Yetaya 53:7 - Ala Wone Peenok Peebi Mbanak

⁷ At aaninggin oba pugwi, andi-pandi eerogo pugwi, eekwi iigak, “Eeppaniyak op aret o,” mba'nuk, puk aret agagerak. Ndomba aagaluk waruwok nduk wonok nogwe iigak, puk menggi kwak, at oone lek kagak wonok nogwe, Ndi, ndomba iyagalo eeruwak mbanggwi iigak, oone lek puk menggi kwak, at oone lek puk aret wonage, Eereegerak o.

Yetaya 53:7 ပူးပေါင်းရင်းမြစ်များ

Ndawi 38:14

An yi nogo, Aap inoone yogwe kwe, konengga'lek wonogwe, Inoone yoragaatak kwe, Onggo ambi yoraga'lek puk wonogwe, Eeko mengga kwak aret agarik o.

Ndawi 38:15

“An eraabin tuk togon yigeebu wangge neenok, It nogo nen, Kayik a! yinuk, inale'nggen mbakwi, Op togon wanggi, yinuk, wogoppakwi, Eekwi iyo, Non mbanogo piyet o,” yinuk, yokkigirak me, Kaliku ALA wae. An kat paga niniki lunik wonage, Kat nogoba Ala wae. Kat nen onggo yo'nenok nduk tokkeege, Eeke logogin o.

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Matiyut 26:63

Yoreegerak kwe, at Yetut nogo oone lek puk wonagagerak. Puk aret wonage mbareegi, at Ala unde inowe nggwok nen, “Kat Keritut Ala aput kenok, paganogo yo'niraanok nduk, at Ala eenik menggerak endage kumbunuk yokkigi o.”

Marakut 14:61

Yoreegerak kwe, at Yetut wone onggo ambi yaga'lek puk aret wonagagerak. Puk aret wonage mbareegi, at aap Ala unde inowe nggwok nogo nen, “Nit alut eeko monggoorak aput Ala nen leenogo pereegerak Mesias nogo, kat aret ilik?” yinuk, kin wokkagagerak.

Marakut 15:5

Yoreegerak kwe, at Yetut onggo yoraga'lek puk wonage mbareegi, at Pilatut nogo, “Aap yi, iya!” yinuk, pi wareegerak.

Lukat 23:9

Iniki ale'nggen mbake nagagerik, yi wone ndi wone apit Yetut kin wokkagagerak kwe, Yetut wone onggo yoga'lek puk aret wonagagerak.

Yaya 1:29

Nogo yinuk, ko'lu Yetut nogo, at Yaya owagam wage enegen kage nagagerik, it aakumi yorage logonet, “Aakumi nggween paga yime menggaarak inomaluk lek agago piige menggerak Ala andomba nogo wage yi kaanip o.

Yaya 19:9

Agabiti age nagagerik, ne ambinom aakumi inowak loonggo menggam nogo me unggwi nanuk, Yetut yoge logonet, “Kat kawi alom ngga nen wagagindak o?” Yoreegerak kwe, at Yetut oone lek puk mban wonagagerak.

Wayu 5:6

Yo'nege mbaki, inoweewi 24 nogo inom, aakumi nen iigulik mendek ineebe 4 nogo inom, wone lengganogo yorage menggim taati wanggerak wonogwe iigak, Ndomba Aagaluk ambi eebe warak negen kwe, it inenggela'me mi'ndak wonage kagarak. Ndomba Aagaluk nogo ti, aruk alom me eyak 7, ndi, enegen 7, wonage kagarak. Aruk alom me eyak 7 inom, enegen 7 inom, nogo ti, Ala Aberiniki eeke menggerak alom 7 o nggween paga yi awi ndi awi nappiige menggerak nogo aret o.