Yetaya 6:6 - Ala Wone Peenok Peebi Mbanak

⁶ Yinuk, mbake me, inetenggen kani wunuk ari negen aakumi iigulik mendek nogo ambit nen warogo wogogak ogobakkigirik paga nen kani kunik paando paga nggerembunuk, eenggime wonok wiganinuk nowagam wage nagaarik,

Yetaya 6:6 ပူးပေါင်းရင်းမြစ်များ

Wundeegwaarak 25:38

Ndi, ndi wuninik logowak nduk eeko menggaarak pegak tenggap inom, keele kani nengge kenok abo mbanggak inom, mbuti emas ti mendek paga mban ogobakkigirogo puwak o.

Yetaya 6:2

At irimbaga inetenggen kani wunuk ari negen aakumi iigulik mendek inalitak lombok ina'naabit 6 warak mban mi'ndak wonogwe iigirak. Ti iigirak nogo ti, ina'naabit mbere paga inetenggen nobakkologwe, mbere paga iniyok nobakkologwe, mbere paga wiganinuk nogwe, eekwi iigirak o.

Yeremiya 1:9

Yo'nege nagagerik, Aliku ALA nen eenggi nappi wa'nuk nambe mbaanggage logonet, “An noone yoranet nage logonok nduk, kinikime pigi o.

Yetikiyen 10:2

Kage neegak, Aliku ALA nen aap ayum abu yawenak yirik nogo yoge logonet, “It malayikat negen kerub iniyok pugume wuru iyok kwak perek-parek naga wonogwe inenggela'me time unggunuk, it kerub wonogwe me time kani anggen kere ari keenggime kabelogo wagangge logomenggendik, o kota ti paga yumbunogo wuppit nak o.” Yoge mbareegi, nenegen neegak, yogim time unggwi nage kagagirak.

Ala Unde 16:12

kaninggen ndoongga woppunuk, kaninggen Naliku ALA nenggaanom paga nake kani kunggo menggam wonage nogo yagabit eerogo ndoongge, kani kunggwi iinok, obari abe kaga nogo mendek abu obeelom wun negen yigirik ne mbere paga eenggime wagangge, ee'nuk, wonok yum tugunik kagak aken nggwe mage lombok menggim time unggwage logomenggerik,

Linggineegwaarak 16:46

Ngginna'nuk, at Muta nen Karun yoge, “At Aliku ALA anini kani wunuk agan nage menggi kwak mi'nage nagaarik, aakumi Iterali mendek andi inoba piyoorak nduk eeke me, kaga'ninggen ndoongga nogo kat nen wagangge logomenggendik, kaninggen kani kunggo menggam nen ndoombunuk, obari abe kaga obaga punuk, it Ala inom lambunuwak nduk, nggami aanggo wakwi kwak mbet-mbet eeri nak o.”

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Nappiigak 2:3

Unggwage nagagerik, kani omoonuk negen yenan-menan agan it abok inoba arit nage kogogwaarak.

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.

Iberani 1:7

ndi, ti'nuk, it malayikat eeko menggaarak nogo mbiningge logonet, “It an nayonggo nugu menggaarak malayikat nogo, o wiya pogom agago piige, Ndi, it an nayeloman mini nogo, kani omoonuk kwak eerogo piige, Eeke minggirak o,” yinuk, mbiningge, eereegerak kwe,

Iberani 13:10

It ooliya wuppunuk, Ala unde logonet, aakumi inake eeko menggaarak nogo nen nit Ala ake warogo wogogo monggom ndomba ninake warak yi, it na woroorak mondok lek o.