Yetaya 6:5 - Ala Wone Peenok Peebi Mbanak

⁵ Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yetaya 6:5 ပူးပေါင်းရင်းမြစ်များ

Wakkagagerak 32:31

Toonogo pege nagagerik, o mo aret pege mbareegi, at Yakup nogo owaganegen worok yereegerak nogo tiyo'luk agan o Peniyet nogo teppunuk nagagerak.

Ndawi 24:10

At Endagembogut abu tiyanak wonage ti ta o? Lek o. At Endagembogut abu tiyanak wonage ti, At Mondok Omaawi Menggerak Aliku ALA aret o.

Wundeegwaarak 24:10

yugum nilam mbogut mili ket yanggo aago ndik tabak ndoonak negen me, Iterali inogoba Ala iyok ti paga punuk mi'ndak wonage inigen kogogwaarak.

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Wundeegwaarak 33:20

aakumi nen netenggen neegwi iinok, kanggo menggaarak me, netenggen perak, neyaamunggun lek o.”

Wundeegwaarak 4:10

Yoge mbareegi, at Muta nen Aliku ALA yoge, “Ai nogoba! An kayeloman o maan nen yogondak wone yori noorak yo'negendak yi kuli, aakumi ninom wone mbangge logonet, noone teeluk mbanggeelik nambe aaninggin me, meek o.”

Wundeegwaarak 6:12

At Aliku ALA nen, “Aakumi Iterali apit aret o Metit nen wogoren wundi woraawak nduk, aakumi Iterali mendek inom, Pirawun inom, yora nanip o,” yinuk, Muta Karun imbirak yoragagerak nogo ti aret.

Yetaya 24:16

“At mondok abe koonak mban eeke menggerak me, ayuk wuko logowok o,” yinuk, O nggween irip yobok paga nen ndawi wako logonet, inoone nggu-nggu yogwe konenggo ogoorik o. Togop aret konenggwi kwe, an nen ari logonet, “Neebe wono eerogo panege, neebe mbuuluk eerogo panege, Eeke me, nabuwa o! It aakumi inambokan lagangga nen aakumi inambokan laganggwi, Aakumi inambokan laganggwi iinok, it aakumi inambokan lagangga nen aakumi alik inambokan laganggwi, Eeko agaarik,” yagarak o.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yetaya 33:17

Aap endagembogut obaanggi-obaangge li'luk eerak mi'ndak wonage, O nggwok lombok nenaarogo pit nagagim ambi kinigen nakkogwe, Eerumunggup o.

Yetaya 59:3

Aakumi inamiya kineenggi paga lenggenak wonage, Kineenggi irip paga maluk piga noorak mban eekkinake, Kinoone pilit mban kinambe paga wungge, Kinamili irip paga wone maluk mendek mban agan nugwi, Eeko monggotak o.

Yetaya 64:6

Nit abok aret aap ambi pekkoorak lalam ee'ninake menggi kwak wonogwe, Nit obeelom eeko monggoorak mbakwi nogo ti, kumi tut kogwe paga inayum mili agaatak kwak wonogwe, Iri'ngga teebat agaatak kwak wonogwe, Eerak aret ogoorik o. O wiya nen eyoongga wonok nggarek ari menggi kwak, ninomaluk nen wo'niren nage menggerak o.

Yeremiya 1:6

Yo'nege mbareegi, an nen at yoge logonet, “Ai! Kaliku Kitok Menggendak ALA o. An awo wulaga mbuuluk aret o. Ndi, wone yuurak kunduk kobak aret o.”

Yeremiya 51:57

It o Mbaben inoweewi inengga warak inom, inoweewi iniki warak inom, it o Mbaben unde menggaarak inom, Inawuri inom eeka inom, inawuri aap wim eeka inom, abok aret Niyo kumili aganaka wogoraminggirak nenok ineenik aga'lek mondok-mondok nogo nggaruk togon yogo logogun o,” yinuk, at endagembogut endage ti, Omaawi Lombok Menggerak Aliku ALA nen aret yegerak o.

Yetikiyen 12:2

“Aakumi nen ndarak yi wae. It an noone eeriyak ineebi mbaka inenggela'me aret menggendak o. It an noone eeriyak ineebi mbakwi me, inigen wonogwe kwe, inigen kaga'lek aret wonogwe, inaruk wonage kwe, inaruk konengga'lek aret wonogwe, eeko agaarik o.

Yetikiyen 33:31

yogo nagaatik, ineebe an napuri negen a'nuk, ambik aago wogo nagaatik, kat koone konenuwok nduk kowagam kwi'nari wogo menggaarak kwe, kat nen it yorage nogo eekulik aret menggaarak o. It inambe paga, Aakumi niniki kunik eeginako monggoorak o, yinuk, yogwe kwe, iniki perak, aakumi wiwi aganako logonet, ineenggi warak eekkoloorak nogo mendek mban mugurok nogo menggaarak.

Ndaniyen 9:20

An tamban eeke logonet, Ala yoge, nomaluk pagangge, it an mendek aakumi Iterali maluk eeko nogogwaarak nogo paganogo yoge, eeke nagagirik, at abuut abu alik leenak menggim obeelom eeruwak nduk, Aliku ninogoba Ala nggino yoreegirak o.

Abakuk 3:16

Agan wage yi abok aret naruk konengge, niniki ma'nage, Nagabiti nen nambe lele ari, Nowak ne agan nage, Naganak ndik-ndik ee'nake, Eereegerak kwe kagak, It aakumi tebenogo pinani unggwogwe nogo, aaninggin inoba kwippiyorak eyom ari woraawak nduk, An niniki aanaganggenggwi lek tokkage logogin o.

Linggineegwaarak 17:12

Eeke mbareegi, it aakumi Iterali mendek nogo nen Muta yogo logonet, “A o! Nit mondok ninenggaawak lek ogwe, kanggwi, eeriyak aret kogo o.

Owak Loongga 13:22

Eenu age nagagerik, at Manowa nen akwe yoge logonet, “Nit Ala muk ninigen kogoorak me, kambugun aret kogo o.”

Owak Loongga 6:22

Iyo'lek aret lek age mbareegi, at Nggireyon nen, “Ti Aliku ALA ayonggo aret,” yelok kage nagagerik, “Ie! Kaliku Kitok Menggendak nogoba Ala kayonggo malayikat mendek aret kagak, nimbirak ninengga pet-pet yogoorak me, nagabiti o.”