Yetaya 55:2 - Ala Wone Peenok Peebi Mbanak

² Mbi abe mendek lek kagak nonggop nduk yi mendek ndi mendek kunggo'net nugwi, Yabu liirit-laarit eeppunuk, Op togon kunggolagi, yinuk, iniki ndonggo yuurak lek kagak nonggop nduk yabu eerit nugwi, Eeko agaarik o? Inaruk logowak o! An yorage yi, inaruk konenggwi iinok, It yi mendek ndi mendek ombat abe mban nunggwi, Yi mendek ndi mendek amburu warak nenok, inale'nggen eeginaburak kogo menggaarak nogo mendek mban nunggwi, Eeko logogun o.

Yetaya 55:2 ပူးပေါင်းရင်းမြစ်များ

Ndawi 22:26

Aap ineenggi lek nogo inambi ndonggorogon nunggwi, It Kaliku ALA mukkeren nogo menggaarak nogo It aap ti mendek mondok-mondok aret logogun me, kalut eekwi, Eeko logogun o.

Ndawi 34:11

Kit an napuri yi wae. At Aliku ALA kinagabiti mbako logobagip nduk An mamunggiraagin me, an nowagam wogwe, Kit kinaruk liirogon aret konenggwi, Eeko logonip o.

Ndawi 36:8

Kat kame yi mendek ndi mendek abe mban wonage me, It ndonggorogon nawak nduk wogorage, Kaniyo mili eneeri wungge menggenom kinikilom mbake nogo it nawak nduk toologo wogorage, Eeke menggendak o.

Ndawi 63:5

Mbi ombat abe larak ndonggok togon nunggwi kwak, Kat togop aret eeppanege keenok, Niniki ale'nggen nen noone paga Ndawi wake logonet, tiyappagage logogin o.

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Kini Wuppiige 1:33

It aap an yorage liirogon konengga nogo perak, wone ambi inoba aga'lek inale'nggen aret wonogwe, Maluk ndogop eeppinanigin o, mbaka'lek iniki ugun tayenak wonogwe, Eeko logogun o,” yinuk, ari agaarik o.

Kini Wuppiige 7:23

Towe keele pugume nggelok yi nage menggi kwak, Wulaga ti, “Eerit nage paga kambigin,” mbaka'lek yini-panip kwe ti mugurok nage kagarak o.

Kini Wuppiige 8:32

Togop me, napuri yi wae. An eerit nage nogo mugurok nogwe iinok, inale'nggen mbako menggaarak me, An yokkirage yi, kinaruk konenggo logonip o.

Kini Wuppiige 9:5

“Mbi larogo pigirak nunggwi, Anggur amburu ombat abe inom nenggelak-kenggelak eerogo pigirak nunggwi, Eeriyak woraawak yegerak me, yokkirogo o.

Wone Alom Kibingga 6:2

Ala nen it aakumi uugwe mbakwi nogo ambi teppiigeelik abok aret wogorage, ineenggi warak eerogo piige, inendage tiyappiige, eeke logonet kwe, inale'nggen paga eerit nugu logowak nduk, inom eeppiyoolik me, aap inambik nen it aap ti inamendek nogo unde eeppatinuk, inale'nggen paga wonogwe iyareegirak o. Ti eekwi ti, aaninggin abu iya lombok kagak eekwi me, aanom warogo aret eekwi iyareegirak o.

Yetaya 1:19

Wone an yorage yi, Konenuwok o, yinuk, ndak-ndak eekwi iinok, It o time ineyabu eeremenggam anggen abe mban mbanogo nunggo logogun kwe,

Yetaya 10:27

Ne ti eyom paga it Atiyut mendek nen aaninggin iya lombok kinuumbaga pinagamenggaarak nogo at nen piyanogo nappege, Eyo aaninggin kinuut paga pugu nogo waganogo mbo pege, Eerigin o. Kineebe ela kologwe me, eyo aaninggin kinuut paga pinagagun nogo lek aret arigin o.

