Yetaya 6:10 - Ala Wone Peenok Peebi Mbanak

¹⁰ Ndi, it aakumi ti, inigen kogwe, inaruk konenggwi, iniki liippatinuk yunggup-melak eekwi, Eekwi iinok, An nen obeelom eeginake neyo, inogogumbuk ogwe, Inaruk logu kwak ogwe, inigen mbuk kwak ogwe, Eeruwak nduk eeppiya nage, Eeru o.”

Yetaya 6:10 ပူးပေါင်းရင်းမြစ်များ

Ndawi 119:70

Inamok me inookaatak andi lek menggi kwak, It aap ti, iniki togop aret menggaarak kwe, An perak, koone yugu Muta liiru mbaneegerak nogo An ninikilom minggirak o.

Ndawi 17:10

Inabuwa mbaka'lek it inake mban koonggo'net nugwi, Wogoppako logonet, wone agan nugwi, Eeko menggaarak.

Ndawi 69:23

Yi mendek ndi mendek kaga'lek logowak nduk, inigen ogut age, Inamborowak tibik-tibik nugu logowak nduk, Inamborowak yomok ari, Eeruwak o.

Wundeegwaarak 10:27

Yoreegerak kwe, Aliku ALA nen Pirawun iniki omaawi eerogo pereegerak me, at Pirawun nen it Iterali mendek nogo nawak nduk, teppiyoorak eebi mbake nagagerik,

Wundeegwaarak 11:10

Ndi, it Muta Karun imbirak Pirawun enggaanom paga eerubok mendek abok aret eereegwaarak kwe, Aliku ALA nen iniki omaawi agago pereegerak me, Iterali mendek at abu'me piige menggim nen wundi nawak nduk teppiyoolik ogogumbuk aret wonagagerak.

Wundeegwaarak 14:17

Titik ige keenok, niyo mogonnaremenggerak paga aakumi Iterali wunda nogwe me, it Metit mendek muguren wunda nawak nduk, iniki omaawi eerogo piyaminggirak paga muguren wunda nogwe iinok, Pirawun anggweendo inom, it nggweendo wim eeka kuda paga punuk, wonok nogwe ineebe nogo inom, an ambi eeppiige neenok, it Pirawun awuri yigin unde menggerak inom abok aret, Ala wi! yinuk, nendage tiyappugun o.

Wundeegwaarak 7:3

an nen Pirawun iniki omaawi eerogo piminggirak kagak, o Metit time ineenu agak eerubok mendek inom, eekulik tam warak mendek inom, ambik lombok eeriminggirak kwe,

Kini Wuppiige 16:30

Aap ambi nen enegen nimik ari kenok, at maluk eeriyak koongge yelok kogwe, Ndi, aap ambi nen ambe kamuk ari kenok, iniki alik ambi koombunuk ari mbakwi, Eeko menggaarak.

Wone Alom Kibingga 3:3

Inooriyak eyom wonage, obeelom eeppiyoorak eyom wonage, Minogo puurak eyom wonage, wuriyak eyom wonage,

Yetaya 19:22

Aliku ALA nen iniki koonnaruwak nduk andi inoba piige, ndi, andi eerogo piyamenggerak nogo, ti'nuk, obeelom eerogo piige, eeke mbaremenggi, inomaluk mbo punuk, Aliku ALA owagam wa'nuk, tamban eekwi iinok, at nen aruk konengge, obeelom eerogo piige, eerigin o.

Yetaya 28:13

Aliku ALA nen nappiya woramenggerak nogo yorage kagak yorogo logonet, “Inambot lagak ngginnogwe, Ngginnogo logonet, iniyok nggaruk ari, iniyok yiluk ari, iniyok yilunik wonage me piginakwi, Eeko logonet, Mamunggolaawak nduk, Yogop ee'nip, ndogop ee'nip! Yi togop eeriyak mage, ti togop eeriyak mage! Yi inom eeriyak, ti inom eeriyak,” yinuk, ndak-ndak aret yorogo logogun o.

Yetaya 29:14

Togop me, an nen iya mbariyak mendek eeppiinet mban naminggirak paga iniki lek age, It aap iniki warak nen iniki warak logonet agan nugwi nogo lek arit nage, It aap ineenu nen ineenu logonet yorogwe nogo, kobak age, Eerigin,” yegerak o.

Yetaya 29:9

At Aliku ALA nen nogo nggaruk togon yuurak eerogo pinagareegerak o. It Ala yorage kagak yoraga nogo inigen nobarogo piige, Inabinggaanggo kaga abe yogwe lek, mbaruwak nduk, inabut wurogo piige, Eereegerak me, Yi mendek ndi mendek kinigen kaga'lek kinigen mbuk eerogo pakwi, Anggur amburu noolik kwe, kumili kunggwi, Niyo omaawi mendek noolik kwe, neyak-kweyak agan nugwi, Eeko logonet, Kiniki ma'nage, “Wi!” yogwe, eekwi ti, kinombaalombok eekkologo logonip o.

Yetaya 44:18

It aap ti, ineenu ogwe, liippugwi, eekulik kobak aret wonogwe, Inigen purok lenggenak kwak me, kaga'lek wonogwe, Iniki apit kwak me, liippega'lek wonogwe, Eeko agaarik o.

