Yetaya 6:12 - Ala Wone Peenok Peebi Mbanak

¹² Aliku ALA nen aakumi o time wonogwe abok aret mugogo wumbiyamenggerak me, o wogo aret wonage, Eerigin o.

Yetaya 6:12 ပူးပေါင်းရင်းမြစ်များ

2 Endagembogut 25:11

Pit nogo nogogwaarik, aap endagembogut eebe wonok nega inowe Nebutararan nogo nen it aakumi ando iigak nogogwaarak o kota time wonogwe nogo inom, it aap Mbaben inowe endagembogut inom ogogwaarak inom, ndi, it aakumi ugun nggininik iigak nogogwaarak nogo inom, wogoren nawak nduk koonogo piige,

2 Endagembogut 25:21

Piya nage mbareegi, o Kamat kota Iribala time at endagembogut nogo nen inooruwak nduk, awuri yorage mbareegi, inoorogo piyareegwaarak. It aakumi Yekura mendek inanggween paga nen keele maageren mbo piya nogogwaarak nogo ti aret o.

Yetaya 13:12

Mbuti emas at mendek mban eerak ti, mbuuluk aret wonage kwe, Aakumi ineebe ti, abu lek ambitak negen teppiige, Ndi, mbuti emas o Opit mendek ti, mbuura'luk wonage kwe, Aakumi ineebe perak, abunuk mbuura'luk mban inili eerogo piige, Eerigin o.

Yetaya 26:15

Kaliku ALA wae. It aakumi yi ineebe ambik eerogo piige, Ineebe ambik wiganogo piige, Inanggween kuli mbanak kagak ambe wiganogo pege, Eereegindak paga Kat kendage mondok tiyanak aret agaarik o.

Yetaya 5:9

An naruk konengge neegak, at Omaawi Lombok Menggerak Aliku ALA nen yegerak nogo yi aret. “O yo'nggok obeelom wurik apit aret aakumi wonaga'lek o wuum lu agan nage logogin o.

Yeremiya 12:7

Aliku ALA nen ari logonet, “An napuri aret kwe, mbo piige, Neyate kwak unde wonage nogo teppiige, An napuri niniki kunik aret kwe, it inawim ineenggime piige, Eereegirak o.

Yeremiya 15:4

Aap Kitikiya aput Manate it Yekura inowe endagembogut a'nuk logonet, o Yerutalem eeke nagagerak paga yi aap ndi aap inendagembogut inabu'me piigo menggam o nggween paga wonogwe yi abok aret, It Iterali inogole o, yinuk, yuwak nduk, eerogo piyaagin me,

Yeremiya 4:29

It aap wim eeka kuda paga wogwe inom, it aap ineegin warak inom, Ineebe apit aago wogwe inoone inaruk konenggo logomenggaarik, It yi kota ndi kota wonogwe nogo mbo punuk kole mbaganit ando eyoongga inikime unggwit nogwe, Ando puut-puut yugum paga lagit nogwe, Eerugun me, Yi kota ndi kota aakumi logogun lek o wuum lu agan nage logogin o.

Yeremiya 52:27

Piya nage mbareegi, o Kamat kota Iribila time at endagembogut nogo nen inooruwak nduk, awuri yorage mbareegi, inoorogo piyareegwaarak. It aakumi Yekura mendek inanggween paga nen keele maageren mbo piya nogogwaarak nogo ti aret o.

Leendawi 5:20

Kat nonggop nduk kobak eerogo pinanege, Nonggop nduk o maan togon mbo pinanege, Eereegindak o?

Tepaniya 1:3

“Aakumi inom, yi mendek ndi mendek ineenik nggween paga nugu menggaarak anebunu lombok inom, inenggaawak lek eerogo piige, Yi towe ndi towe oolo ya'i wiganinuk nugu menggaarak inom, yi yikwe ndi yikwe niyo nggwok yenggenak laut inikime menggaarak inom, lek eerogo piige, It aap an noone ineebi mbaka inom, aakumi o nggween paga wonogwe abok aret inom, mondok lek eerogo piige, Eerigin o,” yinuk, Aliku ALA nen aret yegerak o.

Oroma 11:15

At Ala nen Iterali mendek mbo piige nagagerik, yi aakumi ndi aakumi endekem konenggulik mendek abok aret, “Ninom lambunik logowok o,” yinuk, lambunogo piyareegerak ti, iya negen kwe, it mbo piyareegerak nogo wogonake kenok perak, abunuk mondok iya lombok eeppiyaagin mbaruwok o. Aakumi kanggaatak negen kobak agaatak me, kwaarinako nagaatik, iniki ale'nggen paga keyage ndonggorogon wogonako mengga kwak, peebi ti togop aret eerogo wogonabigin o.

Pelaareegerak 28:64

At Aliku ALA nen kit o nggween alom me nen nggween irip me yi aakumi ndi aakumi wonogwe inenggela'me time mak eerogo nappinagamenggerak time wonogo logonet, kit inom, kinombomini inom, kugi kineenggo'lek mendek ogut eyo paga a, yugum paga a, ogobakkigirogo Ala obaane'me mippogo logomonggotik, alut eeko logomunggup o.