Yetaya 53:3 - Ala Wone Peenok Peebi Mbanak

³ Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Yetaya 53:3 ပူးပေါင်းရင်းမြစ်များ

Ndawi 69:29

Ala wae. An perak, tebenogo panugwi paga andi lombok ee'nake, Niniki aaninggin ndugu aago wonage, Eeke me, Kat nen nagap ndarogo aaninggin noba wonage nogo Teeluk eerogo panumunggun o.

Ndawi 88:4

Aakumi mbuun ambena wanggwi nogo, “Ninom wangge,” nombakwi, “An namiya lek agaarak kambuurak aret,” nombakwi,

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Yetaya 52:14

At enete ti, aap inete aret kwe, wakwi paga nano inete negen eerogo pege, Ndi, eebe aap aret kwe, wakwi paga nano negen age, Eereegerak me, It aakumi abok aret nen, Iya! yinuk, ineenggi ineyak mbanggologogwaarak.

Yetaya 53:10

At Aliku ALA kooneegerak paga awinde-obaande eeppugwi, Yagan wake logowak nduk eeppugwi, Eereegwaarak o. Ndi, it aakumi maluk eekwi lek eerogo piyaawak nduk, “At eebe waruwak o,” yinuk, kooneegerak paga wareegwaarak kwe, At paga wiganak enegen iige, At nda'nagagerak eyom nggorek ari nage, Aliku ALA nen at eeriyak mbareegerak nogo eerit nage kenok, abe age, Eerigin o.

Yetaya 53:4

Nit andi-pandi ee'ninake nogo at nen wagangge, Aaninggin nen niniki wakkologwe nogo, at nen aret piyangge, Eereegerak kagak, Nit mbako logonet, “At ambi eekerak paga Ala nen aaninggin oba pege, eebe wake, Yagan wake logowak nduk, eerogo pege, eereegerak,” mbareegurak kwe,

Mika 5:1

Togop aret kwe, “O Mbe'lekem-Eparata kat yi perak, It Yekura inanebunu mendek inenggela'me kat mbuuluk aret kwe, kat paga nen at ambi o aa'nduk iyaalok togon wonagagerak nogo, It Iterali inarum logowak nduk, mippigin o,” yinuk, yokkege kagarak.

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Matiyut 26:67

Yogo nogogwaarik, woori enete me lenggenggogwe, ineenggi lingginik paga wakwi, ndi, ando ineenggi telak wakwi, eeko logonet,

Matiyut 27:63

“Ninogoba wae. At aakumi nomoninake menggerak nogo nen awo eenik logonet, Nogo mbere yippunuk, mi'narigin o, yereegerak nogo nineenu me,

Marakut 10:33

“Wologo wae. Nit o Yerutalem nogo ogoorik o. Time unggwi namonggoorak me, an aap aret nda'nagagirak nogo neebe pigogo, it aap Ala unde inoweewi inom, it Ala wone liiru mbanak unde inom, wogorage kenok, nooruwak nduk wone mbambunuk, it aap endekem konenggulik mendek wogoraagun o.

Marakut 10:34

Wogorogo mbaremengga, nenggali wakwi, inowoori noba lenggenogo panugwi, yawi paga nookwi, eeppaninuk, mondok noorugun o. Nooko mbaremengga, nogo mbere yippunuk, ko'lu neenik arigin o,” yoragagerak.

Marakut 14:34

Age nagagerik, it yorage logonet, “Wologo wae. An niniki puru ari logonet, kambuurak ee'nake me, kit yime logonet, tum wako logonip o.”

Marakut 15:19

mbim obate mbanak paga anobak telanggogwe, inowoori oba lenggenggogwe, eeppogo nogogwaarik, inendobanggun yindumbunuk, inuut wutik logonet, ayuk wureegwaarak.

Marakut 9:12

Kin wokkogo mbareegwa, at nen, “Eliya aa'nduk aret wage logomenggerik, yi eekwi ndi eekwi ndegeni woraagin o, yogwe nogo ti, abet aret yogwe kwe, an aap aret nda'nagagirak nogo noba aaninggin-paaninggin agago panugwi, miyuk-meya eerogo panugwi, eeriyak liiru mbaneegerak nogo ti, nonggop nduk mbaneegerak mbakop?

Lukat 16:14

Yorage mbareegi, it aap Pariti nen Yetut wone yoragagerak nogo konenggo nogogwaarik, wu inikilom me, Yetut meek agago pereegwaarak.

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Lukat 8:53

Yorage mbareegi, it aakumi nen kolaga nogo abu kanggerak ineenu me, at agi'ndok kambeegwaarak.

Lukat 9:22

Inaruk wappunuk, yorage logonet, “An aap aret nda'nagagirak nogo mondok noba aaninggin-paaninggin agago panugun o. It aap inanggok inom, Ala unde inoweewi inom, Ala wone liiru mbanak unde inom, ineebi nen mbo panugo logonet, nooko mbaremengga, nogo mbere yinuk, ko'lu Ala nen neenik agago mippanigin o.”

Yaya 11:35

Yogo mbareegwa, Yetut le yereegerak.

Yaya 8:48

Yorage mbareegi, it Yakuri mendek nen, “Kat aap Tamariya mendek kugi kinikime lik yegerak, yokkogoorak nogo ti, abet aret nogo lek a?”

Pelaareegerak 32:15

Kendage Yetiyurun ti, li'lak eeka aret kwe, Keebe kole a'nuk, kiyok konden kambokan nen yigirogo pege, Ndonggok togon nenok, keebe piike logonet, Keeruwak loba eerogo pege, Eeke nagagindik, Kanebunu ambit mendek agago pagareegerak Ala nogo mbo punuk, mbagangge, Yugum nu'lek menggi kwak kagap ndaka nogo teppege, Eeppunuk,

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,