk, eerigin o,” yinuk, yegerak me, yagi o.

Yetaya 58:14

Naliku ALA nen eerogo piige paga inale'nggen mbakwi iigak, Yi aakumi ndi aakumi it inanggween mbanogo wogoraagim paga wonogwe nogo abok aret inayuk wuko logowak nduk eerogo piige, Ndi, it inombo Yakup anggween yate pereegim unde wonogo logonet, anggen yugu mbanogo nenet nogo logowak nduk eerogo pege, Eerigin o,” yinuk, Aliku ALA nen yo'negerak me, yokkiragi o.

Yetaya 65:18

O Yerutalem ogobakkigirogo piminggirak paga inale'nggen mbakwi, Ndi, it time wonogwe nogo, eekwi paga inale'nggen mbakwi, Eeko logogun me, An ogobakkigirogo pigin ti paga inale'nggen nen mondok keekok yogo logowak o.

Yeremiya 2:32

Kwe tawe alilibano li'luk eekkolaga'lek mari eerogo mbo pege, Kwe tawe ogonggelo imbirak lambumbiigwi me, ayum-agali ngget mendek yikkolaga'lek teppege, Eeke menggerak mbakop? Togop eekulik aret kwe, It an napuri perak, o maan aret mari eerogo mbo paneegwaarak wonage neegak, Ne ndi kuli ari naga o, yinuk, yuurak meek aret o.

Yetikiyen 42:14

It aap Ala unde nen mage menggim eeko logowak nduk unggwi nanuk, eeko logonet inayum yiko menggaarak alik leenak nogo, nggoorogo pega'lek kagak oore'nggam endekenggwe wundi nogo logorak mage o. Ata, inayum alik yippunuk, it aakumi kuwak eeko logowam nogome pegiya wunggo logorak o,” yinuk an yo'nereegerak o.

Abakuk 3:18

An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.

Takariya 10:7

It Eparayim mendek aap wim kalu-kalu kwak ogwe, Anggur amburu nenok, inale'nggen mbakwi kwak, iniki ale'nggen mbakwi, eekwi nogo, Inapuri nen inigen iigo logomenggaarik, it kunduk, inale'nggen mbakwi, At Aliku ALA nen eerogo piigerak ti iya, yinuk, inale'nggen nen ndawi lubuk yogwe, Eeko logogun o.

Takariya 3:5

Yoge mbaki, an nen, “Yum mili lek abe kero anobak paga perenogo pinip o.” Yorage mbaki, Aliku ALA nappi wagaarak malayikat nogo taati mi'ndak wonage kagak, yum mili lek abe nogo anobak paga perenogo pugwi, eebe yum yirippugwi, eekwi iigirak o.

Lukat 15:22

Yoreegerak kwe, ogoba nen ayeloman mini yorage logonet, Yum abu kigirikwe lombok waganogo yippugwi, tenggen at eenggi paga yippugwi, sepatu yippugwi, mbet-mbet togon ee'nip o.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

Nggalatiya 3:27

Keritut kinom kumbinagage mbareegi, yiime wambeegutak me, Keritut obaabut ndak-ndak aret ogogutak o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

Wayu 21:2

Kage nagarik, kwe ambi ogonggelo kolaakit nduk, amindik-amendek li'luk eekko'nok wage menggi kwak, o kota abu alik leenak Yerutalem ngget ogobakkigirik nogo, Ala wonage me mbogut paga nen wambi wage kagarak.

Wayu 21:9

Yo'nege mbaki, malayikat ineebe 7 nogo nen aakumi andi aganaburak kugi alom 7 togolowa'na toolak porogo wonagaarak nogo, ambi nen nowagam wage nagaarik, yo'nege logonet, “Ndomba Aagaluk akwe kolegerak kolaga nogo, kenegen kaanok nduk, mok o.”

Wayu 4:4

it mbogut paga wonogwe inoweewi ineebe 24 nen inayum yanggwi negen yirikwi, mbuti emas paga nggare-nggare mendaarak inanobak paga yirikwi, eeppunuk, wone lengganogo yorage menggim oolo kagak, it wone lengganogo yorogo menggam eyo ndoonak 24 wanggerak wonage nogo paga inoweewi 24 nogo ti paga kwi'ndak wonogwe iigirak.

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.