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yetaya 44:20

It aap ti nen, “An neenggi amburu paga ogut eeke yi, eebe abet aret me nduk, eeke ilik, eebe lek kagak we ogut mban eeke a?” yinuk, yogwe, “Yi paga nen nagap ndarigin me, eeke ilik?” mbakwi, Eeka'lek pilit kagak neenu mbakak eekwi ti paga tu alik paga nogwe, Wun nunggulik kagak nunggwi kwak eekwi, Eeko agaarik o.

Yetaya 46:6

Aap nen mbuti emas inayuma yonggolak nogo kilirogo wuppugwi, Mbuti perak aaninggin wakkogwe, Eeko nagaatik, Aap mbuti emas ogobakkigika nen ti paga kugi ogut ogobakkigiruwak nduk, onggo wogogwi, Ogobakkigirogo pege kenok, abu'me tebe yinuk, ayuk wukwi,

Yetaya 51:1

Aliku ALA nen ari logonet, “Kit obeelom mban eeruwok nduk mugurok nogwe, Naliku ALA mu'neren wogwe, eekwi yi wae. Wone an yokkirage yi, kinaruk konenggo logonip o. Kit yugum lunik alom nen poorogo wokkinake, Ndi, yugum nggaganggo menggam alom paga nen nggaganogo wokkinake, Eereegirak nogo liippugwi,

Yetaya 51:4

Napuri yi wae. Noone yokkirage liippugwi, Leenogo pinagareegirak kit an mendek yi wae. Noone yokkirage yi, konenggwi, Eeko logonip o. An nen aret eeko logorak wone lengganogo yokkirage, Eekaatak a'me nggelok eeke minggirak wone nogo eya kwak yi aakumi ndi aakumi inenggela'me mippege, Eerigin o.

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Yetaya 62:8

Abet mbaruwak nduk, at Aliku ALA eenggi abe'nggan nippege, Abet aret eerigin o, yinuk, eenggi mondok omaawi tiyambege, Eeppunuk, Kumbuk mbangge logonet, eeriyak yegerak nogo yi o. “Gandum anggen mbanak waganogo kawim wogorage, Keenggi omaawi paga yabu ta'liila eekendak anggur amburu ngget toolak nogo, it aap inambik nawak nduk wogorage, Eerigin mondok lek o.

Yetaya 62:9

It anggen mbanemenggaarak nogo nen aret nonggo logonet, Naliku ALA nendage tiyappugwi, Anggur anggen kuwak eerogo punuk, aambiranogo amburu toolemenggaarak nogo, an nawi alik leenak wurik nawoore'nggam time logonet nunggwi, Eeko logogun,” yegerak o.

Yetaya 65:23

It nogo ti, Naliku ALA nale'nggen inoba piyareegirak nogo mendek awi wiganak aret me, It liirit-laarit eeremenggaarak nogo we aanom warogo aret eekwi, Ndi, inapuri nda'naremenggaarak nogo yini-panip kanggwi, Eeko logogun mondok lek aret o.

Yeremiya 12:13

Naliku ALA nanini kani kunik negen inoba piige me, It an napuri nen gandum awi yumbunogo pegaarak kwe, anggen abe yege lek iri'ngga alok-palok mban lagangge, It yabu ta'liila eekaarak kwe, anggen maluk mban yege, Eeke paga Inenggali mbakak nugu agaarik o,” yinuk, yegerak o.

Yeremiya 17:24

Aliku ALA ari logonet, “Ndi, it yi perak, an wone yorage nogo liirogon konembunuk eeko logonet, nogo 6 yippunuk, ko'lu paga inamendek luurik-maarak aago wonok o kota tu unggwogo menggam unggwi wogwe, yabu eekwi, eeka'lek nogo 6 yippunuk, ko'lu paga nake alik leenogo pugwi iinok,

Yeremiya 2:13

“An napuri maluk eekaarak alom mbere yi aret. Ambi, niyo ineenik eeginake minggirak alom an nogo inambokan mbo panugwi, Ndi, ambi, niyo yenggenak logorak nggween kabunogo pakwi kwe, eno mbanak me, wundi nage logorak mendek kagak kabunogo pakwi, Eekaarak o,” yinuk, yegerak o.

