Yetaya 57:5 - Ala Wone Peenok Peebi Mbanak

⁵ Eyo ndiindi alome inagugi eeko logonet, iniki aganggen eeginabuwak nduk eekwi, Eyo win wiganak alome inagugi ayuk wuko logonet, iniki nengge kenok, kumi ugun-ugun eeginabit nogwe, Eegwa'me inom, yugum ambe nggaganak me inom, inagugi inake inapuri inoorogo wogorogwe, Eeko agaarik.

Yetaya 57:5 ပူးပေါင်းရင်းမြစ်များ

1 Endagembogut 14:23

Eerit nogo logonet, puut-puut paga inagugi eeko menggam ogobakkigikwi, yugum paga inagugiwak ogobakkigirogo pugwi, puut-puut paga inom, eyo wiganak alome inom, abok aret kugigwe Atiyera eyo arelen yinogo mippit nogwe,

2 Endagembogut 17:10

puut-puut tiyarogon paga inom, yi eyo ndi eyo wiganak alome inom, yugum paga inagugiwak ogobakkigirogo tiyappugwi, kugigwe Atiyera ageyo arelen yinogo pit nogwe,

2 Endagembogut 17:7

Ti inoba agagerak nogo ti, it Iterali o Metit aap Pirawun abu'me tebembiirogo wonage me, at wogoren wundi wagagerak Aliku inogoba Ala maluk eeppogo logonet, obaane'me kugi eerit nugwi,

2 Endagembogut 23:10

Ti eeke nagagerik, aakumi nen inapuri wologwe ilik, komologwe a, kugi Molok ake ineenik ngge-ngge kani kuninakwi iyo, ake warogo wogogo menggam Topet kobappaga Mben-Kinom wonagagerak nogo, “Ogole o,” yogo logowak nduk, maluk eerogo pege,

2 Mbinineegwaarak 28:3

Iterali ambokan iigak, at Aliku ALA nen aa'nduk a'nuk yi aakumi ndi aakumi mugogo wumbiyareegerak nen ogole warak mendek eeko nogogwaarak nogo mugurok nage logonet, it inayuk wukwi inake warogo kani kungge, at apuri lombok ineenik ngge-ngge kani kuninake,

Wundeegwaarak 32:6

Nggomooke mbareegi, ko'lu kuubondendok it aakumi Iterali mendek nogo Ala kwak ogut eerak nogo ake inaanggumi warogo kani kunggwi, eegu nggami aanggo wakwi kwak wariyak nduk warogo lakwi, eeko logonet, yi inom, mbi inom, nenok, mi'na'nuk kwirabik-kwirabok yogo logonet, kumi-aap inom ugun-ugun eeko nogogwaarak.

Yetaya 1:29

At Aliku ALA nen ari logonet, “At Yerutalem ti, Eyo teno ero aakumi ayuk wuko logorak inikilom mbaremenggerak nogo paga enggali age, Ndi, yabu wogo kugi ake nggomoorogo pemenggerak nogo paga endage maluk age, Eerigin o.

Yeremiya 17:2

Kugi ake warogo kani kunggo menggam inom, kugigwe Atiyera ageyo arelen yinik inom, o puut-puut teberogon wonage, Eyo eno'mbak wiganak alome wonage, Eeke nogo It inapuri kunduk ti mban aberit nugu menggaarak.

Yeremiya 2:20

Aliku ALA nen ari logonet, “Yum aaninggin nen nggoorok togon eerogo mbo pogo mengga kwak O maan togon, At oone yugu aaninggin me, ambinom eeriyak nineebi o, yinuk, mbo pugwi, Keele maarak mbanogo mbo pogo mengga kwak, Wone yugu paga keele maarak negen wonogwe yi, mbanogo mbo puwi o, yinuk, mbo pugwi, Aliku ALA mban mugurok nogo logogun lek o, yogwe, Eeko nogogwaarik, Yi puut ndi puut tiyanak wonage me inom, yi eyo ndi eyo eno'mbak wiganak abu'me inom, Kumi mbabilu nen, Ee'ninabuwak o, yinuk, winnarit nogo mengga kwak it togop aret eerit wogo nogogwaarak o.

Yeremiya 3:13

Aliku ninogoba Ala eeriyak yo'nirage ti, nineebi o, yinuk, yogwe, It inambik inagugi eeko menggam eyo eno'mbak nggwok wiganak abu'me time inom iniki kunik eeginabit nogwe, Noone yorage nogo eeka'lek mbo pugwi, Eekwi ti, Maluk abet aret eeko ogoorik o, yinuk, ti mban yo'nugwi iinok, inabuwa nen teppiyaagin, yegerak o, yinuk, wone eerogo nappumunggun o,” yinuk, yo'negerak o.

Yeremiya 3:6

At Yotiya aakumi inowe endagembogut a'nuk wonage kagak, at Aliku ALA nen an yo'nege logonet, “Kwe ogonggelo mbo punuk, ugun eeke menggi kwak, it Iterali eerit nugwi nogo kenegen iigendak ilik, lek a? Puut-puut abok aret inom, yi eyo ndi eyo eno'mbak wiganak abu'me inom, ari nanuk aap inom ugun-ugun eerit nugu mengga kwak, eerit nogo agaarik o.

