Yetaya 60:9 - Ala Wone Peenok Peebi Mbanak

⁹ It aakumi niyo oolo ku'mbanak paga wonogwe nogo, an ari neyo mban abet aret to'neego agaarik o. An ari neenok, yi yiiro ndi yiiro Taritit mendek nen mbuti perak mbuti emas wonok wogo menggaarak me, wonok wogo logonet, At aagalogwe o nda nen inaa'nduk wogoren wogwe, At mondok tiyanak ayuk warak eerogo pereegirak me, An Kikak Nakeelik Nalik Leenak Iterali inogoba Naliku Ala nayuk wuko logonet, iri wogwe, Eeko logogun o.

Yetaya 60:9 ပူးပေါင်းရင်းမြစ်များ

Wakkagagerak 9:27

Ala nen aap Yapet o logowam tenak eerogo wogoge, At apuri inom, at Tem apuri inom, o ambit me Obeelom aret logowak nduk, eeppiige, Eeke logogin kwe, At Kanan perak, Ogobaluk Tem apuri inom inayeloman aret logowak o,” yinuk, yereegerak.

1 Endagembogut 10:1

At Talomo nen Aliku ALA endage tiyappege logonet, eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik,

1 Endagembogut 10:22

At endagembogut Talomo inom, at aap Kiram inom, yi mendek ndi mendek kunik wonok nagak-wagak eekak yuurak inayiiro ambik wonagagerak me, inayiiro nogo wonok wundi nogo nagaatik, mbuti emas inom, perak inom, gajah eyak inom, kera inom, towe yaawi inom, kunogo yiiro paga manabit nugwi iigak, tahun kenagan eeppunuk, wonok wagak eeko nogogwaarak.

1 Endagembogut 22:48

Ndi, o Erom nogome inowe endagembogut ambi logolik aret me, aap wone koongga inowe ambi nen inowe endagembogut negen a'nuk, inarum wonagagerak.

1 Endagembogut 8:41

Kat kendage abu tiyanak lombok inom, keenggi omaawi lombok paga yi eekak ndi eekak eeke menggendak nogo inom, ambi eeriyak nduk, keenggi titik eeke inom, yogwe yi aakumi ndi aakumi konenggo logogun me, kat kapuri Iterali mendek lek aap nggiru ambi awi o nda nen kat Ala kabok yogwe ti, aruk konembunuk, wage logomenggerik, kawi wurik me yime ina na'nari woraanuk, tamban eeke kenok,

Ndawi 48:7

Oonegen lagi wage menggim pa'nggwe nen O wiya wage logonet, yi yiiro ndi yiiro o Taritit wonage nogo Telenogo mappege menggi kwak, At nen togop aret eerinabeegerak o.

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Ndawi 97:1

At Aliku ALA endagembogut aret o. Endagembogut aret me, O nggween yi nen ale'nggen mbake, Niyo oolo nggween ku'mbanogo pit nagagim inale'nggen nen ndawi lubuk yogwe, Eeruwak o.

Wundeegwaarak 33:19

Yoge mbareegi, Aliku ALA nen, “An nen aakumi inabuwa nen teppiyoorak mbake kenok teppiige, ndi, obeelom eeppiyoorak mbake kenok obeelom eeppiige, eeke minggirak me, Naliku an ALA nogo nendage kunggolage logonet, obeelom eeke minggirak paga nendage mondok tiyanak, Wi, nugwi nogo kenegen keegak nage neyaamunggun kwe,

Kini Wuppiige 18:20

Mbi ndonggorogon nenok, “Abu aret nonggo o,” yogo mengga kwak, wone yorogwe paga, “Op togon yorogo o,” yinuk, yogo menggaarak. Ndi, wone yoragaatak ndak-ndak eekwi iinok, iniki tayok ari menggerak.

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 2:16

Yiiro yo'nggok o Taritit mendek inom, yiiro abu abe ogobakkigirik abok inom, niyo inikime tebenogo pege,

Yetaya 24:15

It oonegen lagi wage menggim pa'nggwe wonogwe nogo nen Aliku ALA endage tiyappugwi, It niyo laut aa'nggi paga wonogwe nogo nen Iterali inogoba Aliku Ala alut eekwi, Eeko logowak o.

Yetaya 42:10

Kit aakumi nggween irip-irip wonogwe yi, wae. Ndawi ngget mendek Aliku ALA ake wakwi, At mban alut eekwi, Eeko logonip o. Kat niyo laut kinikime wonogwe kinom yi wae. At alut eekwi, Laut iniki me kit nggween ku'mbanak inom, it kit paga wonogwe inom, at alut eekwi, Eeko logonip o.