Yeremiya 31:14

It aap an neebe unde wonogwe iinok, mondok alik negen eerogo piya wogwe paga ndonggorogon nunggwi, Ndi, an napuri nogo obeelom mban eeppiige paga iniki mondok ndonggo ari, Eerugun o,” yinuk, Aliku ALA nen aret yegerak o.

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Oteya 8:7

It Iterali ti nen, awi yumbunggwi kwak o wiya aret yumbunggwi me, anggen mbanggwi kwak o wiya omaawi lombok nombok-kombok warit wage logonet, ineebe aret inooke kaagun o. Gandum awi yakaatak ero laganggetak kwe, anggen yega'lek wonage me, nano mendek yigirogo tepung eeriyak? Lek aret o. Ndi, anggen yege logonetak en ti, aakumi inambik nen mbanogo nonggo logonetak me, ti togon meek aret a'netak o.

Abakuk 2:13

Yi aakumi ndi aakumi nggwiirit-nggwaarit eekwi nogo ti, kani noorak ake eekwi, Aakumi inanebunu lombok ambi koloorak lek we aanom warogo kagak, anggon-panggon eekwi, Eeko logowak nduk, Nomaawi Lombok Minggirak Naliku an ALA nen kooneegirak paga eekwi nogo lek a?

Matiyut 15:9

It mamunirogo menggaarak ti, aakumi inoone yugu kagak, mamunirogo menggaarak me, Aanom warogo aret nalut ee'nako agaarik o, yinuk, yereegerak, nogo ti, kit yi eekwi kiinok aret yereegerak kagi o,” yoragagerak.

Matiyut 22:4

Puk ogo mbareegwa, at aap nogo nen, Nerapi inom, nerapi-lembu amok warak lombok inom, warogo lake nagarik, noorak nduk yi mendek ndi mendek abu pipuk eerogo pigirak me, ninom noorak yoragarak nogo, mbet-mbet woraawak nduk, yora nanip o, yinuk, ayeloman mini alik ambi yonggo nappiyareegerak.

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

Marakut 7:14

Yorage nagagerik, it aakumi ambik wiiragagerak nogo, wogo mbareegwa, yorage logonet, “Kit abok aret an wone yokkirage yi, kinaruk liirogon konembunuk, waganggo logonip o.

Lukat 15:23

Ndi, ti eeppunuk, tapi aagaluk amok warak ambi wa nogo logomonggotik, warogo anooniya lako logonet, ale'nggen eeruwok o.

Yaya 6:27

Mbi lek ariyak mendek nogo mban yabu eeko logogup o. Ata, aap aret nda'nagagirak an nogo nen mbi mondok-mondok logorak mendek wokkirage nogo koloorak yabu mban eeko logonip o. An ti mendek aret wokkirage logokit nduk, nogoba Ala nen ineenu agak eerogo paneegerak nogo o.”

Oroma 10:17

Ti kenok, Keritut ninake eereegerak wone ti, yoragaatak paga konenggwi, ndi, konembunuk, abet mbako logonet, waganggwi, eeko menggaarak o.

Oroma 9:31

nit aakumi Iterali mendek perak, “Nit obeelom eerit nugwi paga eeppinanuwak,” mbareegurak kwe, eeppinanulik kagi o.

Pelaareegerak 11:13

Kit nen at Aliku kinogoba Ala kiniki kunik eekkologwe, kiniki inom, kineebe inom, abok aret at mban wogo'nuk mugurok nogwe, eeko logomunggup nduk, an nen wone, Yogop ee'nu ndogop ee'nu, yinuk, yogondak yokkirage yi, mondok liippunuk eeko logonip o.

Iberani 13:9

Yi wone ndi wone alik agan wogwe nogo konembunuk, kiniki nomonggiren nogwe iyo, liippogo logonip o. It ando nen, “Yi mendek ndi mendek nonggo logonet, Yogop ee'nu, ndogop ee'nu,” yinuk, wone lengganak nogo eekwi paga iniki kole eekkolaga'lek we aanom warogo eerit nogwe me, kit nen yogo logonet, “Wone ti paga niniki kole ee'ninaburak lek o. Ata, Ala iniki kunik en eeppinanege kagak niniki kole ariyak ti, op aret o,” yinuk, mbako logonip.