Yetaya 56:2 - Ala Wone Peenok Peebi Mbanak

² It aap wone ti ndak-ndak eerit nogwe, It aakumi ndarak nen wone ti, nggirik-nggerok porogo wonogwe, Eeko logonet, Nogo 6 yippunuk, ko'lu yonggonggologo logorak wone taganogo pega'lek ndak-ndak eekwi, Maluk eeka'lek abe mban eerit nugwi, Eekwi iinok, Inale'nggen logogun o,” yinuk, yegerak o.

Yetaya 56:2 ပူးပေါင်းရင်းမြစ်များ

Nekemiya 13:17

it aap Yekura inoweewi inengga warak nogo mberirage logonet, “Nogo 6 yippunuk, ko'lu yonggonggologo logorak yugu kagak maluk eeppugwi ti, maluk nggwok lombok eekwi me, nonggop nduk eeko ogotik?

Ndawi 106:3

Eekaatak a'me nggelok eeppiinet nugwi, Obeelom mban eerit nugwi, Eeko menggaarak kenok, Inale'nggen aret mbako logowak o.

Ndawi 112:1

At Aliku ALA tiyappogo logowok o. Aap ambi at Aliku ALA agabiti mbake, “Yogop ee'nu ndogop ee'nu,” wone yugu nogo eeke logorak inikilom lombok mbake, Eeke menggerak nogo Ale'nggen aret wonage menggerak o.

Ndawi 119:101

Koone liirogon porogo logonet Eerit nage logokit nen maluk eeko menggam nookwak, Niyok awiirak minggirak o.

Ndawi 128:1

Kit Aliku ALA kinagabiti mbakwi, Eeriyak titik kirage nogo ndak-ndak eerit nugwi, Eekwi nogo, Kinale'nggen aret mbako logomunggup o.

Ndawi 34:14

Ndi, maluk mendek mbo punuk, Obeelom mendek kenok mban eerit nugwi, “Nonggop agago niniki ambit lambunik logorak,” koonggwi, Abu koombunuk ti aret kinomaawirogon mugurok nogwe, Eeko logonip o.

Ndawi 37:27

Kit maluk eekwi nogo mbo punuk, Obeelom mban eeko logonip o. Ti eekwi kiinok, O yime mondok-mondok aret logomunggup o.

Wundeegwaarak 20:10

ko'lu paga ti, Naliku an kinogoba Ala nake leenogo pateegirak me, kit inom, kinapuri kumi-aap inom, kinayeloman kumi-aap inom, kinaanggumi inom, aap nggiru ambi kiniya wogwe iinok inom, kit apit aret ne ti paga yi eekak ndi eekak eeko logorak mage o.

Wundeegwaarak 20:8

Nogo 6 yippunuk, ko'lu ti, nake leenak aret me, abeko logonip o.

Kini Wuppiige 14:16

Aap iniki warak nogo nen, “Maluk eeriyak neebi o,” yinuk, ogole mbagangge menggerak kwe, Aap iniki lek wi nogo nen perak, anini mbet-mbet mi'na'nuk ugun eerit nage nagaatik, “Op eeki,” yinuk, puk aret age menggerak.

Kini Wuppiige 16:17

It aap iniki koonak nogo eerit nogo logonet, maluk kenok, ogole nen mbaganggwi, Ndi, it aap liippunuk eerit nogwe nogo ti, iniki aret liirogon unde wakkologwe, Eeko menggaarak.

Kini Wuppiige 16:6

It aakumi nen Aliku ALA iniki kunik eekwi, Yegetak liirogon mban eerit nugwi, Eekwi paga Aliku ALA nen inomaluk lek eerogo pege menggerak. Ndi, Aliku ALA inagabiti mbakwi paga maluk ogole nen mbaganggo menggaarak.

Kini Wuppiige 4:13

An wone mamunggege yi, mbo puurak mage o. Ata, nggirik-nggerok porogo wonage, Wone yi eeke paga keenik logorak me, liirogon unde wake, Eeke logot o.

