Yetaya 57:9 - Ala Wone Peenok Peebi Mbanak

⁹ It nen amburu obari abe mendek wonok kugi Molok alut eerit nogwe, Obari abe eeka mendek inagabolo paga eekwi, It aap o nda time inagugi ninom eeruwok o, yinuk, yonggo nappugwi, Aakumi kambunuk nogo menggam lombok kwaarit wambi nogwe, Eeko menggaarak o.

Yetaya 57:9 ပူးပေါင်းရင်းမြစ်များ

Kini Wuppiige 7:17

Winnaruwam obari abe aruwak nduk, eyo yibinggami inom, eyo ni inom, nggo'nggop inom, yigirogo pit nage, Eekirak o.

Yetaya 2:9

Togop me, aakumi nen it tebenogo piigwi, inendage maluk eerogo piigwi, eerugun kwe, Inomaluk lek eerogo piinok, inagap ndariyak ti, mage o.

Yetikiyen 16:33

It aap nen kumi ya wurinakak ti, onggo wogoraanuk eeginako menggaarak kwe, at ti perak, Ee'nabuwak o, yinuk, it aap yi o ndi o wonogwe nen eeri wagak yuwak nduk, onggo wogorage menggerak o.

Yetikiyen 23:16

mbet-mbet aret it paga iniki nengge nagagerik, wone eerogo o Mbaben paga nappiyareegerak

Yetikiyen 23:40

Ndi, ambi eereegwaarak nogo yi aret. Aap o nda wonogwe nogo woraawak nduk, yonggo nappiyareegwaarak wogwe iigak, it inale'nggen nen oweeluk awuluk imbirak ngguu'mo abu mbuk-mbak wappunuk, amburu inigen ambeeri paga mbenanogo pugwi, inobaanggi-inobaangge li'luk eerogo yirikkologwe, eeppunuk,

Ndaniyen 11:36

At aap endagembogut ti nen eeriyak iniki mbake nogo mban eerit nage logonet, iniki wogoppake, Kugi abok tebenak iigak, an abu iya, mban mbake, it aakumi nen alut eeko menggaarak abok aret inogoba Ala meek mbake logonet, oone ari kogolik mendek ari, eerigin o. At Ala eeriyak koonogo pereegerak nogo a'me nggelok yi nagin me, Ala anini eeppiinet nage logorak eyom awo age yubuni naga'lek kagak, aap ti, oone ugun-ugun agan nage logowak nduk teppigin o.

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Oteya 7:11

It Metit mendek nen yeenggwa nira woraawak o, yinuk, yora nogwe, Ti'nuk, it Atiyut mendek nen yeenggwa nira woraawak o, yinuk, inowagam nogwe, Eekwi me, It Iterali ti, towe puume iniki lek we negen wi-wi eeppuurak kwak wonogo agaarik o.

Kolote 2:18

It aakumi nggween paga mendek mban iniki koonit nogo menggaarak nogo nen, it aap iya lek kagak iniki wogoppako logonet, “Nabinggaanggo paga wone yo'nege menggerak me, an iya o,” yinuk, inabi kagaatak mbinuk-mbenak agan wogo logonet, inoone omaawi paga, “Malayikat inalut eeko logonip o,” yinuk, yokkirogwe, ndi, iniki tebenak nege mbaruwak nduk, inagabiti nggo-nggo nugwi, eerit nogwe nogo, kit liippugwi kiinok, Ala nen wokkiroorak kiniki ale'nggen mbakwi nogo, lek eerogo pakwi kiyo, inoone konenggo logogup o.