Yetaya 60:7 - Ala Wone Peenok Peebi Mbanak

⁷ Kambin-ndomba Kerat mendek abok aret wonok at wonage me kuwak eerogo pi wogwe, Naliku ALA nalut eeke logonet, nake wariyak mbakerak nogo ndomba ngguunok Nebayot mendek iri wogwe, Eeko logogun o. Eekwi iinok, warogo nake kani kunggo menggam nogo paga pege kenok, Naliku ALA nale'nggen mbake, Ndi, nawi wurik ayuk warak menggim nogo ambinom ayuk warak eerogo pege, Eerigin o.

Yetaya 60:7 ပူးပေါင်းရင်းမြစ်များ

Wakkagagerak 25:13

At Itamayen apuri ndarak ndak-ndak aret inendage yi o. Itamayen apuluk manggu ndareegerak endage Nebayot. Ti'nuk ambo'me Kerat, Areben, Mibatam,

Ayup 42:8

Nayeloman Ayup nen nabok abe pagangge menggi kwak, kit togop yuulik paga aaninggin kinoba pinagarak mbakirak kwe, lek eerogo pinagakit nduk, tapi ngguunok 7 waganggwi, ndomba ngguunok 7 waganggwi, ee'nuk, nayeloman Ayup owagam nogo logomonggotik, ti abok aret warogo kinake kani kunggwi kiinok, nayeloman Ayup nen kinake tamban eeke kenok, naruk konengge logominggirik, kit eekotak ndak-ndak eeppinagagin lek teppinagagin o,” yinuk, yoreegerak.

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Ndawi Iya 1:5

O Yerutalem aagalogwe komologwe yi wae. An ti, neebe mili aret kwe, kigirikwe aret agarik o. Aap Kerat mendek inawooliya wurik mili kwak, Aap Talomo awi yum pugagi ambe mbanak me tugunik menggi kwak, An togop aret wonage agarik o.

Yetaya 19:19

Ne ti eyom paga mban Aliku ALA ake warogo wogogak o Metit oolo muundak ogobakkigirik wonage, ndi, o Metit nggween kuli mbanak paga, “Aliku ALA ninom wonage,” ineenu agak yugum ogobakkigirogo mippugu wonage, eerak logogin o.

Yetaya 19:21

Aliku ALA nen aakumi Metit mendek at eeke menggerak ineenu aruwak nduk, nigiya wage kenok, ne ti eyom paga it nen, “Aliku ALA ti, nit ninogoba aret o,” yinuk, alut eeko logonet, ake warogo wogogwi, yi mendek ndi mendek wogogwi, “Yogop eeko logowok o,” yinuk, Aliku ALA endage paga kumbuk mbanggwi, ndi, kumbuk mbanemenggaarak nogo ndak-ndak aret eekwi, eeko logogun o.

Yetaya 21:16

Nogoba Ala nen an yo'nege logonet, “Tahun ndogop eeppunuk wondet eerogo pagagin o, yinuk, aap ambi nen ayeloman yoge kenok, ayeloman nen eenggi liirogon linggingge menggi kwak, tahun yi awo eeka'lek kagak, o Kerat endage tiyanak, Wi! ugwi nogo lek aret arigin o.

Yetaya 42:11

O karu inom, karume kota-kota wonogwe inom, inoone nggwok yogwe, Aakumi Kerat wonogo menggam o yaga'lili-yaga'lelo wonogwe nogo inale'nggen mbakwi, O kota Tela wonogwe nogo inale'nggen nen ndawi wakwi, Puut-puut kirin paga lagi nanuk, kuum-keek yogwe, Eeko logowak o.

Yetaya 56:7

An nen it aap ti wogoren nabuut alik leenak nogome piya nage, Tamban eeko menggam nawi wurik me iigak, inale'nggen kaawak nduk, eeppiige, An nake kani kunggo menggam warogo wo'nugwi, nake we wo'nugwi, eekwi nogo aret wagangge, Eerigin o. Ti eerigin nogo ti, Nawi wurik ti, yi aakumi ndi aakumi inanebunu lombok tamban eeko menggam aret, yogo logowak nduk, eerigin o,” yinuk, yegerak me, yagi o.

Yetaya 60:13

Eyo o Libanon abe kenok, Wi! ugwi nogo wonok iri wogwe, Eyo nggabina inom, kilu-kilu inom, ndiindi inom, an nawi wurik abe amini mbanogo pit nawak nduk, wonok wogwe, Eekwi iinok, Niyok punuk minggim tiyanak wonage kaawak nduk, eerogo pigin o.

Yetikiyen 20:40

An nabuut alik leenak Iterali wonogo menggam abu tiyanak time it Iterali mendek abok aret an nalut eeko logogun o. Ndi, time aret nake pi wogwe iinok, nale'nggen nen wagangge logogin o. It an nake warogo wo'nugwi inom, anggen iyaalok mbanak nake pugwi inom, nake alik leenogo punuk, wo'nugwi inom, o time aret nake pi wagak eeko logorak, yoraagin o, yinuk, Naliku Nitok Minggirak an ALA nen aret yagi o.

Yetikiyen 27:21

It Arap mendek inom, aap inoweewi nagawan-nagawan o Kerat mendek abok aret inom, nen amendek kunggolagak a'nuk, inom onggo-onggo eeko logonet, ndomba aagalogwe inom, ndomba ngguunok inom, kambin ngguunok inom, ti paga amendek kunggola wogwe,

Mika 4:1

O age yobok paga Aliku ALA awi puut paga wurik wonage nogo, Yi puut ndi puut tiyarogon wonogwe ti, tebenak kagak, puut ti mban tiyanak wonage, Puut-puut mbuulogwe teberogon wonage nogo enggela'me puut ti mban tiyak ari, Eerigin o, yinuk, koonogo pigin me, Yi aakumi ndi aakumi puut ti paga niyo nage mban menggi kwak togop aret unggwi wogo logogun o.

Tepaniya 3:10

It an nalut eeko menggaarak napuri ma'nogogwaarak niyo Kuti enebagan wonogwe nogo nen Yi mendek ndi mendek wonok an nake pi wogo logogun o.

Takariya 2:8

At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Iberani 13:10

It ooliya wuppunuk, Ala unde logonet, aakumi inake eeko menggaarak nogo nen nit Ala ake warogo wogogo monggom ndomba ninake warak yi, it na woroorak mondok lek o.