Kini Wuppiige 4:27

Kena agigan agak, ogugan agak, eeke logorak mage o. Ata, maluk eeko menggam kiyok pi noorak eekkake kero, mbo pege logot o.

Wone Alom Kibingga 7:18

Ambit mban porogo logorak mage o. Ata, Keenggi abeenok paga, “Op eeriyak,” porogo logonet, Keenggi abeenok paga, “Op eeriyak lek,” inom porogo logot o. Aap ambi Ala agabiti mbake kenok, wone ambi paga ari nage, wone ambi paga ari nage, eeka'lek oolo kuuri'me aret nage logogin o.

Yetaya 56:4

Aliku ALA nen yegerak nogo ti, alom yi nduk, yegerak o. “It aap inooli wogo nen nogo 6 yippunuk. ambi 7 paga yonggonggologo logorak wone yugu liirogon eekwi, An eeriyak mbake nogo, Eeruwok o, yinuk, eekwi, Wone abuk nggaruk togon koonogo pereegirak nogo nggirik-nggerok porogo wonogwe, Eekwi iinok,

Yetaya 56:6

It aap inambik nen Naliku ALA nake eerit nogwe, Naliku ALA nendage iniki kundugu eekkologwe, An nayeloman mini ogwe, Nogo 6 yippunuk, ko'lu yonggonggologo logorak wone taganogo pega'lek liirogon eekwi, Wone ninom abuk nggaruk togon koonogo pereegirak nogo nggirik-nggerok porogo wonogwe, Eekwi nogo, Mondok aret eeko logogun o, yinuk, yogwe iinok,

Yetaya 58:13

“Nogo 6 yippunuk, ko'lu paga yonggonggologo logorak wone taganogo pugwi lek liirogon eekwi, Ne an Ala nake leenogo pateegirak nogo paga it eeriyak mbakwi nogo lek an eeriyak mbake nogo mban eekwi, Nogo 7 paga yonggonggologo logorak ninikilom aret, yogwe, Naliku ALA nen ne leenogo pateegirak nogo ayuk wukwi, Ayuk wuko logonet, it eeriyak mbakwi nogo eeka'lek mbo pugwi, Eeriyak inikilom mbakwi nogo eeka'lek teppugwi, Inoone ugun-ugun yaga'lek liirogon mban agan nogwe, Eekwi iinok,

Yetikiyen 20:12

Naliku ALA an nen aret it leenogo piyareegirak nogo ineenu ogwe, wone ninom yereegurak nogo abekwi, eeko logowak nduk, ineenu agak nogo 6 yippunuk, nogo 7 paga yonggonggologo logorak wone nogo kunduk yoragagirak.

Yetikiyen 20:20

ndi, nogo 6 yippunuk, ko'lu paga yonggonggologo logorak leenogo pateegirak ti, kit ninom wone yereegurak abekak aret me, eekwi, eekwi kiinok, Naliku kinogoba Ala an aret kineenu arumunggup o, yinuk, yoragagirak.

Ala Unde 19:30

Naliku ALA an aret me, nogo 6 yinuk, ko'lu paga yonggonggologwe puk logowak nduk, leenogo pateegirak nogo abekwi, nawooliya wurik magame nogome ayuk wukwi, eeko logowak o.

Lukat 11:28

Yoge mbareegi, at Yetut nen, “At nogo mban lek o. It Ala wone liirogon konembunuk, eerit nugu menggaarak iinok perak, iniki ale'nggen aret mbako logogun o,” yinuk, yoragagerak.

Lukat 12:43

Ogoba nen ayeloman ambi togop eeke me ka wage kenok, ayeloman nogo iniki ale'nggen arigin o.

Yaya 13:17

An wone yokkirage yi nogo kineenu ogo logomonggotik, eeko logomunggup kenok, kiniki ale'nggen ambik kogo logomunggup o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Wayu 22:14

Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,