Yeremiya 32:35

It inapurilogwe wologwe inom, komologwe inom, kugi Molok ake inoorogo kani kunggo logowok nduk, inagugi Mba'an ake warogo wogogo logowam o Mben-Kinom Kobappaga time tiyarogon ogobakkigirogo pugwi, eereegwaarak. It ti eeruwak nduk, an nen wone lengganogo yorage, It ogole warak ti mendek eekwi iinok, aakumi Yekura maluk eerugun kagi, yinuk, mbake, mondok eerulik o,” yinuk, yo'nereegerak.

Yeremiya 50:38

O Mbaben ti, kugi ogut aago ambik wonage, inayuk nen inamineeri ne agan nage logonet, kumili kunggwi, eekwi me, Wooluwak nen aniyo nage nogo porok yuwak nduk, eerogo pege, Eeruwak o.

Yeremiya 51:7

O Mbaben nogo ti, niyoowak emas paga ogobakkigirik kwak Nalik Ku ALA neenggime logonet eeriyak yoge neegak, Aakumi nggween paga abok kumili kunuwak nduk anggur amburu wogorage nagagerak. Anggur amburu toologo pereegerak nogo yi aakumi ndi aakumi nunggo nagaarik, kumili kunik aret agaarik o.

Yeremiya 7:31

An nen, Yogop ee'nip o, yinuk, wone lengganogo yorage, niniki kunduk, Togop eerugun, mbake, eerulik kagak, it nen inapuri wologwe inom, komologwe inom, inoorogo kani kuninakak yuwak nduk puut endage Topet Kobappaga Mben-Kinom time inoorogo punuk, kani kuninako logorak wurit nagaarak,” yegerak o.

Yetikiyen 16:20

Ti eeke logonet, at nen at aagalogwe wologwe inom, komologwe inom, ndaganake nagagerik, It yi kunduk, at Ala apuri aret o, yinuk, yereegerak kwe, agugi inambi negen nawak nduk inoorogo inake wogorage nagagerak. Kwe yawukak negen eerit nage ti, maluk aret me, Yi kuli aret, yuurak kagak, eerit nage ti, iya lek, yinuk, eeke agaarik ya?

Yetikiyen 20:26

ndi, Naliku ALA an aret ineenu a'nuk, inamineeri ne agan nage logowak nduk, inapuri manggu ndarak inagugi ake inoorogo wogorogwe ti paga inoba maluk eerogo patuwak nen teppiige, eereegirak o.

Yetikiyen 20:28

An nen, Nggween wokkiraagin o, yinuk, kumbuk mbaneegim nogome wogoren piya unggwage mbareegi, it nen puut-puut tiyarogon paga, eyo eno'mbak yiganak-wiganak aago abu'me paga, kogwe kenok, nogome inagugi aanggo warogo wogogwi, nanini aruwak nduk, inake pi wogwe, inagugi ake obari abe kaga kani kunggwi, inake amburu kilirogo pugwi, eereegwaarak.

Yetikiyen 20:31

Inagugi inake wogorogo logonet, inapuri manggu ndarak inoorogo inagugi inake kani kuninakwi paga aa'nduk nen nok, o yogondak ineebe maluk eerogo pako agaarik o. Eeko logonet, it Iterali mendek ti, At Aliku ALA ari yo'niraawak o, yinuk, an nowagam wogwe iinok, an nen, Yo'ninip o, yinuk, yoroorak op ya? An togop yoraagin mondok lek o, yinuk, neenik Naliku Nitok Minggirak an ALA nen aret yagi o.

Yetikiyen 6:13

Yi puut ndi puut tiyarogon paga inom, puut-puut nggorek kirin paga inom, yi eyo ndi eyo engga wiganak alome inom, eyo teno eno'mbak yiganak-wiganak eerak alome inom, it obari abe kaga inagugi inake kani kunggo menggam abok aret inapuri inoorak inagugi ake warogo wogogo menggam enaagan-ambokan ngginnarit namenggaarak wonogwe iinok, Naliku ALA an aret ineenu arugun o.

Ala Unde 18:21

Naliku ALA an aret me, inogoba Ala an nendage miyuk-meya eerogo panukwak, kugi Molok ayuk wuko logonet, at ake warogo kani kunuwak nduk, inapurilogwe wogoriyak mage o.

Linggineegwaarak 25:6

Ndi, at Muta inom, it aakumi Iterali abok aret inom, Ala inom lambungge menggim awooliya wurik me tungga paga taati nen leenggu maakwi inigen iigak, aap Iterali mendek ambi nen kwe Miriyan mendek ambokan luwok togon ee'nuk ooliya wurik me wonok unggwi nage

Pelaareegerak 12:2

Kit o unde a'nuk logowam time it aakumi inagugi eeko menggam puut-puut tiyarogon paga inom, puut-puut teberogon paga inom, yi eyo ndi eyo engga yiganak-wiganak aago alome inom, wonage nogo abok aret mondok-mondok lek eerogo piinet nogwe,