Yetaya 59:2 - Ala Wone Peenok Peebi Mbanak

² Kinogoba Ala kinom ogoorogo pinagaga ti, kinomaluk aret. Ndi, kit nen Ala yogwi nogo at aruk konenggeelik ena nomonak menggerak alom ti, kinomaluk eerit nogwe ti paga aret o.

Yetaya 59:2 ပူးပေါင်းရင်းမြစ်များ

Kini Wuppiige 15:29

Aap maluk mendek ti, Aliku ALA imbirak lambunik lek ndarogon menggerak kwe, Aap iniki abe koonak nen tamban eeke kenok perak, at aruk liirogon aret konengge menggerak.

Yetaya 1:15

It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

Yetaya 50:1

At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.

Yetaya 57:17

Yi mendek ndi mendek koloorak mban uugwe mbarit nogwe paga nanini lombok inombake, Aaninggin inoba pege logonet, nanini nen nambot wogorage, Eeke neegak, Inanobak yugum kwak eeppatinuk, tu alik paga nomoninuk nogo nogogwaarak o.

Yetaya 58:4

Inambe mage negen eeppunuk wonogwe ti eyom paga neebi-keebi yit nogo logomenggaarik, irip paga wone wakwi, Yawi pit nogwe, ineenggi kepulilin yogwe, Eeko menggaarak me, Yogondak inambe mage negen logonet eekwi yi kwak eekwi iinok, At tiyanak lombok menggim menggerak nogo nen ninoone aruk konengge agaarik o, yinuk, yugwaarik o.

Yeremiya 5:25

Ti eerogo piyoorak nogo abok aret it lombok inobaabut maluk eekwi ti paga non mbanogo pakwi, Ndi, obeelom eeppiyoorak nogo inomaluk paga lek eerogo pakwi, Eeko menggaarak o.

Leendawi 1:8

O kota Yerutalem ti, maluk lombok eerit nage nagagerak me, ogole warak aret wonage agaarik o. Aa'nduk at ayuk wuko nogogwaarak abok aret nogo nen agap mbelanak wonage inigen kenok, meek eerogo pugwi, Ndi, at kunduk, “Nonggop agi?” yinuk, enggali nen ena ambokan na'nagik wonage, Eeko agaarik o.

Yetikiyen 39:29

An Naberiniki it Iterali mendek inoba piyaagin me, eeppiige neenok, it neegwi iyo, netenggen kumaappatinuk logogin lek aret o,” yinuk, at Aliku Itok Menggerak ALA nen aret yegerak me, yagi o, yinuk, yoragagirak.

Mika 3:4

“Yeenggwa niru o,” yinuk, Aliku ALA yoriyak eyom ari woramenggerak yorumonggotak kwe, at nen kinoone konengge, Maluk eeko monggotak me, ne ti eyom paga kit tamban eekwi nogo, at etenggen kumaappatinuk wonage, Eeke logogin o.

Yotuwa 7:11

Aakumi Iterali ti, an ninom wone abuk nggaruk togon koonogo punuk, eeko logowak nduk, yoragagirak nogo liirogon konenulik taganogo mbo punuk, maluk eekaarak o. Nambokan laganggo logonet, an lombok namendek kumaako nagaarik, inamendek enggela'me kumaappatinuk, wonogwe ti o.

1 Tamuwen 4:3

Inooko mbareegwa, it Iterali inawuri ineegin warak nogo iniyokan inawooliya wurik me wogo nogogwaarik, aap Iterali inoweewi it mban-mban yogo logonet, “It aap Pilitin mendek nen ninooruwak nduk, at Aliku ALA nen nonggop nduk teppinanegerak mbakop? Aliku ALA ninom logonet, ninawim ineenggime nen ndinninake logowak nduk, Aliku ALA aloobut mbanak wone yugu yonggolak o Tilo wonage nogo wa nawok o.”