Yetaya 63:17

Kaliku ALA wae. Kat nen nit eeriyak ninombake nogo mbo punuk, tu alik paga nomo agan nawok nduk eeppinanege, Kayuk wukwi niyo, ninogogumbuk eerogo pinanege, Eeke nogo ti, Nonggop nduk eerogo pinanege agandik? Nit kayeloman mini aret me, ambinom liippinanege, Kanebunu mendek keyate kwak nit aret me, aa'nduk wonogogu kwak oolome eerogo pinanege, Eekendak o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Yeremiya 5:21

It inigen wonage kwe, inigen kaga'lek wonogwe, Ndi, inaruk wonage kwe, inaruk konengga'lek wonogwe, Eekwi iniki lek wi-wa ti, Wone inaruk konenggo logorak nogo yi aret.

Yeremiya 6:10

“Wone yi taani yorage, ta mini kurumbi yorage, eeriyak mbaken? Ndi, yorage neenok, taani nen liippugun mbaken? It aakumi ti, inaruk paarak lek me inaruk koneniyak meek aret o. Kaliku ALA ari menggendak nogo inikilom mbaka'lek miyuk-meya eerogo pugwi me,

Leendawi 3:65

Iniki omaawi eerogo piinok, pulunogo piige, eeru o.

Takariya 11:15

Kalenogo pege mbareegi, Aliku ALA nen an yo'nege logonet, “Ne yogondak yi paga aret an nen aap ndomba ndegeninaka ambi an napuri o yime wonogwe nogo ndegeninake logonet, ndomba lek ogwe iinok liippiige, inaagalogwe kobak ogwe iinok kwaarinake, inawin ogwe iinok nggerembiige, ineebe obeelom logorak liirogon unde wogonake, eeka'lek ndomba amok warak kero, inoorogo nengge logonet, iniyogobit inom longgonogo punuk, nengge logorak nogo mendek mippigin me, it aap ndomba abe ndegeninakwi lek kwak a'nuk, eerit nage logot o.

Takariya 7:11

Yoragagirak kwe, wone ti, liippunuk nineebi mbakwi, inogogumbuk logonet, wone ti, inambokan mbo punuk, inaruk nakkologwe, eereegwaarak o.

Nappiigak 3:19

kinogoba Ala nen kit kinomaluk lek eerogo pinagage paga kiniki ale'nggen logonet, ugun tayenak logobagip nduk, kiniki koombunuk kinomaluk mbo pinip o.

2 Korindut 2:16

It aakumi lek eerogo piyaagin nogo nen obari nogo kogo nagaatik, “Yi ninooke menggerak mendek aret me, abet mbaruwok o,” yinuk, yuurak op aret kwe kagak, mbo punuk kambit nogo menggaarak. Ndi, it inagap ndarak nogo nen perak, obari kogo nagaatik, “Nineenik ee'ninaburak mendek yi aret kogo,” yinuk, waganggo menggaarak me, ineenik aret logogun o. Ala nen nit aakumi inenggela'me togop logorak kooneegerak kwe, nit nen eeriyak meek tit ee'ninake o, obak!

Pelaareegerak 2:30

Yogo mbareegwa, at aap endagembogut Tikon o Ketibon inarum menggerak nogo nen, Kit tu yi paga woroorak mage o, yo'niragagerak nogo o. Ti yo'niragagerak alom ti, at Aliku kinogoba Ala nogo nen at tebenogo punuk, anggween ti, kit kineenggime wokkiraakit nduk, ogogumbuk iniki omaawi eerogo pege nagagerik, anggween wokkiragagerak yogondak wonogwe yi aret o.

Pelaareegerak 29:3

it inabut mbanikit nduk wakkagak eeke logonet, ineenu agak inagabiti warak mendek inom, eerubok mendek inom, mondok iya lombok eeke nogo kinigen abe nen aret kogwe, eereegutak o.

Pelaareegerak 29:4

Kinigen kogogutak kwe, at Aliku ALA nen kit yelok kaamunggup nduk, kiniki ngget wokkirage, kinigen lik togon kaamunggup nduk, kinigen obeelom eeppinagage, liirogon konenggo logomunggup nduk, kinaruk abe eerogo pinagage, eeka'lek o yogondak yi kuli aret wonogo ogotik o.

Pelaareegerak 31:20

An nen nggween, Wokkiraagin o, yinuk, it inombomini wone abuk nggaruk togon kumbuk mbanogo yoragagim yilak amburu inom, nggiin amburu inom, niyo eneeri negen kila-kila wungge menggim nogome wogoren piya nage neenok, yi mendek ndi mendek abe mban ndonggok togon nonggo logomenggaarik, ineebe kole aremenggaarak kwe, an mbo paninuk, ninom wone abuk nggaruk togon koonogo pereegurak nogo taganogo punuk, an nalut eekwi nobaane'me kugi ayuk wuko logonet, eekwi iinok,

Pelaareegerak 32:15

Kendage Yetiyurun ti, li'lak eeka aret kwe, Keebe kole a'nuk, kiyok konden kambokan nen yigirogo pege, Ndonggok togon nenok, keebe piike logonet, Keeruwak loba eerogo pege, Eeke nagagindik, Kanebunu ambit mendek agago pagareegerak Ala nogo mbo punuk, mbagangge, Yugum nu'lek menggi kwak kagap ndaka nogo teppege, Eeppunuk,