Yetaya 54:2 - Ala Wone Peenok Peebi Mbanak

^2-3 “At nen nggween agi-ogu inom, iru-ogwe inom, wiganogo pit nage, Ndi, at paga ndarak nen yi aakumi ndi aakumi inanggween tebenggologo logonet, It wonogogwam kota-kota yi oone ndi oone lek nogome ye mbanggola unggwogwe, Eerugun me, Ando pegak eerugurik o. Ata, awooliya wurik ti, ambinom akom pogukkage, Awooliya wurik yum tugunik nogo mbiganogo pege, Awooliya keele pugunik ti, ambinom nggigippege, Eyak yinik nogo mondok nu'lek eerogo pege, Eeke logowak o.

Yetaya 54:2 ပူးပေါင်းရင်းမြစ်များ

Wakkagagerak 26:22

Toongge nagagerik, o nogome nen wo'narok o alik ambime nogo nogogwaarik time logonet, nggween alik ambi kabuneegwaarak kwe, ili wone waka'lek mbareegwa, at Itak nen, “O yime Ala nen tenak eerogo pinaneegerak me, ninapuri nggwok aret wiganugun kagi o,” yinuk, niyo kabuneegwaarak nogo endage, “Wone Lek Op Menggim o,” yinuk, tooneegerak.

Wundeegwaarak 35:18

ti'nuk, awooliya wuko logonet omaawi eekak mbuti owak inom, owa'nagat wuko logonet omaawi eekak mbuti owak wurakak inom, keele maariyak inom, nogo ogobakkigirogo pugwi,

Wundeegwaarak 39:40

owa'nagat wuriyak paga yum tugunogo wuppi wagak inom, owa'nagat owak mippuurak inom, iyok eerak inom, tungga paga yum tuguniyak inom, omaawi eekak keele inom, omaawi eekak mbuti owak inom, Ala inom lambungge logowam wuriyak yi mendek ndi mendek eekak yuurak abok aret inom,

Yetaya 26:15

Kaliku ALA wae. It aakumi yi ineebe ambik eerogo piige, Ineebe ambik wiganogo piige, Inanggween kuli mbanak kagak ambe wiganogo pege, Eereegindak paga Kat kendage mondok tiyanak aret agaarik o.

Yetaya 33:20

Ninale'nggen nen laago lako logorak yugu lako monggom o Tiyon nogo kinigen nakkogo logonip o. Ooliya wurik minogo ambime wonok nawak nduk, eyak yinik kinggwi, Keele eyak paga pugunik nogo piinggwi, Eeka'lek mondok wurik menggi kwak, O Yerutalem ti, yi wone ndi wone lek obeelom mban wonage kaamunggup o.

Yeremiya 10:20

Ninawooliya wurik nogo mi-mi wangge, Keele mbarenggak mendek abok aret nggaru-nggaru nage, Eekerak o. Ninapuri wologwe nogo mbo pinaninuk nagaarak ineebe lek aret agaarak me, ninawi wurogo pinanugwi, Ninawooliya kambonogo pinanugwi, Eeriyak ineebe lek aret o.

Mika 7:11

Kat Yerutalem yi wae. Kayugum pak obaane'me wurogo pege, Kanggween kuli pugu ambe wigak togon eerogo pege, Eeriyak eyom panggoni woraagin o.