Yetaya 42:4

O nggween paga yime wone yugu a'me nggelok eeko logowak nduk, omaawi eerogo pega'lek logonet, At iniki pi nagak ari, eeka'lek iinok iniki wakkolage, Eerigin lek o. It aakumi inawi o irip-irip nggween ku'mbanak me wonogwe nogo abok aret at oone yugu nogo iniki lunik logogun o,” yinuk, Aliku ALA nen yegerak o.

Yetaya 43:4

It an niniki kundugu abu tiyanak lombok wonogwe iige, Ndi, an niniki kunik lombok eeginake, Eeke me, It eeppiyookwak inobaane'me aakumi ambi eeppiige, Inili ari logonet, yi aakumi ndi aakumi inobaane'me eeppiige, Eerigin o.

Yetaya 43:6

Napuri wo'niru o, yinuk, o omarip paga pa'nggwe yoge, Napuri inili ari mage o, yinuk, o ame pa'nggwe yoge, Eeke logonet, Napuri wologwe o nda nen, Napuri komologwe o nggween irip-irip nen,

Yetaya 46:13

Eereegwaarak onggo ndak-ndak eeppiyaakit nduk woroorak nogo ti, nda lek koorok aret panggoni wage, Kinagap ndarikit nduk, elaambirik logogin lek mbet-mbet aret wage, Eerigin me, It o Tiyon wonogwe nogo wondet eerogo piige, Ndi, an abu tiyanak me, Wi! nugwi nogo, it Iterali ndak-ndak yoraawak nduk, eeppiige, Eerigin o,” yinuk, yegerak o.

Yetaya 49:1

Kit aakumi niyo oolo ku'mbanak paga wonogwe yi wae. Kinaruk o! Kit yi aakumi ndi aakumi o ndaanda monggotak yi wae. Kinaruk logonip o. An nda'naga'lek neegak, Aliku ALA nen an wiinege, Nagalo inikime awo wonage neegak, Aliku ALA nen nendage kungge, Eereegerak.

Yetaya 49:22

At Aliku Itok Menggerak ALA nen yegerak nogo yi o. “It aakumi endekem mendek neenggi walok yorage, Yi aakumi ndi aakumi ineenu agak ndiimbu walok eeke, Eeke neyaamunggun o. Eeke neenok, kaagalogwe wologwe lomooriren kiri wogwe, Kaagalogwe komologwe yarugiren kiri wogwe, Eerugun o.

Yetaya 51:5

An nen obeelom eerogo pinagarak koorok panggo yi wage, Kinagap ndakkinaburak muk panggoni wage, Eeke agaarik o. Eeke kenok, neenggi omaawi paga yi aakumi ndi aakumi eereegwaarak a'me nggelok eeppiige logogin me, It aakumi inawi niyo oolo ku'mbanak paga wonogwe nogo an woroorak to'neegwi, Neenggi omaawi paga eeriyak nogo iniki lunik logonet, to'neegwi, Eeko logogun o.

Yetaya 55:5

Aakumi nen, Wi! irogo logowak nduk, an Kikak Nakeelik Nalik Leenak Iterali inogoba Naliku Ala nen tiyappiyareegirak me, An napuri aakumi inanebunu it ineenggo'lek mendek wiirogwe iinok, Yi aakumi ndi aakumi ineebe ineenggo'lek kwe kagak mbe agan iya woraagun o,” yinuk, yegerak me, yokkiragi o.

Yetaya 57:17

Yi mendek ndi mendek koloorak mban uugwe mbarit nogwe paga nanini lombok inombake, Aaninggin inoba pege logonet, nanini nen nambot wogorage, Eeke neegak, Inanobak yugum kwak eeppatinuk, tu alik paga nomoninuk nogo nogogwaarak o.

Yetaya 60:4

At aagalogwe wologwe o nda nen wogwe, Aagalogwe komologwe inaagalogwe yarugu-yonggolak aago wogwe, It abok aret at owagam kuwak ari wogwe, Eekwi ti, Enggaawak pila yinuk, enegen yendok-wandok pegiyaawak o.

Yetaya 60:6

It o Miriyan nen, o Epa nen, unta awologwe apit aret wonok iri woraagun me, Anggween enete lek eerogo unta mban nugwi, Aakumi Tiyeba nen abok aret mbuti emas inom, obari abe kaga inom, wonok wogo logonet, Naliku ALA nendage tiyappit wogwe, Eeko logogun o.

Yetaya 66:12

At Aliku ALA nen yegerak yi aret o. “Niyo nggwok porok ari lek nage mban menggi kwak, eebe obeelom nu'lek logowak nduk, eeppi wage, Niyo wuketak ilin-unggut ee'nuk wage menggi kwak, aakumi inanebunu lombok inamindik-inamendek wonok iri woraawak nduk nappi wage, Eerigin me, At elak kuninake, ayum paga yonggorinake, kilirogo piinok leeninake, Eerigin o.

