Yetaya 59:4 - Ala Wone Peenok Peebi Mbanak

⁴ Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yetaya 59:4 ပူးပေါင်းရင်းမြစ်များ

Ayup 15:31

Yi mendek ndi mendek aanom warogo mugurok nage nogo Iniki ti paga panggonak wonage kenok, Onggo kolaagin lek ambokan laganggolaagin me, Ti paga iniki panggonak logorak mage o.

Ayup 15:35

Kumi inabila a'nuk, inaagalogwe ndaganako mengga kwak, It aakumi ti, maluk eeriyak koombunuk maluk aret eekwi, Kumi inaagalogwe logonna'nuk, kole age menggi kwak, Pilit wone mban inikime yagabit eerogo punuk agan nugwi, Eeko menggaarak o,” yinuk, yoreegerak.

Ndawi 12:3

“Nit ninoone agan nugwi mban abe o. Ninogoba nen, Ndogop yuurak mage o, yinuk, yo'niroorak ambi lek me, Yuurak mbakoorak mban agan nugu logogun o,” Yinuk, iniki wogoppatit nugwi, Inoone amburu ndik-ndik agan nugwi. Eekwi nogo Kaliku ALA nen inale'lok nggaruk togon nappiyet o.

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Ndawi 62:4

“At amunggat oba tiyanak wonage nogo Lek eerogo puwok,” mba'nuk agan nugwi, Pilit puguniyak kinikilom mbakwi, Eeko logonet, Kit kinambe paga nen Aakumi kinale'nggen inoba piinet nogo logonet kwe, Kinikime nen kugi pulunogo piinet nugwi kiigi o.

Ndawi 7:15

Aap ambi nen Aakumi inake nggween kabunogo pemenggerak kwe, Nggween kabunogo patemenggim nogome At aret yobok togon wangge menggerak.

Yetaya 10:1

It aap eeriyak koonak nogo nomonogo mbo punuk, alik eeko logowak nduk, yiluk-yiluk wone lengganogo yorogwe, Aaninggin inoba logowak nduk, wone koonogo yorogwe, Eeko menggaarak nogo, inabuwa o!

Yetaya 26:18

Kumi inabila elege ndaruwok nduk yagan wakwi ti pogom nit yagan wako nogoorak kwe, Kebubu mban wundi wagaarak o. It aakumi nggween paga yime wonogwe nogo inagap ndarogo piigwi, Aakumi o nggween paga yime logorak wiganogo piigwi, Eerulik o.

Yetaya 29:20

It aap iniki worokot wonogwe nogo inenggaawak lek ogwe, It miyuk-meya eerogo piiga nogo ineebe lek ogwe, Eerugun o. Ndi, it aap maluk eeriyak mban koombunuk eerit nugwi paga aakumi maluk eeruwak nduk, eeppiigwi, Inowak loonggo menggam nen wone abe inowak loonggwi iyo, yilunogo piigwi, It aakumi eerulik kagak pilit-pilit eekaarak-eekaarak yogwe, Eekwi nogo Inenggaawak lek eerogo piyaagin o.

Yetaya 30:12

Togop eekwi me, at Kikak Nakeelik Alik Leenak Iterali inogoba Ala nen yegerak nogo yi aret. “It o karu nggwok wonogwe nogo nen an noone yorage yi, taganogo mbo punuk, It aakumi tebenogo piigwi, wiwi eeginakwi, eekwi nogo mendek iniki inoba panggombegaarak ti, maluk aret eekaarak me,

Yetaya 30:9

It aakumi ti, an eeriyak mbake nogo eeriyak ineebi mbakwi, Napuri aret kwe, ineenu kagak, Nineenggo'lek o, yogwe, Naliku ALA nen inaruk wake nogo, Koneniyak nineebi o, yogwe, Eeko logonet,

Yetaya 33:11

Eeriyak kiniki koonggwi nogo mbeyok ari, Koombunuk eekwi nogo abe lek aanom warogo aret eekwi, Ndi, kinanini aagi ti, kani kunik kwak aret me, kinalik nen kani kinogombaga pakwi, Eerumunggup o.

Yetaya 44:20

It aap ti nen, “An neenggi amburu paga ogut eeke yi, eebe abet aret me nduk, eeke ilik, eebe lek kagak we ogut mban eeke a?” yinuk, yogwe, “Yi paga nen nagap ndarigin me, eeke ilik?” mbakwi, Eeka'lek pilit kagak neenu mbakak eekwi ti paga tu alik paga nogwe, Wun nunggulik kagak nunggwi kwak eekwi, Eeko agaarik o.

Yetaya 47:10

An maluk eerit nage yi paga ambi eeppanega'lek op aret wonage mbake, It ambi nen inigen neega'lek aret, ari, Eeke menggendak o. Niniki warak wonage, yi wone ndi wone neenu wonage, Eeke ti paga tu maluk me pagi nage kagak kwe, an kwak ambi lek an iya aret o, yinuk, ari menggendak.

