Yetaya 6:4 - Ala Wone Peenok Peebi Mbanak

⁴ It inoone nggwok togop yogwe iigak, Ala awi wurik tungga ambe peenok-peenok langgok-panggok eeke, ambe agi-ogu nuk-nuk eeke, at awi wurik nogome ka'luk yagabit eerogo pege, eeke kagarak o.

Yetaya 6:4 ပူးပေါင်းရင်းမြစ်များ

2 Mbinineegwaarak 5:13

Aap trompet oone nggwok eeka inom, aap ndawi tiyangga inom, ambugwi aret Aliku ALA alut eeko logonet, “Wa!” yogo nogogwaarak. Inoone nggwok paga Aliku ALA alut eeko logonet, “At obeelom aret o. Aakumi inabuwa nen iniki kunik aganake nogo ti, Lek ageelik mondok aret wonage menggerak o,” yinuk, yogwe iigak, oone nggwok eeka trompet nogo oone pu eekwi, togolowak tabak oone pu ndale eekwi, yi oone ndi oone eekak nogo inom oone eekwi, eeko nogogwaarak. Ti eekwi iigak, ndugwi Aliku ALA awi wurik me yagabit eerogo pi unggwagagerak.

Ndawi 18:8

At ogobak me nen ka'luk wungge, Ambeme nen kani omoonuk yenan-menan agan wungge, Eebe paga nen kani kunik kwindagala eeke, Eeke logonet,

Wundeegwaarak 40:34

Eerogo pege mbareegi, ndugwi nogo wambi wage nagagerik, Ala inom lambungge logowam awooliya wurik nogo paga apit eerogo punuk, at Aliku ALA abinak nogo Ala awooliya wurik o magame inikime nogome eya kwindagala eerogo pereegerak.

Yetikiyen 1:24

It nogwe iinok, ina'naabit oone ti, niyo taakut oone, “Wo,” wangge menggi kwak, at Omaawi Lombok Menggerak oone ari menggi kwak, ndi, aap ineegin warak ineebe apit aago wim eeriyak nogo logonet, iniyogobit oone agan nogo mengga kwak, togop aret agan nogwe iyareegirak kwe, puk ogo logonet perak, ina'naabit lingginggologwe iyareegirak o.

Yetikiyen 10:5

eeke mbareegi, at Omaawi Lombok Menggerak Ala oone ari kenok konenggo mengga kwak, it kerub ina'naabit oone ari nogo oore'nggam endekem time konenggwi iyareegirak o.

Yetikiyen 41:16

yugum paga wurit laganeegerak nogo, eyo poorak paga nabenogo pit nage, o ko ogoorak kenagan ti, yendok-wandok tu unggwit nogo logowam inom, pugagi ambe mbuuluk logoppit unggwagagerak mbanak inom, awe aagome inom, ti kunduk abok aret eyo poorak paga nabenogo pit nage, yugum paga wurit laganeegerak akem ti, pugagi ambe mbanak kagak agi inom, ambe mbanak kagak ogu inom, abok aret eyo poorak paga nabenogo pit nage,

Yetikiyen 44:4

Kage mbareegi, an wo'neren o omarip paga pa'nggwe tu unggwogo logowam unggunuk Ala awi wurik enaame pani unggwagagerak. Pani unggwage mbareegi, pekkage logonet, Aliku ALA abu tiyanak eya ambik aago nogo, Aliku ALA awi wurik me endak wa'nage kage nagagirik, nenete wanduk nggween paga ngginnagagirak.

Amot 9:1

At Ala ti, warogo wogogo menggam koorok taati mi'ndak wonage nabi paga kage neegak, at nen ari logonet, “Tunggambe aago abok aret nuk-nuk agan nawak nduk, an nawi wurik yugum owak mippugu irip me yawi mondok tela eerogo wake, Yugum owak mippugu paga o wurik panggonak wonage nogo langgunogo aakumi inanobak paga kwippi wangge, Eeru o. Eeke keenok, ando piyamenggendak ti, an nen wooluwak paga inooriminggirak me, It ambi nen kole mbaganggwi, It ambi nen inagap ndakko'nok mbaganggwi, Eerugun mondok lek aret o.

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.

Wayu 15:8

Wogorage mbaki, Ala mondok omaawi ambik me, eebe eya ndelenak-welenak eeke paga nen ka'luk wungge logonet, Ala awi wurik me mondok endak wa'nage mbaki, it malayikat ineebe 7 nogo nen andi aganaburak kugi alom 7 aakumi inoba nappiigwi nogo, worok togon nappiiga'lek iigak, aakumi nen Ala awi wurik me time ungguurak meek aret age kagarak.