Yeremiya 3:17

Ne ti eyom paga o Yerutalem endage ti, Aliku ALA Wone Lengganogo Yorage Menggim o, yogo logogun me, it aakumi inanebunu lombok abok aret Naliku ALA nendage tiyappogo logowak nduk, o Yerutalem kuwak eeri wogo logogun o. Iniki maluk inogogun mbuk lombok logonet, eerit nogo nogogwaarak nogo ambinom eerit nogo logogun lek o.

Yeremiya 30:19

Ti eeke neenok, inenggela'me nen, Wa! yo'nogo logonet, ndawi wakwi inoone konenggwi, Ndi, inale'nggen nen inoone yogwe konenggwi, Eeko logogun o. It ineebe mbuuluk aga'lek ambik aret wigannaruwak nduk, eerogo piige, It meek eerogo piiga'lek inendage tiyappiigo logowak nduk, eeppiige, Eerigin o.

Yetikiyen 39:7

Nendage abu abe alik leenak nogo an napuri Iterali kaawak nduk eerigin me, it an nendage abu abe alik leenak nogo maluk eerogo pugwi iigak, an nen ambinom teppiyaagin lek, eeppiige neenok, yi aakumi ndi aakumi nen, Aliku ALA ti, it Iterali inogoba kikak nakeelik alik leenak menggerak at aret kogo o, yinuk, ineenu arugun o.

Mika 4:13

“O Tiyon aagalogwe kit yi wae. Mi'nogo logomonggotik, gandum negen ti, kiniyok paga agabolo mbelanggo logonip o. An nen tapi eyak to aago mbuti owak kwak kinomaawi eerogo pinagage, Ndi, kiniyok mbuti tembaga kwak eerogo pinagage, Eeke neenok, Kit nen yi aakumi ndi aakumi ambik lombok yigirik-noonom eerogo piigo logomunggup o,” yinuk, yokkirage kagarak o. Ndi, it aakumi yigirogo piigo logonet, inamendek kugun wamonggotak nogo, wonok, “Aliku ALA ake o,” yinuk pi wogwe, It inageerok ti, at o nggween yi abok aret unde menggerak ninogoba nogo ake leenogo pugwi, Eeko logomunggup o.

Mika 7:12

Ne ti eyom paga aakumi o Atiyut nen nok, o Metit kota-kota kuli inom, O Metit nen nok, niyo Eparat kuli inom, Niyo nggwok yenggenak laut ambime nen nok, laut ambime kuli inom, Puut ambime nen nok, puut ambime kuli inom, abok aret kat Yerutalem aret keya unggwi wogo logogun o.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

Takariya 14:14

It Yekura mendek kunduk, it Yerutalem mendek inom wim nambuko logogun o. It aakumi inaagan-inambokan wonogwe nogo abok aret inamendek mbuti emas inom, mbuti perak inom, yum inom, ineenggi lingginiyak meek mondok iya lombok kuwak eekkologo logogun o.

Yaya 17:26

Kat kabok nogo it aap yi, yorage nagarak me, kat an kiniki kunik ee'nake menggendak nogo kwak, it togop aret niniki-kiniki kunik eekwi, an it iniki me wonage, eeko logowok nduk, kat kabok ambinom paganogo yorage logogin o,” yinuk, yoreegerak.

Nappiigak 9:15

Yoreegerak kwe, ninogoba nen at Ananiyat yoge logonet, “Aap ti, it endekem konenggulik mendek inom, it inoweewi inendagembogut inom, Iterali abok aret inom, an eeke minggirak ineenu agago yorage logowak nduk nayeloman leenogo pigirak me, yori nak mban.

Nggalatiya 3:26

Kit abok Keritut Yetut abet mba'nuk, kiniki at oba panggombereegutak me, kit Ala apuri aret ogotik o.

Nggalatiya 4:26

Ndi, o Yerutalem agi mbogut paga nogo ti, at akwe abe wogo nogo kokwak me, at Tara nen wone yugu abet mbareegerak paga aagaluk ndareegerak kokwak, nit kunduk, “Yogop ee'nu, ndogop ee'nu,” yereegerak nogo eekwi paga lek o. Ata, abet mbakwi paga o Yerutalem agi mbogut paga mendek ogoorik o.

Yotuwa 9:9

Yorage mbareegi, it nen at yogo logonet, “Kit kinayeloman nit yi, ninawi mondok nda lombok nen at Aliku kinogoba Ala endage nggwok agaarak kenok wogo o. At nen o Metit paga eerit nage,