Yetaya 5:18

Iri'ngga keele pugumbunuk nikkenok nogo mengga kwak, it aap pilit agan nugwi paga maluk wiganogo pit wundi nogwe, Ndi, nggweendoongga keele pugumbunuk, nikkenok nogo mengga kwak, maluk nikkenok unggwi wogwe, Eekwi ti, Mondok inabuwa o!

Yetaya 5:7

At Omaawi Lombok Menggerak Aliku ALA eyabu anggur yarak nogo ti, kit Iterali mendek aret. Ndi, kit aap Yekura mendek ti, anggur awi yarak at inikilom mbake kwak aret me, “Eekaatak a'me nggelok eeppiigwi iyaamun ilik?” yinuk, tokkiige nagagerak kwe, kit mban-mban kinamiya wun-wun yogwe, “Obeelom mban eerit nugwi iyaamun ilik?” yinuk, tokkiige nagagerak kwe, at ambi nen at ambi maluk eeppegak eerit nogo logonet, leenggu maakwi, Eekwi kiige nagaarak o.

Yetaya 59:15

Wone abet mban agan nogo logorak wone nogo lek aret agaarak me, Nit aap maluk eeriyak nineebi mbakwi nogo maluk eerogo pinanugo agaarik o. Eekaatak a'me nggelok eeppiinet naga'lek ugun-ugun eerit nogwe at Aliku ALA nen enegen iige nagagerik, eebi mbareegerak.

Yetaya 59:16

Aliku ALA nen aap ambi a'me nggelok eeke kin kaga'lek wonage, At ambi nen it yeenggwaaroorak at kaga'lek wonage, Eekwi iige nagagerik, “Iya!” mbareegerak. “Iya,” mbake nagagerik, at lombok eenggi omaawi paga inagap ndake, A'me nggelok eeppiige logonet, yeenggwaarage, Eerikit nduk, eereegerak.

Yetaya 59:3

Aakumi inamiya kineenggi paga lenggenak wonage, Kineenggi irip paga maluk piga noorak mban eekkinake, Kinoone pilit mban kinambe paga wungge, Kinamili irip paga wone maluk mendek mban agan nugwi, Eeko monggotak o.

Yetaya 64:7

Nit eekwi paga kat kenggaawak kumaappatinuk wonage, Nit maluk mban eerit nogwe paga nineebe lek eerogo patuwak nduk mbo pinanege, Eekendak me, Yeenggwa niret o, yinuk, kendage kunogo yokkugwi, Koone yo'nirage woppunuk eekwi, Eeka'lek aret ogoorik o.

Yetaya 9:15

Inanobak kwak ti, aap inoweewi inom, aap inengga warak inom, ti aret. Ndi, inakom kwak ti, Ala yorage kagak yoraga kwe, pilit pugunogo mamuninaka ti aret.

Yeremiya 48:7

Inayugum pak wurik paga, Inamendek ambik kuwak aago wonage paga, Iniki panggombugwi kwe, it togon tebenogo piigwi, Kugi Kamot kugun wonok nogo logonet, It aap kugi Kamot unde inom, ake eeka inom, wogoren mbo piya nogwe, Eerugun o.

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Yeremiya 7:4

it aakumi nen, Aliku ALA awi wurik wonage me, op aret logomunggup o. Op aret logomunggup o. Op aret logomunggup o, mban pilit pugunogo yorogwe ti, Yi abet aret yo'nirogo agaarik o, yinuk, mbarugwaarik o.

Yeremiya 7:8

it aakumi nen wone pilit aanom warogo kagak agan nugwi nogo, Abet aret yaga, mbakwi iigirak o.

Oteya 4:1

Kit Iterali yi wae. Kit aakumi o yime wonogwe yi, ambi eekotak paga Aliku ALA nen yokkirage me, kinaruk konenggo logonip o. At Aliku ALA nen ari logonet, “O time it nen an noone liippunuk eekwi, iniki kunik ee'nakwi, Ninogoba Ala at aret, nombakwi, Eeka'lek aret agaarik o.

Mika 2:1

It aakumi maluk eeriyak koonogo pugwi, It nogo yogo menggam windak logonet, “Maluk ndogop eeko logowok o,” yinuk, koonggwi, Eeppunuk, O kilim nagake kagak, inayuk warak me, eebe aret eeko menggaarak ti iya me, inabuwa o.

Nappiigak 24:9

Yoge mbareegi, it Yakuri kuwak ogogwaarak nogo nen kunduk, “At wone oba pegaarak ti, abet aret kogo o,” yinuk, yereegwaarak.

Yakobut 1:15

Ndi, kwe ambi elege inikime logombunuk, ndaketak nogo, ti'nuk, eebe kole a'nuk, kangge menggi kwak, nit niniki nen aret maluk eeriyak uugwe mba'nuk, eebe eeko nogootik, ti'nuk, nineebe aret kanggo monggoorak.