Yetaya 6:1 - Ala Wone Peenok Peebi Mbanak

¹ Aap endagembogut Utiya kambeegerak tahun ti paga at Ala abu tiyanak, “Wi,” ugwi iigak, wone lengganogo yorage menggim kwi'ndak wonage me, ayum nggorek irip nik aago nogo at awi wurik paga ndak warak wonage, eeke kagarak o.

Yetaya 6:1 ပူးပေါင်းရင်းမြစ်များ

1 Endagembogut 22:19

Ari kagak kwe, aap Mika nogo nen, “Aliku ALA wonage me, eeke kagarak nogo yokkege me, karuk konengge logot o. At Aliku ALA agi mbogut paga taati wone lengganogo yorage menggim kwi'ndak wonage kagak, wim eeka mbogut paga mendek abok aret eenggi abeme-kwaare'me mi'ndak wonogwe iigirak o.

2 Endagembogut 15:7

At Atariya nogo, ombomini kambunuk nogogwam inom yonggonggola nage mbareegi, ombomini kambeegwaarak Ndawut Agota piya unggwogogwam nogome inom tabonogo pi unggwogogwaarak. Pi unggwogo mbareegwa, obaane'me aput Yotam endagembogut agagerak.

2 Mbinineegwaarak 18:18

Ari kagak kwe, aap Mika nogo nen, “Aliku ALA wonage me, eeke kagarak nogo yokkege me, karuk konengge logot o. At Aliku ALA agi mbogut paga taati wone lengganogo yorage menggim kwi'ndak wonage kagak, wim eeka mbogut paga mendek abok aret eenggi abeme-kwaare'me mi'ndak wonogwe iigirak o.

Ayup 42:5

O aa'nduk aakumi nen kabok yogwe mban naruk konengge nagagirak kwe, Yogondak perak, nenegen abe nen aret keegi o.

Ndawi 108:5

Togop me, Ala wae. Keebe mbogut irimbaga mondok tiyanak wonage, Ndi, kat kendage tiyanak nogo Nggween paga abok aret ndak wa'narit nage, Eeruwak o.

Ndawi 113:5

At wone lengganogo yorage menggim abu tiyanak wonage, At abu tiyanak lombok logonet, Mbogut inom, nggween inom, enegen wugiya wage, Eeke menggerak Aliku ninogoba Ala menggi kwak, Aap ta wonage mbakop?

Ndawi 46:10

Togop me, at Ala nen ari logonet, “An Ala aret kineenu arubagip nduk, Kinabulok lek puk logonip o. Yi aakumi ndi aakumi inenggela'me nendage tiyak ari, O nggween paga yime nendage nggwok age, Eerigin o,” Yinuk, yereegerak o.

Wundeegwaarak 24:9

Yorage nagagerik, Muta inom, Karun inom, Narap inom, Abiku inom, it aap Iterali yo'nggok ineebe 70 inom, it apit aret puurom paga lagi nogo nogogwaarik,

Yetaya 1:1

Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yetaya 12:4

Ne ti eyom paga kit nen it yorogo logonet, “Aliku ALA, Wa, yogwi, At endage kunogo kinoone nggwok paga yogwi, At eerit wagagerak nogo yi aakumi ndi aakumi inenggela'me yoranet nugwi, At endage tiyanak lombok menggerak nogo wiganogo pit nugwi, Eeko logonip o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Yetikiyen 1:1

Tahun 29 eeppunuk, ambi eerak tut 3 penembunuk, ambi penenak tanggal 5 tut ti paga an aakumi mbo piya nagagerak ninom niyo Kebat aa'nggi paga wonogwe me, nabinggaanggo paga mbogut tu paarak kagak Ala nonggop aago wonage nogo nenegen kagagirak.

Yetikiyen 10:1

Ti'nuk, it malayikat negen kerub inirimbaga o oolo taati wone lengganogo yorage menggim negen yugum permata laturit kwak wonage kagagirak.

Yetikiyen 10:4

Kage neegak, it kerub inirimbaga Aliku ALA abinak wonage nogo lagangge nagagerik, Ala awi wurik tu unggwogo menggam irimbaga ari nage mbareegi, at awi wurik inikime time ndugwi nogo, yagabit eerogo pege, oore'nggam nogome Aliku ALA abinak lombok pindanogo pege,

Ndaniyen 10:17

Nomaawi lek eerogo panege logonet, neebe ndeyak lombok eerogo panegerak me, nogoba an kayeloman yi, nimbirak wone nonggop togon yuurak. Meek aret o.”

Ndaniyen 7:9

Kage nagarik, ambi awo kage me, Kwi'ndak wone lengganogo yorage logorak koonogo pit nanuk, At Anggok Ageelik Itok Menggerak nogo eyo ti paga kwi'nage kagarak. Ayum ti, ndugu-ndugu negen lan ari wonage, At eeruwak ti, towe yanggwi eeruwak negen wonage, Kwi'na'nuk wone lengganogo yorage menggim ti, kani wuninik negen wonage, Ndi, kwi'ndak menggerak iyok ti, kani wunuk ari negen wonage, Eerak kagarak.

Linggineegwaarak 12:8

Wone eegu elaarogo paga yogeelik o. Ata, at nimbirak nengga kunna'nuk, wone mbangge logonet, Kin paga aret yoge minggirak o. At nen Naliku ALA neebe neege menggerak kagak, Kit nonggop nduk kinagabiti mbaka'lek nayeloman Muta nogo Abok nggarik-nggarek yogo ogotik?”

Matiyut 25:31

Yetut wone ambinom yorage logonet, “An aap aret nda'nagagirak nobanggi-nobangge li'luk eekko'nok, it malayikat abok aret ninom wage logominggirik, an wone lengganinake minggim tiyanak nogome neegak,

Yaya 1:18

Aakumi nen Ala mondok inigen kogolik aret o. At Ala aput ambolom ndarak iniki kunik lombok nogo nen perak, Ala abok paganogo yo'niragagerak.

Yaya 12:41

At Yetaya wone yoragagerak nogo ti, Keritut abu tiyanak kage nagagerik, abok mbiningge logonet, yoragagerak.

1 Timotiyut 6:16

At kanggeelik mondok-mondok eenik menggerak aret o. At wonage me time eya ambik me aakumi at owagam wok yi noorak meek o. Aakumi nen aa'nduk at eebe inigen koolik me, yogondak kunduk inigen kogwe lek mban aret. “At endage mondok tiyanak yi aakumi ndi aakumi abok at abu'me tebe yinuk, at oone mban konenggo logowak o,” yinuk, amin.

Wayu 15:8

Wogorage mbaki, Ala mondok omaawi ambik me, eebe eya ndelenak-welenak eeke paga nen ka'luk wungge logonet, Ala awi wurik me mondok endak wa'nage mbaki, it malayikat ineebe 7 nogo nen andi aganaburak kugi alom 7 aakumi inoba nappiigwi nogo, worok togon nappiiga'lek iigak, aakumi nen Ala awi wurik me time ungguurak meek aret age kagarak.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.

Wayu 4:10

it inoweewi ineebe 24 nogo nen at mondok-mondok eenik itok menggerak wone lengganogo yorage menggim eyo ndoonak paga kwi'ndak wonage nogo, abu'me tebe yinuk, alut eeko logonet, “Ninogoba Ala wa. Kat kiniki koombunuk yi mendek ndi mendek abok aret wakkaakit o, yinuk, wakkagagindak kat mban kalik nggwok aret me, Yi aakumi ndi aakumi abok kat kabu'me tebe yinuk, kendage tiyappagago logonet, kalut eeko logowak o,” yinuk, inenggare-nggare mendaarak yirik nogo, nggoorogo at abu'me pi wogwe iigirak o.

Wayu 4:2

awo aret yo'nege kagak, Aberiniki ninikime lik ari nagaarik, wo'neren pani laganggerak mban kagarak. Pani laganggerak wonage me, mbogut paga time wone lengganogo yorage menggim eyo ndoonak nogo paga, aap ambi kwi'ndak wonage kagarak.

Wayu 4:3

Wu kirin abinak pindan-pindan eeke menggi kwak, aap kwi'ndak wonage nogo etenggen ti, yugum yatipit pogom, yugum taririt pogom, eerak wonage kagarak. Ndi, at kwi'ndak menggim irimbaga liware yugum tamurut etenggen kunik negen wanggerak wonage kagak,

Wayu 4:9

at mondok-mondok eenik menggerak wone lengganogo yorage menggim kwi'ndak wonage nogo, “Wa,” yinuk, alut eekwi, endage tiyappugwi, eekwi iigak,

Wayu 5:1

Ti eekwi iige nagarik, ti'nuk, ambi kage logonet, mbuku pirik-perek aago ambi nggorek peenok-peenok liiru mbanak me, “Piiniyak lek o,” yinuk, ambi perengge keele maake, ambi perengge keele maake, eerit keele 7 paga maarak at wone lengganogo yorage menggim eyo ndoonak paga kwi'ndak wonage nogo eenggi abe'nggan porogo wonage kagarak.

Wayu 5:7

Ti'nuk, Ndomba Aagaluk nogo wage nagaarik, wone lengganogo yorage menggim eyo ndoonak paga kwi'ndak mbuku eenggi abe'nggan porogo wonage nogo wagangge kagarak.